Najə̄ kə́ Majə yā Jeju ń Luk ndang ní 8:3 - Bibəl ta Sar̄

³ Jan kə́ nə̄yá̰ Suja kə́ nge kəndā kumən gír yá̰a̰ kənge yā Herod tə́ ō, Sujan ō, dəyá̰ kə́ rang gə̄ ngá̰ý kə́ ngé kɔy yá̰a̰ kənge yādə́ gə̄ rāań kə Jeju ō kə ngé ndóō yá̰a̰ yān gə̄ ō.

Bible sar

³ Jan kə́ nə̄yá̰ Suja kə́ nge kəndā kumən gír yá̰a̰ kənge yā Herod tə́ ō, Sujan ō, dəyá̰ kə́ rang gə̄ ngá̰ý kə́ ngé kɔy yá̰a̰ kənge yādə́ gə̄ rāań kə Jeju ō kə ngé ndóō yá̰a̰ yān gə̄ ō.

Najə̄ kə́ Majə yā Jeju ń Luk ndang ní 8:3 Referans Kwoze

1 TIMOTE 5:10

Majə kadə̄ de gə̄ ger̄nən̄ tām̄ kəla rāān gə̄ kə́ majə tə́. Ādə̄ ni-ətō ngán gə̄ ō, əhɔ de gə̄ kə̄ rɔ̄n tə́ majə ō, tə́go nja de gə̄ yā Nə́ɓā ō, rāā kə ngé gə̄ n wurdə́ ɔldə́ ní ō, əndā rɔ̄n ta kəla malang kə́ majə tə́ ō.

PILIPƏ 4:22

De gə̄ yā Nə́ɓā malang ń ndin̄ laā ní, rāān̄sí lápə́ya, ba mandang ɓáa, i ngé kə́ kem ndogə̄ yā Sejar tə́ gə̄.

2 KORḚNTƏ 8:9

Tɔdɔ̄ sḭḭ̄ ī-gerī yá̰á̰ ń Kɔ́ɔ̄ɓē yājí Jeju Kərist rāā ní: Ni ń ənge yá̰á̰ ngá̰ý ní, tél nge ndoō tām̄ yāsí tə́, kadə̄ ī-téliīneé ngé kənge yá̰á̰ ngá̰ý gə̄ kə ta kūl̄ ndoō ń rāān ní.

MATIYE 26:11

Tɔdɔ̄ ngé ndoō gə̄ a ndin̄ sesí i kə ndɔ̄ gə̄, ba mā m-ā m̄-ndi sesí kə ndɔ̄ gə̄ alé.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

MATIYE 2:11

Nin̄-udən̄ kújú anī a̰a̰n̄ ngōn̄ ní nin̄ kə kó̰o̰n Mari. Nin̄-ɔsən̄ nodə́ nang tə́ non tə́ rɔȳnən̄neé. Gō tə́ anī teēn̄ ta sandúkə́ yá̰a̰ kənge yādə́ gə̄, ba ɔyn̄ lɔ́r ō, kajaja ō, nō kāgə̄ mír ō, ndējə̄n̄ ngōn̄ ní.

IJAI 23:18

Banī manə̄n yān gə̄ ń ni a ənge ní, yá̰á̰ ń ni a ənge gírí ní, a ɔrə̄n̄ kam̄ tām̄ yā Kɔ́ɔ̄ɓē tə́. A kánə̄n̄ kə̄ dɔ naā tə́ alé, deē a ngɔ̄m̄ alé. Yá̰á̰ ń ni a ənge gírí ní, a ul̄nəń ngé ndi ta kum Kɔ́ɔ̄ɓē tə́ gə̄, a adə̄n̄neédə́ kūbə̄ kə́ majə ngá̰ý gə̄ ō.

1 YÁ̰A̰ GƏ̄ 29:14

Mā ō, gír deē yāḿ gə̄ ō, jḭḭ i yá̰a̰ alé. I jḭḭ kə dɔjí n j-asə ndējī kadə karī gə̄ ń toō kə gō kem ndigə yājí ní alé. Yá̰a̰ malang ḭḭ i rɔ̄í tə́ ō, yá̰á̰ ń j-adī ní teē i jīí īkɔ́ tə́ ō.

Najə̄ kə́ Majə yā Jeju ń Luk ndang ní 24:10

Dəyá̰ gə̄ ní i Mari kə́ Magədala ō, Jan ō, Mari kə́ kó̰o̰ Jakə ō. Dəyá̰ madə̄də́ kə́ rang gə̄ ń i sedə́ ní ədan̄ ngámbang kəla gə̄ gotə yá̰a̰ gə̄ ní ō.

KƏLA RĀĀ 13:1

Ngé koō ta gə̄ ō, ngé ndóō de gə̄ yá̰a̰ gə̄ ō, ndin̄ kem Egəlijə kə́ A̰tiyos tə́. De gə̄ ní i Barnabas ō, Simeo̰ ń a ɓāŕnən̄ na i de kə́ ndul ní ō, Lusius kə́ Siren ō, Manahen ń ətōn̄də́ naā tə́ kə Herod nge ko̰o̰ ɓēé ní ō, Sol ō.

MATIYE 14:1

Dan ngeé ń noō tə́ ní, rī Jeju ɓāŕ ngá̰ý, adə̄ əsō mbī Herod nge ko̰o̰ ɓē tə́.

MATIYE 14:3

Tɔdɔ̄ kété ní Herod adə̄ əhɔn̄ Ja̰a̰ ənīn̄ súĺ njan tə́, ba ənīnən̄ dəngáyá najə̄ yā Herodiad nə̄yá̰ ngōkó̰o̰n Pilipə tə́.

MATIYE 14:6

Banī ndɔ̄ ń Herod a rāań nāā kojən tə́ ní anī, ngōn̄ Herodiad kə́ dəyá̰ ndām̄ no ngé reē rāā nāā gə̄ tə́ malang. Ndām̄ yān ní nel̄ Herod ngá̰ý,

MATIYE 20:8

Loo tíbí anī kɔ́ɔ̄ ndɔr̄ ní əda pajā yān na kə ɓāŕ ngé kəla gə̄ kə adə̄də́ nar yādə́. Kə əla gír dɔ ngé gə̄ ń reēn̄ gō gogə́ ní tə́, ba kə tɔ̄l̄ ta dɔ ngé kə́ kété gə̄ tə́.

MATIYE 27:55

Dəyá̰ gə̄ ngá̰ý ran̄ noó, ba dandə́ i sa̰y n a a̰a̰n̄neé loo ní. Nin̄-əlan̄ gír kun gō Jeju i Galile nú, njə̄rān̄ seneé a rāān̄neé kəla adə̄nən̄.

JA̰A̰ 12:6

Ni-əda najə̄ ń noō i tɔdɔ̄ ndigə kə́ ni-ndigə i ngé ndoō gə̄ alé. Ba i tām̄ ni i nge ɓogə. Ni i nge ngɔ̄m̄ ngong nar, adə̄ a ɔy yá̰á̰ kə́ kemeé loo ɓogə tə́.