Najə̄ kə́ Majə yā Jeju ń Luk ndang ní 8:24 - Bibəl ta Sar̄

²⁴ Ngé ndóō yá̰a̰ gə̄ ndɔ́tə̄n̄ kə̄ rɔ̄ Jeju tə́ ngɔr, ndól̄nən̄ dɔ ɓīī tə́ ba ədanən̄ na: Ngoljí, ngoljí, tají a tḭ̄ḭ̄! Jeju ndól̄, ba ndán̄g nél ō, bəngál man̄ ō adə̄ dəban̄. Loo tél to kúkúkú kɔ̄ɔ́.

Bible sar

²⁴ Ngé ndóō yá̰a̰ gə̄ ndɔ́tə̄n̄ kə̄ rɔ̄ Jeju tə́ ngɔr, ndól̄nən̄ dɔ ɓīī tə́ ba ədanən̄ na: Ngoljí, ngoljí, tají a tḭ̄ḭ̄! Jeju ndól̄, ba ndán̄g nél ō, bəngál man̄ ō adə̄ dəban̄. Loo tél to kúkúkú kɔ̄ɔ́.

Najə̄ kə́ Majə yā Jeju ń Luk ndang ní 8:24 Referans Kwoze

Najə̄ kə́ Majə yā Jeju ń Luk ndang ní 4:39

Jeju nōr̄ kə̄ dɔ dəyá̰ ní tə́ ba ɔr̄ najə̄ kə mo̰y gajaá kə tɔ́gɔ́ anī mo̰y gajə əya̰n. Dəyá̰ ní ḭḭ dɔɔ́ kə̄ ta jī tə́ beē rāā yá̰a̰ kəsa adə̄də́.

Najə̄ kə́ Majə yā Jeju ń Luk ndang ní 5:5

Banī Simo̰ tél ədan na: Ngoljí, j-a̰a̰ tápə̄ ndɔ̄ɔ́ laā bátə́ loo tīī dɔ jí tə́ kanjə̄ kəhɔ yá̰á̰ kógə̄ḿ. Ba dan ń i ḭ̄ n ə́da najə̄ ní, m-ā m-ə̄nā réng maná.

NAHUM 1:4

Ni ndán̄g bā bo, anī bā bo iī. Ni-rāā adə̄ ngán man̄ gə̄ malang gətóon̄ kɔ̄ɔ́ kem kār̄də́ gə̄ tə́. Anī loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ dɔ nang kə́ Basan tə́ ō, mbal̄ bo kə́ Karmel ō ní, yá̰a̰ malang kə́ ndi kə kumneé gətóo tū tə́ kɔ̄ɔ́ ō, hútə̄ yá̰a̰ gə̄ kə́ Liban ndəlén̄ kɔ̄ɔ́ ō.

PĀ GƏ̄ 65:7

Ḭ̄ ī-tə́ndā mbal̄ bo gə̄ ādə̄ ran̄ ngan̄g gotə kógə̄ḿ kə tɔ́gí. Ī-do̰ō̰ kəhɔ rɔ̄ tɔgə ndāŕ tə́ ɓōdīí tə́.

MATIYE 14:30

Ba dan ń ni-a̰ā̰ kadə̄ nél əla i kə ngangāá ngá̰ý anī, ɓōĺ rāān. Ni-əla gír nduȳ ta kaw̄ gír maná, anī əga kɔŕ əda na: Kɔ́ɔ̄ɓē, ájəm̄!

JEREMI 5:22

Ā ī-ɓōlíī ndílə́ḿ aĺ a? Mā ń m-ə̄ndā nán̄g ngárə̄ḿnjēý m̄-gāngəń gír ba bo ō, m-əndān m-ādə̄ i dɔ nin̄ kə́ a to ngándáńg kə́ ni asə mān̄ dɔ aĺ ō ní? A ī-ndebiī ta kumḿ tə́ aĺ a? Najə̄ ń Kɔ́ɔ̄ɓē əda ní n noó. Bəngálən gə̄ ḭḭn̄, banī tɔ́gə́də́ gətóo. Kōōdə́ ɓār̄ a mānə̄n̄ dɔn alé.

IJAI 50:2

Dan ń m̄-reē ní, m-ə́nge deē kógə̄ḿ alé. Ní i tām̄ rí tə́? Dan ń m̄-ɓāŕ yá̰á̰ ní, deē daləm̄ alé. Ní, i tām̄ rí tə́? Mā m-ásə kɔr̄sí ɓəloó aĺ a? Tɔ́gə́ḿ kə́ kadə̄ m-ájəńsí gətóo a? Tá kə ta kūl̄ najə̄ kə́ m̄-ndángəń loo ngóy, m̄-rāā adə̄ bā bo tutə kɔ̄ɔ́ ō, m̄-rāā adə̄ bā gə̄ télən̄ dəla loo ō. Adə̄ dan ń man̄ gətóó ní, kəndā man̄ tɔ̄l̄ kānjə̄ gə̄ ō, nin̄ ndumən̄ ō.

MATIYE 8:25

Anī ngé ndóō yá̰a̰ yān gə̄ ndɔ́tə̄n̄ kə̄ rɔ̄n tə́ ngɔr, ndól̄nən̄ dɔ ɓīī tə́ ba ədanən̄ na: Kɔ́ɔ̄ɓē, ájə́jí na tají a tḭ̄ḭ̄.

MARK 4:39

Ni ndól̄ anī ndán̄g nél, ba əda bā bo na: Asiī, ī-ra jəke! Adə̄ nél gān̄g kɔ̄ɔ́, ba loo tél to kúkúkú.

Najə̄ kə́ Majə yā Jeju ń Luk ndang ní 4:35

Jeju ndán̄g ndíĺ kə́ majaĺ ní ba ədan na kə utə̄ tan ō, kə teē kɔ̄ɔ́ kem deē ń noō tə́ ō. Anī ndíĺ kə́ majaĺ ní ənī deē ní nang tə́ ta kum de gə̄ tə́ malang ba teē kemən tə́ kɔ̄ɔ́ kanjə̄ rāā yá̰á̰ kógə̄ḿ kə́ majaĺ seneé.

Najə̄ kə́ Majə yā Jeju ń Luk ndang ní 8:25

Gō tə́ anī Jeju əda ngé ndóō yá̰a̰ yān gə̄ na ké taā kem yādə́ n ké to rá wa. Banī ɓōĺ rāādə́ ō, ɔr kumdə́ ngá̰ý ō. Anī nin̄-ədan̄ naā dɔ dáńdə́ tə́ na ké deē nəkɔ́ ń toō i náā áké əndā dɔ néĺ tə́ ō, man̄ tə́ ō, adə̄ oōn̄ tan beé wa.