Najə̄ kə́ Majə yā Jeju ń Luk ndang ní 7:19 - Bibəl ta Sar̄

¹⁹ əladə́ rɔ̄ Kɔ́ɔ̄ɓē tə́ kadə̄ aw̄ dəjenən̄ na ké i ni n i deē ń kadə̄ reē ní aké kə n-ngóōn̄ i de kə́ rang ɓáý wa.

Bible sar

¹⁹ əladə́ rɔ̄ Kɔ́ɔ̄ɓē tə́ kadə̄ aw̄ dəjenən̄ na ké i ni n i deē ń kadə̄ reē ní aké kə n-ngóōn̄ i de kə́ rang ɓáý wa.

Najə̄ kə́ Majə yā Jeju ń Luk ndang ní 7:19 Referans Kwoze

JA̰A̰ 4:25

Dəyá̰ ədan na n ger̄ kadə̄ Mesi a reē, Mesi kə ta ɓē yādə́ ní kumən na i Kərist. Na loo ń a reē anī, na a ɔjədə́ yá̰a̰ malang.

Najə̄ kə́ Majə yā Jeju ń Luk ndang ní 10:1

Gō yá̰a̰ gə̄ ń noō tə́ anī, Kɔ́ɔ̄ɓē gə̄rā de kə́ rang gə̄ kutə sīrí gidə i jōó, ba əladə́ jōó jōó kété non tə́ kem ɓē gə̄ malang ō, kə gō loo gə̄ ō ń nəkɔ́ a rāā yā kaw̄ tū tə́ ní.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

Makətūbə̄ yā Aje 2:7

Ni a sól̄yō gotə nápar de gə̄. Yá̰a̰ kənge yādə́ gə̄ kə́ ngá̰ý a reē loo ń toō tə́ laā. Ni a rāā kújə yān ń toō kadə̄ a majə ngá̰ý. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

IJAI 11:1

Ngōn̄ kə́ dəngam kógə̄ḿ a teē dan de gə̄ kə́ kem kojə yā Jese tə́, tītə̄ ta jī kāgə̄ kə́ dūú kə́ əɓa kadə ɓōdə̄ kāgə̄ kə́ tɔgə kɔ̄ɔ́ tə́ beē. Ta jī kāgə̄ kə́ əɓa dɔ ngəran gə̄ tə́.

IJAI 7:14

I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.

JOJUE 2:1

Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.

TA KƏLA 49:10

Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.

TA KƏLA 22:18

M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

JEJU TEĒ KUM JA̰A̰ 11:3

Ba m-ā m-ādə̄ de kə́ kum tə́ yāḿ kə́ jōó gə̄ kadə̄ a ədan̄ najə̄ kə́ Nə́ɓā əndā tadə́ tə́. Nin̄ a o̰ō̰n̄ kūbə̄ kəhɔ ndoō yā kədań najə̄ ní ndɔ̄ 1260.

MARK 6:7

Jeju ɓār̄ ngé ndóō yá̰a̰ gə̄ ń nin̄ i deē kutə gidə i jōó ní kə̄ rɔ̄n tə́, ba əladə́ jōó jōó. Ni-adə̄də́ tɔ́gə dɔ ndíĺ kə́ yḛr gə̄ tə́.

Najə̄ kə́ Majə yā Jeju ń Luk ndang ní 7:13

Dan ń Kɔ́ɔ̄ɓē a̰a̰n anī kumən o̰o̰n seneé, adə̄ ədan na kə lōō nōō.

Najə̄ kə́ Majə yā Jeju ń Luk ndang ní 7:20

Dan ń nin̄-aw̄ ugə̄n̄ rɔ̄ Jeju tə́ anī ədanən̄ na, Ja̰a̰ Batistə na əladə́ kadə̄ kə n-reē kə n-dəjenən̄ ké i ni n i deē ń kadə̄ reē ní aké kə n-ngóōn̄ i de kə́ rang ɓáý wa.

Najə̄ kə́ Majə yā Jeju ń Luk ndang ní 11:1

Ndɔ̄ kə́rēý tə́ Jeju ndi a ndɔ̄ȳ Nə́ɓā loo kógə̄ḿ tə́. Dan ń ni-ndɔ̄ȳ oy anī, nge ndóō yá̰a̰ yān kógə̄ḿ ədan na: Kɔ́ɔ̄ɓē, ɔ́jə́jí loo ndɔ̄ȳ tītə̄ ń Ja̰a̰ ɔjəń ngé ndóō yá̰a̰ yān gə̄ ní.

