Najə̄ kə́ Majə yā Jeju ń Luk ndang ní 7:39 - Bibəl ta Sar̄

³⁹ Dan ń Parijiyḛ ń ɓāŕ Jeju ta kəsa yá̰á̰ ní a̰a̰ yá̰á̰ ní tītə̄ ń noō anī, əda kə̄ kemən tə́ na: Ré deē ń toō i nge koō ta anī a ger̄ dəyá̰ ń ɔdə rɔ̄n toó ō, a ger̄ ké i dəyá̰ kə́ ba̰ý wa ō, a ger̄ kadə̄ i dəyá̰ kə́ nge rāā majaĺ.

Bible sar

³⁹ Dan ń *Parijiyḛ ń ɓāŕ Jeju ta kəsa yá̰á̰ ní a̰a̰ yá̰á̰ ní tītə̄ ń noō anī, əda kə̄ kemən tə́ na: Ré deē ń toō i *nge koō ta anī a ger̄ dəyá̰ ń ɔdə rɔ̄n toó ō, a ger̄ ké i dəyá̰ kə́ ba̰ý wa ō, a ger̄ kadə̄ i dəyá̰ kə́ nge rāā majaĺ.

Najə̄ kə́ Majə yā Jeju ń Luk ndang ní 7:39 Referans Kwoze

Najə̄ kə́ Majə yā Jeju ń Luk ndang ní 7:16

Ɓōĺ rāā de gə̄ malang, adə̄ a ɔsən̄ gɔn Nə́ɓā, ədan̄ na: Nge koō ta kə́ bo teē danjí tə́, adə̄ Nə́ɓā reē go̰ō̰ gír deē yān gə̄ tə́.

Najə̄ kə́ Majə yā Jeju ń Luk ndang ní 15:2

Anī Parijiyḛ gə̄, kə ngé ndóō de gə̄ ndū najə̄ gə̄ a yṵ́rə̄n̄ najə̄ dɔ Jeju tə́ ədan̄ na: Deē ngeé ń toō ní a əhɔ ngé rāā majaĺ gə̄ kə̄ rɔ̄n tə́ ō, a əsa yá̰a̰ sedə́ ō wa!

MARK 7:21

Tɔdɔ̄ yá̰a̰ gə̄ ń a teēn̄ ngarān̄g kem de gə̄ tə́ ní, i gír̄ kə́ majaĺ gə̄ ō, i sāā naā loo kaya tə́ ō, ɓogə ō, tɔ̄l̄ deē ō,

IJAI 65:5

Nin̄ ədan̄ de gə̄ na: Ī-lōō reē rɔ̄ḿ tə́ ngɔr, ī-lōō kɔdə rɔ̄ḿ. Nge ń noō a rāā majə seí alé, tām̄ m-ā m̄-rāāī kadə̄ ā ī-tél de kə́ táĺ. Dan ń m-á̰á̰ yá̰a̰ rāāsí anī, wōn̄g yāḿ butə̄ hor ō, hor wōn̄g yāḿ ní o̰o̰ kanjə̄ dəba ō.

JA̰A̰ 9:24

Anī Parijiyḛ gə̄ ɓārə́n̄ deē ń ojənən̄ məndō ní nja kə́ nge ko̰ jōó, ba ədanən̄ na kə ɔsə gɔn Nə́ɓā, na n-gerə̄n̄ kadə̄ deē n noō na i nge rāā majaĺ.

JA̰A̰ 7:12

Kósə de gə̄ kɔdə́n̄ naā najə̄ dɔ dáńdə́ tə́ dɔn tə́. Ngé kə́rēý gə̄ ədan na ni i de kə́ majə, ba ngé kə́rēý gə̄ ədan na i tītə̄ ń noō alé, ni a gól̄ i kósə de gə̄.

JA̰A̰ 4:19

Dəyá̰ ədan na: Kɔ́ɔ̄ɓē, m-á̰a̰ kadə̄ ḭ̄ i nge koō ta kógə̄ḿ.

Najə̄ kə́ Majə yā Jeju ń Luk ndang ní 18:4

Ba dəngam ní ɔdə aĺ kə́ nja naā tə́ nja naā tə́ dan i ngá̰ý. Ba gō tə́ anī əda kə̄ kemən tə́ na: Ká mā na m̄-ɓōĺ ndíĺ Nə́ɓā aĺ gə̄gē ō, usəm̄ dɔ de gə̄ tə́ aĺ gə̄gē ō anī i karī.

