Biblia Todo Logo
Bib sou entènèt

- Piblisite -




Najə̄ kə́ Majə yā Jeju ń Luk ndang ní 8:15 - Bibəl ta Sar̄

15 Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

Gade chapit la Kopi

Bible sar

15 Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

Gade chapit la Kopi




Najə̄ kə́ Majə yā Jeju ń Luk ndang ní 8:15
40 Referans Kwoze  

Majə kadə̄ ī-tə́gāī tasí ī-rāāīneé yá̰á̰ ń Nə́ɓā ndigə ní, yā kəngeń yá̰á̰ ń ni-ənī míndə dɔ tə́ yā kadə̄sí ní ō.


Deē ń i de kə́ majə ní, ngarān̄g kemən i loo ngɔ̄m̄ yá̰á̰ kə́ majə gə̄, adə̄ a teē kə yá̰á̰ kə́ majə gə̄ tū tə́ ō, deē ń i de kə́ majaĺ ní, ngarān̄g kemən i loo ngɔ̄m̄ yá̰á̰ kə́ majaĺ gə̄, adə̄ ni a teē kə yá̰á̰ kə́ majaĺ gēé tū tə́ ō. Tɔdɔ̄ ta deē əda i yá̰á̰ gə̄ ń rosən̄ kemən ba rə̄ɓā kə̄ ndágá ní.


Ré jə-rāāī yá̰a̰ kə gō míndəneé anī, i nge ń noō n ɔjə kadə̄ jə-ger̄niī ní.


I beé n háĺsí a rɔȳń Kɔ́ɔ̄ɓē ō, ā ī-rāāiń yá̰á̰ kə́ nelə̄n ō ní. Ā ī-rāāī yá̰a̰ malang kə́ majə ō, ā ī-gerī Nə́ɓā kum kə̄ kété kété ō.


Najə̄ kə́ Majə aw̄ kum kə̄ kété ō, ojə yá̰á̰ kə́ majə ō, kə̄ loo gə̄ tə́ malang dɔ nang tə́ tītə̄ ń rāań yá̰a̰ dɔ dáńsí tə́ ní. Əla gír rāā yá̰á̰ ní i ndɔ̄ kə́ ta kəga dɔ ń sḭḭ̄ ōōīneé najə̄ rajə ń Nə́ɓā rajəsí tə́ ní ō, ndɔ̄ ń kumsí teēń dɔ tə́ kə́ rɔ̄kum tə́ ní ō.


Ré ī-tármī anī, ā ī-rāāī yá̰a̰ gə̄ ń gō míndə́ḿ əda ní,


Banī Jeju tél əda na: Ɓá tā ba i ngé koō najə̄ yā Nə́ɓā ba rāā yá̰á̰ ń Nə́ɓā əda ní gə̄ n i ngé rɔ̄nel̄ kə́ rɔ̄kum gə̄ ní!


Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.


Ngákó̰ó̰ḿ gə̄, yāsí i tītə̄ ń noō ō tām̄ yā ndū najə̄ tə́, tɔdɔ̄ dan ń sḭḭ̄ ī-ɓooī naā kə Kərist ní, sḭḭ̄ i de kə́ koy kɔ̄ɔ́ gə̄ ō, adə̄ sḭḭ̄ i yā de kə́ rang. Sḭḭ̄ i de gə̄ yā Kərist ń ndól̄ dan de kə́ koy gə̄ tə́ ní kadə̄ jə-rāāiń yá̰á̰ kə́ majə gə̄ tām̄ yā Nə́ɓā tə́.


Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.


Ré ī-rāāī yá̰a̰ gə̄ ń gō míndə́ḿ əda ní anī, ā ī-ndiī kem tár yāḿ tə́, tītə̄ ń m̄-rāań yá̰a̰ gə̄ ń gō míndə Bɔbə́ḿ əda á m̄-ndiń kem tár yān tə́ ní.


Banī deē n a əhɔ sásáp mbóńg ta tɔ̄l̄ ta tə́ ní, a ajə.


Kɔ́ɔ̄ɓē Nə́ɓā yāsí a ə́ja mɔtə kə́ dan wursí tə́ ō, kə́ dan wur ngáńsí gə̄ tə́ ō, ngán kaasí gə̄ tə́ ō, kadə̄ ā ī-táriī Kɔ́ɔ̄ɓē Nə́ɓā yāsí kə ngarā̰ kemsí malang ō, kə rɔ̄sí malang ō tá kadə̄ ī-ndiīneé kə kumsí.


