Najə̄ kə́ Majə yā Jeju ń Luk ndang ní 7:37 - Bibəl ta Sar̄

³⁷ Anī dəyá̰ kógə̄ḿ kə́ nge rāā majaĺ ndi kem ɓē ní tə́. Dəyá̰ ní oō kadə̄ Jeju a əsa yá̰a̰ i ɓē Parijiyḛ ní anī, reē kə ngōn̄ kū kə́ rāā kə mbal̄ albatər kə́ ítər rosə kem.

Bible sar

³⁷ Anī dəyá̰ kógə̄ḿ kə́ nge rāā majaĺ ndi kem ɓē ní tə́. Dəyá̰ ní oō kadə̄ Jeju a əsa yá̰a̰ i ɓē *Parijiyḛ ní anī, reē kə ngōn̄ kū kə́ rāā kə mbal̄ albatər kə́ ítər rosə kem.

Najə̄ kə́ Majə yā Jeju ń Luk ndang ní 7:37 Referans Kwoze

Najə̄ kə́ Majə yā Jeju ń Luk ndang ní 5:32

m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́ kadə̄ tūrə̄n̄ háĺdə́.

MATIYE 21:31

Ní, dan ngáń kə́ jōó gə̄ ń toō tə́ ní, i nge kə́ rá n rāā yá̰á̰ ń bɔbə̄n ndigə ní? Nin̄-tél ədan̄ na: I nge kə́ ta kəga dɔ. Anī Jeju ədadə́ na: Ādə̄ m-ə́dásí najə̄ kə́ bo ngá̰ý, ngé táā lambóo gə̄ ō, dəyá̰ ájə́ba gə̄ ō, a ugə̄n̄ kem Ɓē ko̰o̰ yā Nə́ɓā tə́ kété nosí tə́.

1 PIYER 4:18

Tá tītə̄ ń makətūbə̄ yā Nə́ɓā ədań ní: Ré de kə́ súmūú ba na̰y i sḛ́ý beē kadə̄ ajənən̄ aĺ anī, de kə́ nge ra dɔ ndūn tə́ kə Nə́ɓāá tə́ aĺ ō, nge rāā yá̰á̰ kə́ majaĺ ō ní, ta tɔ̄l̄ tadə́ a to i ba̰ý?

1 TIMOTE 1:9

Yá̰á̰ ń kadə̄ jə-gerī majə ní n toó: Ngé gə̄ ń əndān̄ ndū najə̄ tām̄ yādə́ tə́ ní, i de kə́ súmūú gə̄ alé, ba i de kə́ ngé rāā yá̰á̰ kə́ gō tə́ aĺ gə̄ ō, ngé dum̄ naā gə̄ ō, ngé mbātə́ rāā yá̰a̰ kə gō yā Nə́ɓāá ō, ngé rāā majaĺ gə̄ ō, ngé nujə yá̰á̰ kə́ kɔr̄ kam̄ gə̄, aláa rāā yá̰á̰ kə́ kɔr̄ kam̄ gə̄ yá̰á̰ kə́ karī tə́ ō, ngé tɔ̄l̄ bɔbə̄də́ kə kó̰ó̰də́ gə̄ ō, ngé tɔ̄l̄ de gə̄ ō,

Najə̄ kə́ Majə yā Jeju ń Luk ndang ní 18:13

Nge taā lambóó ní ra dan gə̄lā sa̰y. Ni gḛy kun kumən kə̄ dɔɔ́ dɔ rā̰ tə́ sḛ́ý aĺ bátə́, ba a ənda nganjən ō, a əda tītə̄ ń toō beé ō na: Nə́ɓā, ī-mā̰ȳ rɔ̄í dɔḿ mā nge rāā majaĺ ń toō tə́!

Najə̄ kə́ Majə yā Jeju ń Luk ndang ní 5:30

Anī Parijiyḛ gə̄ ō, ngé ndóō de gə̄ ndū najə̄ gə̄ ń nin̄ i gír yā Parijiyḛ gə̄ tə́ ō ní, yṵ́rə̄n̄ najə̄ ba ədan̄ ngé ndóō yá̰a̰ yā Jeju gə̄ na: I tām̄ rí tə́ á ə́saī yá̰a̰ ō, ā̰yī ō naā tə́ kə ngé taā lambóo gə̄ ō, ngé rāā majaĺ gə̄ ō ní?

Makətūbə̄ ń Pol ndang adə̄ Rom gə̄ ní 5:8

Ba á̰a̰ī yá̰á̰ ń Nə́ɓā rāā ɔjəńjí táŕ ń ni-táŕjí ní: I dan ń jḭḭ i ngé rāā majaĺ gə̄ ɓáý ní n Kərist oy tām̄ yājí tə́ ní.

JA̰A̰ 11:2

Mari i dəyá̰ ń ur yibə̄ ítər gidə nja Kɔ́ɔ̄ɓē tə́, ba ɔl̄ kə nənga dɔneé ní.

1 TIMOTE 1:15

Najə̄ ń toō i najə̄ kə́ rɔ̄kum kə́ to kadə̄ deē taā kem ō, i najə̄ kə́ asə kadə̄ de gə̄ malang ndigən̄ kə taá ō: Kərist Jeju reē dɔ nang tə́ i kajə ngé rāā majaĺ gə̄ tə́, ba majaĺ yāḿ mā tɔȳ majaĺ yā ngé rāā majaĺ gə̄ malang.

JA̰A̰ 9:31

Jə-gerī kadə̄ Nə́ɓā oō najə̄ yā ngé rāā majaĺ gə̄ alé. Banī deē ń ɓōĺ ndílən ō, rāā yá̰á̰ ń kemən ni-ndigə ō ní, ni a oō najə̄ yān.

JA̰A̰ 9:24

Anī Parijiyḛ gə̄ ɓārə́n̄ deē ń ojənən̄ məndō ní nja kə́ nge ko̰ jōó, ba ədanən̄ na kə ɔsə gɔn Nə́ɓā, na n-gerə̄n̄ kadə̄ deē n noō na i nge rāā majaĺ.

Najə̄ kə́ Majə yā Jeju ń Luk ndang ní 19:7

Dan ń a̰a̰n̄ tītə̄ ń noō ní a, kósə de gə̄ malang yṵ́rə̄n̄ najə̄ ədan̄ na: Á̰a̰ī wa! Ni-aw̄ əhɔ ɓē mbā ɓē de kə́ nge rāā majaĺ!

Najə̄ kə́ Majə yā Jeju ń Luk ndang ní 7:34

Ba dan ń Ngōn̄ deē reē ní əsa yá̰a̰ ō, a̰ȳ ō, anī sḭḭ̄ ə́daī na ni na i nge kəsa wa ō, nge ka̰ȳ yá̰a̰ wa ō, ni na i madə̄ ngé taā lambóo gə̄ ō, madə̄ ngé rāā yá̰a̰ majaĺ gə̄ ō.

Najə̄ kə́ Majə yā Jeju ń Luk ndang ní 7:36

Parijiyḛ kógə̄ḿ mēr̄ Jeju ta kəsa yá̰a̰ seneé, adə̄ Jeju aw̄ udə kújú looneé ndi ta yá̰a̰ kəsa tə́.