Najə̄ kə́ Majə yā Jeju ń Luk ndang ní 7:35 - Bibəl ta Sar̄

³⁵ Banī de gə̄ malang n ndigən̄ kum kedə̄ yā Nə́ɓā ní, a̰a̰ gerə̄n̄ kadə̄ kum kedə̄ yā Nə́ɓā rāā i yá̰á̰ kə́ gōtə́.

Bible sar

³⁵ Banī de gə̄ malang n ndigən̄ kum kedə̄ yā Nə́ɓā ní, a̰a̰ gerə̄n̄ kadə̄ kum kedə̄ yā Nə́ɓā rāā i yá̰á̰ kə́ gōtə́.

Najə̄ kə́ Majə yā Jeju ń Luk ndang ní 7:35 Referans Kwoze

MATIYE 11:19

Ba dan ń Ngōn̄ Deē reē ní, əsa yá̰a̰ ō, a̰ȳ yá̰a̰ ō anī de gə̄ ədan̄ na ni na i nge kəsa wa ō, nge kasə rāā ō, ni na i madə̄ ngé taā lambóo gə̄ ō, ngé rāā majaĺ gə̄ ō, banī yá̰a̰ rāān gə̄ ɔjə kadə̄ najə̄ i yā kum kedə̄ yā Nə́ɓā.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

Gōsə̄ najə̄ gə̄ 17:16

Kəla rāā nar kə́ to jī mbóo deē tə́ i rí? I yā mangəń kum kedə̄ a? Ba ń ni ger̄ kum yá̰a̰ kógə̄ḿ aĺ ní!

Najə̄ kə́ Majə yā Jeju ń Luk ndang ní 7:29

De gə̄ malang ō, ngé taā lambóo gə̄ ō, oōn̄ najə̄ yān, ba ədan̄ na najə̄ i yā Nə́ɓā, adə̄ nin̄-dəjen̄ kadə̄ Ja̰a̰ rāādə́ batém.

Najə̄ kə́ Majə yā Jeju ń Luk ndang ní 7:34

Ba dan ń Ngōn̄ deē reē ní əsa yá̰a̰ ō, a̰ȳ ō, anī sḭḭ̄ ə́daī na ni na i nge kəsa wa ō, nge ka̰ȳ yá̰a̰ wa ō, ni na i madə̄ ngé taā lambóo gə̄ ō, madə̄ ngé rāā yá̰a̰ majaĺ gə̄ ō.

Najə̄ kə́ Majə yā Jeju ń Luk ndang ní 7:36

Parijiyḛ kógə̄ḿ mēr̄ Jeju ta kəsa yá̰a̰ seneé, adə̄ Jeju aw̄ udə kújú looneé ndi ta yá̰a̰ kəsa tə́.