Najə̄ kə́ Majə yā Jeju ń Luk ndang ní 7:44 - Bibəl ta Sar̄

⁴⁴ Gō tə́ anī Jeju tūr̄ rɔ̄n kə̄ rɔ̄ dəyá̰ ní tə́, ba əda Simo̰ na: Á̰a̰ dəyá̰ ń toō a? M-údə́ kújú looí ní ī-ɓōkə́ man̄ sḛ́ý gidə njaḿ tə́ alé. Banī ni-tə́go njaḿ kə man̄ kumneé ō, ɔl̄ kə nənga dɔneé ō.

Bible sar

⁴⁴ Gō tə́ anī Jeju tūr̄ rɔ̄n kə̄ rɔ̄ dəyá̰ ní tə́, ba əda Simo̰ na: Á̰a̰ dəyá̰ ń toō a? M-údə́ kújú looí ní ī-ɓōkə́ man̄ sḛ́ý gidə njaḿ tə́ alé. Banī ni-tə́go njaḿ kə man̄ kumneé ō, ɔl̄ kə nənga dɔneé ō.

Najə̄ kə́ Majə yā Jeju ń Luk ndang ní 7:44 Referans Kwoze

1 TIMOTE 5:10

Majə kadə̄ de gə̄ ger̄nən̄ tām̄ kəla rāān gə̄ kə́ majə tə́. Ādə̄ ni-ətō ngán gə̄ ō, əhɔ de gə̄ kə̄ rɔ̄n tə́ majə ō, tə́go nja de gə̄ yā Nə́ɓā ō, rāā kə ngé gə̄ n wurdə́ ɔldə́ ní ō, əndā rɔ̄n ta kəla malang kə́ majə tə́ ō.

NGÉ SARYA 19:21

Ni-aw̄ sedə́ ɓēé looneé ō, adə̄ kərō gə̄ mə́ro ō. Mbā gə̄ tə́gon̄ njadə́ ba əsan̄ yá̰a̰ ō, a̰ȳn̄ ō.

TA KƏLA 43:24

Deē ní udə sedə́ ndogó ɓē Jəjepé, adə̄də́ man̄ adə̄ tə́gonə̄ń njadə́ ō, adə̄ kərō yādə́ gə̄ yá̰a̰ kəsa ō.

TA KƏLA 19:2

ədadə́ na: Kɔ́ɔ̄ḿ gə̄, m̄-rāāsí ɓɔ́, ī-reēī ɓēé looḿ ī-tə́goī njasí ō, ī-to ī-ɓīī ō. Bírí dəloí tá úniī ta njə̄rā yāsí. Nin̄ tél ədanən̄ na: ḿm, j-a jə-ɓīī i ndágə̄ loó.

TA KƏLA 18:4

A reēn̄ kə maná sḛ́ý kadə̄ ī-tə́goīń njasí ō, ī-ndiī ɔ̄rī koō gír kāgə̄ ń toō tə́ ō.

1 SAMUEL 25:41

Abigail əsō ɔsə non nang tə́ kə̄ nodə́ tə́ ba tél ədadə́ na: M-ā m̄-tél ɓəlo yā kɔ́ɔ̄ḿ. M-ə̄ndā dɔ rɔ̄ḿ danaá kɔ̄ɔ́ ɓá yā kadə̄ m̄-tə́go nja ngé kəla yān gə̄.

JAKƏ 2:6

Ba sḭḭ̄ ídiī tasí gír nge ndoō tə́. I de kə́ ngé kənge yá̰á̰ ngá̰ý gə̄ n a rāān̄sí yá̰á̰ kə́ tōr̄ gə̄ ō, a ndɔ́rə̄n̄sí kə̄ loo sarya gə̄ tə́ ō ní aĺ a?

2 SAMUEL 11:8

Gō tə́ anī Dabid əda Uri na kə aw̄ ɓēé kə tə́go njan. Uri teē kɔ̄ɔ́ ndogó mbangāá, ba mban̄g əla kə́ yá̰á̰ gōn tə́.

Najə̄ kə́ Majə yā Jeju ń Luk ndang ní 7:38

Ni-reē ra gidə Jeju tə́ kə̄ nja tə́. Dəyá̰ ní ra i kə nōó kumən tə́, adə̄ man̄ kumən nɔ̄l̄ gidə nja Jeju. Gō tə́ anī ɔl̄ gidə nja Jeju ní kə nənga dɔneé ō, əhɔ njan ní kə̄ rɔ̄n tə́ ba rāā ítər tū tə́ ō.

Najə̄ kə́ Majə yā Jeju ń Luk ndang ní 7:43

Simo̰ tél ədan na: Mā m̄-gír̄ kadə̄ i deē ń ni-əya̰ kə̄rā kə́ ngá̰ý adə̄n ní. Jeju ədan na: Ḭ̄ ə́da najə̄ ní i gō tə́ bang.

JA̰A̰ 13:5

Gō tə́ anī, ni-ɓōkə́ man̄ kem kārāá ba əla gíŕ tə́go nja ngé ndóō yá̰a̰ yān gə̄ ō, ɔl̄ kə kūbə̄ kɔl̄ rɔ̄ ń do̰ō̰ń ɓōdə̄n ní ō.