Najə̄ kə́ Majə yā Jeju ń Luk ndang ní 7:16 - Bibəl ta Sar̄

¹⁶ Ɓōĺ rāā de gə̄ malang, adə̄ a ɔsən̄ gɔn Nə́ɓā, ədan̄ na: Nge koō ta kə́ bo teē danjí tə́, adə̄ Nə́ɓā reē go̰ō̰ gír deē yān gə̄ tə́.

Bible sar

¹⁶ Ɓōĺ rāā de gə̄ malang, adə̄ a ɔsən̄ gɔn Nə́ɓā, ədan̄ na: *Nge koō ta kə́ bo teē danjí tə́, adə̄ Nə́ɓā reē go̰ō̰ gír deē yān gə̄ tə́.

Najə̄ kə́ Majə yā Jeju ń Luk ndang ní 7:16 Referans Kwoze

Najə̄ kə́ Majə yā Jeju ń Luk ndang ní 7:39

Dan ń Parijiyḛ ń ɓāŕ Jeju ta kəsa yá̰á̰ ní a̰a̰ yá̰á̰ ní tītə̄ ń noō anī, əda kə̄ kemən tə́ na: Ré deē ń toō i nge koō ta anī a ger̄ dəyá̰ ń ɔdə rɔ̄n toó ō, a ger̄ ké i dəyá̰ kə́ ba̰ý wa ō, a ger̄ kadə̄ i dəyá̰ kə́ nge rāā majaĺ.

MATIYE 9:8

Dan ń kósə de gə̄ a̰a̰n̄ yá̰á̰ ń noō anī, ɓōĺ rāādə́ ō, nin̄-ɔsən̄ gɔn Nə́ɓā tām̄ kadə̄ ń ni-adə̄ de gə̄ tɔ́gə kə́ tītə̄ ń noō ní ō.

Najə̄ kə́ Majə yā Jeju ń Luk ndang ní 1:68

Kɔ́ɔ̄ɓē ń i Nə́ɓā yā ngán Israel gə̄ ní, asə kadə̄ de gə̄ tɔ̄ȳnən̄! Tām̄ ni-əndā kumən gō gír deē yān gə̄ tə́ ba ajədə́.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

Najə̄ kə́ Majə yā Jeju ń Luk ndang ní 5:26

Ɔr kum de gə̄ malang ō, nin̄-tél a ɔsən̄ i gɔn Nə́ɓā ō, ɓōĺ rāādə́ ngá̰ý adə̄ ədan̄ na n-a̰a̰n̄ yá̰á̰ kə́ jákə́ ngá̰ý ɓōólaā.

Najə̄ kə́ Majə yā Jeju ń Luk ndang ní 2:20

Gō tə́ anī ngé kul̄ yá̰a̰ gə̄ télən̄ dɔ tə́ ta kaw̄ gogə́ bembeé. Nin̄-ɔsən̄ gɔn Nə́ɓā ō, tɔ̄ynən̄ ō, tām̄ yá̰a̰ malang ń nin̄-oōn̄ ō, a̰a̰n̄ ō, ní to i tītə̄ ń de kə́ dɔ rā̰ tə́ ədańdə́ ní.

Najə̄ kə́ Majə yā Jeju ń Luk ndang ní 1:65

Loo ń noō tə́ ɓōĺ rāā madə̄ ɓēdə́ gə̄ malang ō, de gə̄ a ənīn̄ i gotə yá̰a̰ gə̄ ń rāān̄ yá̰á̰ ní gō nang kə́ mbalá yā dɔ nang kə́ Jude tə́ malang ō.

MATIYE 21:11

Anī kósə de gə̄ tūr̄ ədan̄də́ na: I Jeju nge koō ta kə́ ḭḭ Najaret, gō nang kə́ Galile tə́.

MATIYE 15:31

Adə̄ dan ń kósə de gə̄ a̰a̰n̄ mbíkī gə̄ ɔrə̄n̄ najə̄ ō, a̰a̰n̄ de kə́ jīdə́ aláa njadə́ nujə gə̄ kə́ tél majən̄ gogə́ ō, ngé tə́sō motə gə̄ njə̄rān̄ dɔɔ́ majə ō, a̰a̰n̄ ngé kum tɔ̄ɔ̄ gə̄ kə́ tél a̰a̰n̄ loo gogə́ ō anī, yáādə́ ngá̰ý ō, nin̄-ɔsən̄ gɔn Nə́ɓā yā Israel ō.

PĀ GƏ̄ 65:9

Yá̰a̰ gə̄ ń ī-rāā yā kɔjəń de gə̄ kum yá̰a̰ ní, ɔr kum de kə́ ta ngóy dɔ nang tə́ gə̄. Ḭ̄ ī-rāā ādə̄ loo kə́ gír ɓē tə́ ō, kə́ no ɓē tə́ ō, urən̄ kɔĺ rɔ̄nel̄.

Teē Ngán Israel gə̄ 4:31

Nin̄-taān̄ kem. Dan ń gerə̄n̄ kadə̄ Kɔ́ɔ̄ɓē a̰a̰ yá̰á̰ kə́ tōr̄ gə̄ ń a rāān̄ sedə́ ní ō, kadə̄ ni-reē i kajədə́ tə́ ō ní anī, tétə̄n̄ kejədə́ nang tə́ ō, ɔsən̄ nodə́ nang tə́ ō, rɔȳnəń Kɔ́ɔ̄ɓē.

GALATƏ 1:24

Adə̄ nin̄-ɔsən̄ gɔn Nə́ɓā najə̄ yāḿ tə́.