Najə̄ kə́ Majə yā Jeju ń Luk ndang ní 16:3

Deē ní əda kə̄ kemən tə́ na: Ń toō ní, kɔ́ɔ̄ḿ a ɔrə̄m̄ kɔ̄ɔ́ kem ngɔ̄m̄ yá̰a̰ gə̄ tə́ ní, kə m̄-rāā i rí tā? Kə m̄-ndɔr̄ i mbée a? Mā tɔ́gə́ḿ kə́ yā ndɔrə̄ń gətóo ō. Kə m̄-gəde i yá̰a̰ a? Rɔ̄ḿ sɔlə̄m̄ ngá̰ý loon tə́ ō.

Najə̄ kə́ Majə yā Jeju ń Luk ndang ní 7:37

Anī dəyá̰ kógə̄ḿ kə́ nge rāā majaĺ ndi kem ɓē ní tə́. Dəyá̰ ní oō kadə̄ Jeju a əsa yá̰a̰ i ɓē Parijiyḛ ní anī, reē kə ngōn̄ kū kə́ rāā kə mbal̄ albatər kə́ ítər rosə kem.

Najə̄ kə́ Majə yā Jeju ń Luk ndang ní 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄, ba ī-lōōī ndi gír̄ kemsí tə́ na sḭḭ̄ i ngán kaa Abəraham gə̄. Ādə̄ m-ə́dásí, m-ādə̄ ōōī Nə́ɓā asə tūr̄ ngán mbal̄ gə̄ ń toō kadə̄ télən̄ ngán kaa Abəraham gə̄ karī.

Gōsə̄ najə̄ gə̄ 23:7

Tɔdɔ̄ ni to i tītə̄ de kə́ ra ngan̄g dɔ yá̰á̰ kə́ kemən gḛy rāā tə́ beē, ədaī na kə ə́sa ō kə ā̰ȳ ō, banī kemən i seí alé!

2 MBAN̄G 5:20

Geaji nge kəla yā Elije əda kə̄ kemən tə́ na: Kɔ́ɔ̄ḿ əya̰ Naaman ń i Aram deē ń, adə̄ aw̄ kanjə̄ taā yá̰a̰ ndējə̄ gə̄ ń reēń ní jīn tə́. Tītə̄ ń Kɔ́ɔ̄ɓē ndiń kə kumneé noō, m-ā m̄-ngɔ̄də̄ gōn kadə̄ m-āw̄ m-ə́nge yá̰á̰ kógə̄ḿ jīn tə́!

Najə̄ kə́ Majə yā Jeju ń Luk ndang ní 12:17

Anī deē ní dəje rɔ̄n najə̄ əda na: Loo kə́ kadə̄ m̄-kánəń kōō yāḿ malang gətóo ní kə m̄-rāā i ba̰ý tā?

MATIYE 20:16

Adə̄ ngé kə́ gogə́ gə̄ a télən̄ ngé kə́ kété gə̄, ba ngé kə́ kété gə̄ a télən̄ ngé kə́ gogə́ gə̄.

MATIYE 21:11

Anī kósə de gə̄ tūr̄ ədan̄də́ na: I Jeju nge koō ta kə́ ḭḭ Najaret, gō nang kə́ Galile tə́.

Najə̄ kə́ Majə yā Jeju ń Luk ndang ní 7:38

Ni-reē ra gidə Jeju tə́ kə̄ nja tə́. Dəyá̰ ní ra i kə nōó kumən tə́, adə̄ man̄ kumən nɔ̄l̄ gidə nja Jeju. Gō tə́ anī ɔl̄ gidə nja Jeju ní kə nənga dɔneé ō, əhɔ njan ní kə̄ rɔ̄n tə́ ba rāā ítər tū tə́ ō.

Najə̄ kə́ Majə yā Jeju ń Luk ndang ní 7:40

Loo ń noō tə́ Jeju un najə̄ ɔr̄, əda Parijiyḛ ní na: Simo̰, m-āw̄ kə najə̄ kógə̄ḿ yā kədaī. Simo̰ əda na: Ngoləḿ, ə́dam̄ ādə̄ m-ōō.