Najə̄ kə́ Majə yā Jeju ń Luk ndang ní 8:18 - Bibəl ta Sar̄

¹⁸ I beé ní á̰a̰ī loo koō ń ōōī loo ní majə. Tɔdɔ̄ deē ń i kə yá̰á̰ ní Nə́ɓā adə̄n madə̄ dɔ tə́. Ba deē ń i kə yá̰á̰ aĺ ní, yá̰á̰ ń ni-ɔjəń na i yá̰a̰ yān ní gə̄gē, Nə́ɓā a taā jīn tə́ kɔ̄ɔ́.

Bible sar

¹⁸ I beé ní á̰a̰ī loo koō ń ōōī loo ní majə. Tɔdɔ̄ deē ń i kə yá̰á̰ ní Nə́ɓā adə̄n madə̄ dɔ tə́. Ba deē ń i kə yá̰á̰ aĺ ní, yá̰á̰ ń ni-ɔjəń na i yá̰a̰ yān ní gə̄gē, Nə́ɓā a taā jīn tə́ kɔ̄ɔ́.

Najə̄ kə́ Majə yā Jeju ń Luk ndang ní 8:18 Referans Kwoze

MATIYE 13:12

Tɔdɔ̄ deē ń ənge yá̰á̰ ní, Nə́ɓā a adə̄n dɔ tə́ kadə̄ yá̰a̰ kənge yān i ngá̰ý, banī deē ń ənge yá̰a̰ aĺ ní kə́ jīn tə́ gə̄gē Nə́ɓā a taā kɔ̄ɔ́.

Najə̄ kə́ Majə yā Jeju ń Luk ndang ní 19:26

Ni ədadə́ na: Ādə̄ m-ə́dásí, deē ń i kə yá̰á̰ ní, a adə̄nən̄ madə̄ dɔ tə́, ba deē ń i kə yá̰á̰ aĺ ní, a taān̄ ni kə́ ngá̰ý aĺ nəkɔ́ ń noō jīn tə́ kɔ̄ɔ́.

MATIYE 25:29

Tɔdɔ̄ deē ń ənge yá̰á̰ ní, a adə̄nən̄ madə̄ dɔ tə́ kadə̄ yá̰a̰ yān al̄ loo. Banī deē ń yá̰a̰ kəngen gətóo ní, ni kə́ sḛ́ý beē ń i jīn tə́ ní gə̄gē a taān̄ kɔ̄ɔ́.

JA̰A̰ 15:2

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

HEBƏRO 2:1

I tām̄ najə̄ ń toō tə́ n majə kadə̄ j-əhɔī gō najə̄ gə̄ ń j-oōī ní adə̄ ngan̄g tɔȳ kə́ kété ní, na sōgə́ jə-ndúmī ta róbə yā kadə tají tḭ̄ḭ̄.

1 KORḚNTƏ 14:37

Ré de kə́rēý taā kem kadə̄ ni i nge koō ta, aláa ni i de kə́ nge rāā yá̰a̰ gō yā Ndíl tə́ anī, majə kadə̄ ni-ger̄ kadə̄ yá̰á̰ ń m̄-ndang m-ādə̄sí ní i gō míndə́ Kɔ́ɔ̄ɓē.

1 KORḚNTƏ 8:2

Ré de kə́rēý gír̄ kemən tə́ kadə̄ ni na i de kə́ ger̄ yá̰a̰ anī, ni-ger̄ yá̰a̰ tītə̄ ń sɔɔ̄ kadə̄ gerə̄ń ní aĺ ɓáý.

1 KORḚNTƏ 3:18

Ādə̄ deē kógə̄ḿ gól̄ rɔ̄n nəkɔ́ alé. Ré de kə́rēý dɔ dansí tə́ gír̄ kadə̄ ni i de kə́ nge kum kedə̄ tītə̄ de kə́ dɔ nang tə́ laā gə̄ anī, ādə̄ ni-tél de kə́ mbóo yā télən̄ de kə́ nge kum kedə̄.

Makətūbə̄ ń Pol ndang adə̄ Rom gə̄ ní 12:3

Sɔɔ̄ń yá̰á̰ ń Nə́ɓā adə̄m̄ karī kə ta kūl̄ kem majə yānneé ní, m-ə́dásí sḭḭ̄ malang najə̄ ń toō: Ī-lōōī kɔjə rɔ̄sí kadə̄ mān̄ dɔ majən, banī ādī gír̄ yāsí i gír̄ kə́ kə looneé, kadə̄ náā náā nəkɔ́ ɓáa ɔjə rɔ̄n kadə̄ mān̄ dɔ majən alé, ba kadə̄ asə kə gō taā kem ń Nə́ɓā mbɔ̄jə́ adə̄sí ní.

KƏLA RĀĀ 17:11

Kem Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

KƏLA RĀĀ 10:33

M-ə́la kəla gōí tə́ kə̄ ta jī tə́ beē, adə̄ ī-reē ní ī-rāā i yá̰á̰ kə́ majə ngá̰ý. Kə́ ngɔr ń toō tə́ ɓáa jə-ndi malang ta kum Nə́ɓā tə́ laā, yā koō yá̰a̰ malang ń Kɔ́ɔ̄ɓē ədaī na kə ə́dájí ní.

Najə̄ kə́ Majə yā Jeju ń Luk ndang ní 9:44

Najə̄ ń m-ā m-ə́dásí toō, ī-ngɔ̄mī dɔsí tə́ majə: A əlan̄ Ngōn̄ Deē jī de gə̄ tə́.

PILIPƏ 3:4

Tá mā i kə yá̰a̰ gə̄ kə́ asə kadə̄ m-ə̄ndań tɔ́gə́ḿ dɔ rɔ̄ḿ mə̄kɔ́ tə́ ō. Ré de kə́rēý taā kem kadə̄ n-asə kəndā tɔ́gən dɔ rɔ̄n nəkɔ́ tə́ anī, mā m-ásə kəndā tɔ́gə́ḿ dɔ rɔ̄ḿ mə̄kɔ́ tə́ tɔȳ yā kɔ́ɔ̄.

MARK 13:14

Dan ń ā á̰a̰ī yá̰á̰ kə́ majaĺ kə́ to yḛr kum ndi loo ń sɔɔ̄ kadə̄ ni-ndi tū tə́ aĺ ní anī, ādə̄ nge ń tə́da najə̄ kə́ kem makətūbə̄ ń toō tə́ ní ger̄ kum. Ndɔ̄ ń noō tə́ ní, ādə̄ ngé gə̄ ń nin̄ i gō nang kə́ Jude tə́ ní, a̰ȳn̄ naā kə̄ dɔ mbal̄ gə̄ tə́ kɔ̄ɔ́ ō,

Gōsə̄ najə̄ gə̄ 14:12

De kə́rēý a̰a̰ kadə̄ hálən i háĺ kə́ súmūú, banī ta tɔ̄l̄ ta anī i háĺ kə́ a əla deē ta yo tə́.