KƏLA RĀĀ 5:5

Dan ń Ananias oō najə̄ gə̄ ń noō ní anī, ni-teē əsō ba oy. De gə̄ malang ń oōn̄ ní ɓōĺ rāādə́.

JA̰A̰ 9:17

Anī Parijiyḛ gə̄ dəjen̄ məndō ɓáý to̰ na ké nəkɔ́ a əda na i rí dɔ deē ń teē kumən tə́ ní wa. Anī ni-tél ədadə́ na: I nge koō ta kógə̄ḿ.

JA̰A̰ 6:14

Loo ń de gə̄ a̰ā̰n̄ yá̰á̰ kə́ yáā ń Jeju rāā ní anī, ədan̄ na: Nge koō ta ń kadə̄ reē dɔ nang tə́ ní i deē ń toō rɔ̄kum.

JA̰A̰ 4:19

Dəyá̰ ədan na: Kɔ́ɔ̄ɓē, m-á̰a̰ kadə̄ ḭ̄ i nge koō ta kógə̄ḿ.

JA̰A̰ 1:25

Nin̄-dəjen̄ Ja̰a̰ najə̄ kógə̄ḿ ɓáý to̰, ədan̄ na: Ba ré ḭ̄ i Kərist aĺ ō, Eli aĺ ō, nge koō ta kə́ rɔ̄kum aĺ ō anī, i tām̄ rí tə́ á ā ī-rāā de gə̄ batém ní?

JA̰A̰ 1:21

Ní, ḭ̄ i náā tā? Ḭ̄ i Eli a? Ni ədadə́ na: Mā i ni alé. Ḭ̄ i nge koō ta kə́ rɔ̄kum ní a? Anī ni-tél ədadə́ na: I mā alé.

Najə̄ kə́ Majə yā Jeju ń Luk ndang ní 24:19

Jeju tél dəjedə́ ké i yá̰á̰ rí gə̄ wa. Anī nin̄-tél ədanən̄ na: Yá̰a̰ gə̄ ń reēn̄ dɔ Jeju kə́ Najaret kə́ nge koō ta, kə́ rāā kəla kə tɔ́gɔ́ ō, ɔr̄ najə̄ kə tɔ́gɔ́ ō, ta kum Nə́ɓā tə́ ō, ta kum ngán Israel gə̄ tə́ malang ō ní, ḭ̄ ōō aĺ a?

Najə̄ kə́ Majə yā Jeju ń Luk ndang ní 9:19

Anī nin̄-tél ədanən̄ na: De kə́rēý gə̄ ədan̄ na ḭ̄ na i Ja̰a̰ Batistə ō, ngé kə́rēý gə̄ na ḭ̄ na i Eli ō, kə́ madə̄ gə̄ na i kə́ kógə̄ḿ dan ngé koō ta kə́ jóo gə̄ tə́ ń oyn̄ ní n na ndól̄ ō.

Najə̄ kə́ Majə yā Jeju ń Luk ndang ní 8:37

Loo ń noō tə́ ɓáa kósə de kə́ gō nang ngeé ń noō tə́ gə̄ malang dəjen̄ Jeju kadə̄ ɔtə kɔ̄ɔ́ dɔ nang yādə́ tə́, tɔdɔ̄ ɓōĺ asədə́ nák. Adə̄ Jeju ɔtə al̄ kem toó yā tél ta kaw̄ kə̄ gogə́.

Najə̄ kə́ Majə yā Jeju ń Luk ndang ní 5:8

Dan ń Simo̰ Piyer a̰ā̰ tītə̄ ń noō anī əsō nang tə́ nja Jeju tə́ ba ədan na: Kɔ́ɔ̄ɓē, ī-tél kə̄ gogə́ na mā i nge rāā majaĺ.

MATIYE 28:8

Nin̄-ɔtə̄n̄ kə ɓōló ō, kə rɔ̄nel̄ kə́ ngá̰ý ō, láẃ ngá̰ý kɔ̄ɔ́ dɔ ɓádə́ tə́, ba a̰ȳn̄ ngɔ̄də̄ aw̄ ədan̄ ngé ndóō yá̰a̰ yā Jeju gə̄ najə̄ ní.

KƏLA RĀĀ 7:37

I Moijə ngeé ɓáý to̰ n əda ngán Israel gə̄ najə̄ ń toō ní, ni-ədadə́ na: Nə́ɓā a teē kə nge koō ta kógə̄ḿ kə́ tītə̄ḿ beē dan ngákó̰ó̰sí gə̄ tə́ yā kadə̄sí.

Najə̄ kə́ Majə yā Jeju ń Luk ndang ní 19:44

a rējə̄n̄sí rárák nang tə́, ḭ̄ gə̄gē ngání gə̄ ń a ton̄ kem bɔr yāí tə́ ní gə̄gē, a əya̰n̄ mbal̄ kógə̄ḿ dɔ mbal̄ madə̄ tə́ looí alé, tɔdɔ̄ ī-ger̄ ndɔ̄ ń Nə́ɓā reē go̰ō̰īneé tə́ ní alé.

NDŪ NAJƏ̄ 18:15

I nge koō ta yā Nə́ɓā kə́ tītə̄ḿ mā Moijə n Kɔ́ɔ̄ɓē Nə́ɓā yāí a əla seneé yā kadī ní. Deē ní i de kə́ gír yāí tə́, i ni n ā ōō najə̄ yān ní.

Najə̄ kə́ Majə yā Jeju ń Luk ndang ní 7:15

Anī nge yo ḭḭ ndi dɔɔ́, a ɔr̄ najə̄. Tā anī Jeju tél adə̄n kə kó̰o̰neé.