Najə̄ kə́ Majə yā Jeju ń Luk ndang ní 11:39

Anī Kɔ́ɔ̄ɓē ədan na: Sḭḭ̄ Parijiyḛ gə̄, ī-tə́goī gidə kópə ō, gidə səmbē kə́ laa ō, banī ngur ɓogə i ngá̰ý kemsí tə́ ō, kemsí ndul ngá̰ý ō.

Najə̄ kə́ Majə yā Jeju ń Luk ndang ní 12:42

Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

Najə̄ kə́ Majə yā Jeju ń Luk ndang ní 13:15

Kɔ́ɔ̄ɓē tél ədan na: Sḭḭ̄ de kə́ ngé ngól̄ loo gə̄, i náā dansí tə́ n ndɔ̄ sabat tə́ anī, tútə man̄g yān, aláa kərō yān dɔ bēl̄ tə́ yā kaw̄ seneé kadə̄ a̰ȳ man̄ aĺ ní?

Najə̄ kə́ Majə yā Jeju ń Luk ndang ní 17:5

Ngámbang kəla gə̄ ədan̄ Kɔ́ɔ̄ɓē na: Ādə̄jí taā kem dɔ madə̄ tə́ ɓáý to̰!

Najə̄ kə́ Majə yā Jeju ń Luk ndang ní 17:6

Kɔ́ɔ̄ɓē tél ədadə́ na: Ré taā kem yāsí bo asə kə kum mutardə gə̄gē anī, sḭḭ̄ ə́daī kāgə̄ kótə̄ ń ra noó najə̄, ə́daniī na kə ī-ɓə̄ngā kə gír ngəraí ba āw̄ ī-ra kum bā bo tə́ nú anī, a oō tasí.

Najə̄ kə́ Majə yā Jeju ń Luk ndang ní 18:6

Anī Kɔ́ɔ̄ɓē tél əda dɔ tə́ na: Ōōī najə̄ ń nge gān̄g sarya kə́ gōtə́ aĺ ń toō əda ní, ādī udə mbīsí tə́ majə.

Najə̄ kə́ Majə yā Jeju ń Luk ndang ní 19:8

Banī Jase ḭḭ ra no Jeju tə́, ba ədan na: Kɔ́ɔ̄ɓē kə́ rɔ̄kum tə́ ní, m-ā m-ādə̄ núsə yá̰a̰ kənge yāḿ gə̄ ngé ndoō gə̄. Tá ré m̄-rāā yá̰á̰ kə́ gōtə́ aĺ kə deē kógə̄ḿ anī, m-ā m̄-tél yā kadə̄ kɔ́ɔ̄ yá̰a̰ yān gogə́ kadə̄ mān̄ dɔɔ́ nja sɔ́.

Najə̄ kə́ Majə yā Jeju ń Luk ndang ní 22:61

Anī Kɔ́ɔ̄ɓē tél tūr̄ rɔ̄n ba əndā kumən dɔ Piyer tə́. Loo ń noō tə́ anī, əga kem Piyer dɔ najə̄ ń Kɔ́ɔ̄ɓē ədan tə́ na ɓōólaā nəkɔ́ ń toō, kété tá kadə̄ kə́ra kə̄njá nōō ní, na a nējə̄ gerə̄n nja mətá ní.

Najə̄ kə́ Majə yā Jeju ń Luk ndang ní 24:34

Nin̄ ngeé ń toō ədan̄də́ na Kɔ́ɔ̄ɓē na ndól̄ rɔ̄kum adə̄ Simo̰ na a̰a̰n kə kumneé ō.

JA̰A̰ 4:1

Parijiyḛ gə̄ oōn̄ kadə̄ Jeju rāā adə̄ de gə̄ ngá̰ý télən̄ ngé ndóō yá̰a̰ yān gə̄ tɔȳ yā Ja̰a̰ ō, rāā de gə̄ batém ngá̰ý tɔȳ yān ō.

JA̰A̰ 6:23

Banī to kə́ rang gə̄ ḭḭn̄ ɓē kə́ Tiberiadə tə́, reē ugə̄n̄ kadə loo ń Kɔ́ɔ̄ɓē ndadə̄ Nə́ɓā dɔ mápá tə́ tū tə́ ba adə̄də́ kadə̄ əsan̄ ní.

JA̰A̰ 11:2

Mari i dəyá̰ ń ur yibə̄ ítər gidə nja Kɔ́ɔ̄ɓē tə́, ba ɔl̄ kə nənga dɔneé ní.