I tām̄ najə̄ ń toō tə́ n majə kadə̄ j-əhɔī gō najə̄ gə̄ ń j-oōī ní adə̄ ngan̄g tɔȳ kə́ kété ní, na sōgə́ jə-ndúmī ta róbə yā kadə tají tḭ̄ḭ̄.


Tām̄ kajə ń ajən̄sí ní, rajən̄sí i mbée sɔɔ̄ń taā kə́ ī-taāī kem. I sḭḭ̄ kɔ́ gə̄ n ájiī rɔ̄sí ní alé, i Nə́ɓā n ajəsí karī ní.


Kəja mɔtə i yá̰á̰ kógə̄ḿ aĺ ō, kəja mɔtə aĺ i yá̰á̰ kógə̄ḿ aĺ ō. Yá̰á̰ kə́ bo i rāā yá̰a̰ kə gō míndə́ Nə́ɓāá.


Dan ń mā i ɓəlo yā yá̰á̰ kə́ majaĺ kɔ̄ɔ́ ɓá ní, tɔ́gə́ḿ sḛ́ý kə́ kadə̄ m̄-rāań yá̰á̰ kə́ majə gətóo. m̄-gḛy rāā yá̰á̰ kə́ majə ngá̰ý ɓá tā, ba loo rāān dumə̄m̄ kɔ̄ɔ́.


Ngé gə̄ ń əhɔn̄ ngan̄g ba a sāān̄ kɔsə gɔnən ō kɔr tan ō, a sāān̄ yá̰á̰ kə́ a ndumən̄ aĺ gə̄ ō ní, ni a adə̄də́ ndi kə kumuú kə́ ngándáńg.


Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.


Banī ī-tə́gāī tasí ngá̰ý tá kadə̄ ī-téliīneé de kə́ majə ɔtə̄ kə taá gə̄ ō, ī-nalīneé yá̰á̰ kógə̄ḿ aĺ ō.


Kalde gə̄ ń ənīn̄ ɓē ń toō rɔ̄ɔ̄ ní a udən̄ kemeé. A əlan̄ hor dɔ tə́ yā róōnəń naā tə́ kə kújə gə̄ ń de gə̄ róōn̄ yá̰a̰ ndējə̄ gə̄ kə́ tām̄ yā Baal tə́ ō, tə́ten̄ kasə adə̄n̄ nə́ɓā kə́ rang gə̄ ō, dɔ tə́ dɔɔ́ adə̄ wōn̄g rāām̄ ní. Kɔ́ɔ̄ɓē ɔr̄ najə̄ i tītə̄ ń noō.


Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.


Ngōnə̄ḿ, ī-lōō kadə̄ dɔí ndígə̄nal yá̰á̰ ń m̄-ndóōí ní ō, ādə̄ dan wurií ngɔ̄m̄ gō míndə́ḿ gə̄ ō.


m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.


Ədam̄ najə̄ mā̰ȳ rɔ̄ yāí na a adə̄m̄ rɔ̄nel̄ ngá̰ý. Loo ń noō tə́ mā ń ī-tétə̄ kə̄ngāḿ rárák kɔ̄ɔ́ ní, m-ā m̄-rāā rɔ̄nel̄.


Ngé gə̄ ń tə́sōn̄ dan kōn̄ gə̄ tə́ ní, i ngé gə̄ ń oōn̄ najə̄ yā Nə́ɓā ba teē kə̄ danaá anī gír̄ najə̄ gə̄, kə yá̰a̰ kənge gə̄, kə yá̰á̰ kə́ to rɔ̄nel̄ kə́ dɔ nang tə́ gə̄ taān̄ dɔdə́ kɔ̄ɔ́, adə̄ kumdə́ mbujə alé ní.


Deē əndā hor tū lámbá tə́ i yā sébə́ jóo dɔ tə́, aláa i yā kəndā gír tə̄ráá alé. A naānən̄ i tū gajə kāgə̄ tə́, yā kadə̄ ngé gə̄ ń a udən̄ kə̄ kújú ní a̰a̰n̄neé loo.


Banī yá̰á̰ ń á̰a̰ kə kumií aĺ ɓáý ní ré əndā kemií dɔ tə́ anī, ā ī-tə́gā i taí loo ngóō ta tə́.


Swiv nou:

Piblisite


Piblisite