Najə̄ kə́ Majə yā Jeju ń Luk ndang ní 7:13 - Bibəl ta Sar̄

¹³ Dan ń Kɔ́ɔ̄ɓē a̰a̰n anī kumən o̰o̰n seneé, adə̄ ədan na kə lōō nōō.

Bible sar

¹³ Dan ń Kɔ́ɔ̄ɓē a̰a̰n anī kumən o̰o̰n seneé, adə̄ ədan na kə lōō nōō.

Najə̄ kə́ Majə yā Jeju ń Luk ndang ní 7:13 Referans Kwoze

IJAI 63:9

Tū tápə̄ yādə́ gə̄ tə́ malang ní, i nge kəla kógə̄ḿ, aláa i de kə́ dɔ rā̰ tə́ kógə̄ḿ n ajədə́ ní alé, banī i Kɔ́ɔ̄ɓē nəkɔ́. Ni-gān̄g dɔdə́ sɔɔ̄ń tár yān ō, ka̰a̰ kum tō ndoō yān ō. Ni ətōdə́ ō, ɔsə kíĺdə́ ō, dan najə̄ yādə́ kə́ jóo gə̄ tə́.

PĀ GƏ̄ 103:13

Tītə̄ ń bɔbə̄ ngán gə̄ a rāań tɔdɔ̄ ngánən gə̄ ní, tītə̄ ń toō Kɔ́ɔ̄ɓē rāā tɔdɔ̄ ngé ɓōĺ ndílən gə̄ ō.

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

PĀ GƏ̄ 86:15

Banī Kɔ́ɔ̄ɓē, ḭ̄ i Nə́ɓā kə́ kumií a o̰o̰ī kə de gēé ō, kə́ nge ka̰a̰ kum tō ndoō yā de gə̄ ō, kə́ nge rāā wōn̄g láẃ aĺ ō, Kem majə yāí i ngá̰ý ō, ī-ra dɔ ndūí tə́ ngá̰ý ō.

Najə̄ kə́ Majə yā Jeju ń Luk ndang ní 8:52

De gə̄ malang a nōōn̄ i mbée ō, rɔ̄də́ nel̄də́ aĺ ō, tām̄ yā ngōn̄ ní tə́. Anī Jeju ədadə́ na kə lōōn̄ nōō, tām̄ ngōn̄ ní na oy alé, ba na a ɓīī na i mbée.

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

PĀ GƏ̄ 86:5

Kɔ́ɔ̄ɓē, ḭ̄ ń i de kə́ nge kem majə ō, ā ī-mā̰ȳ rɔ̄í dɔ de gə̄ tə́ ō ní, ḭ̄ ī-rāā kem majə ngá̰ý kə de gə̄ malang ń a ɓār̄nī ní.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

JA̰A̰ 20:15

Jeju dəjen najə̄ ədan na: Dəyá̰, ā ī-nōō i rí? Ā ī-sāā i náā? Mari ɔjəń na i nge ndɔr̄ loo ní, adə̄ ədan na: Kɔ́ɔ̄ɓē, ré i ḭ̄ n únən anī, ɔ́jəm̄ loo ń ə̄nīn tū tə́ ní ādə̄ m-āw̄ m-únən.

MARK 8:2

Kumḿ o̰ō̰m̄ kə kósə de gə̄ ń toō tɔdɔ̄ nin̄-ndin̄ seḿ laā i ndɔ̄ mətá kɔ̄ɔ́, tá yá̰a̰ kəsa yādə́ gətóó ɓáý to̰.

NGÉ SARYA 10:16

Gō tə́ anī ró̰ȳn̄ ɓesə̄ yā tə́rā gə̄ ń udən̄ loodə́ ní kɔ̄ɔ́ ba tél rāān̄ kəla yā Kɔ́ɔ̄ɓē. Adə̄ Kɔ́ɔ̄ɓē asə tə́gā tan dɔ ko̰y yādə́ tə́ to̰ alé.

JA̰A̰ 11:2

Mari i dəyá̰ ń ur yibə̄ ítər gidə nja Kɔ́ɔ̄ɓē tə́, ba ɔl̄ kə nənga dɔneé ní.

Najə̄ kə́ Majə yā Jeju ń Luk ndang ní 24:34

Nin̄ ngeé ń toō ədan̄də́ na Kɔ́ɔ̄ɓē na ndól̄ rɔ̄kum adə̄ Simo̰ na a̰a̰n kə kumneé ō.

Najə̄ kə́ Majə yā Jeju ń Luk ndang ní 17:5

Ngámbang kəla gə̄ ədan̄ Kɔ́ɔ̄ɓē na: Ādə̄jí taā kem dɔ madə̄ tə́ ɓáý to̰!

1 KORḚNTƏ 7:30

ngé nōō gə̄ ndin̄ tītə̄ kə́ nōōn̄ aĺ beé ō, ngé rāā rɔ̄nel̄ gə̄ ndin̄ tītə̄ kə́ rāān̄ rɔ̄nel̄ aĺ beé ō, ngé mang yá̰a̰ gə̄ ndin̄ tītə̄ kə́ mangən̄ yá̰á̰ aĺ beé ō,

JA̰A̰ 20:13

Nin̄-dəjen̄ najə̄ ədan̄ na: Dəyá̰, ā ī-nōō i rí? Ni-tél ədadə́ na: I tɔdɔ̄ unən̄ Kɔ́ɔ̄ɓē yāḿ kɔ̄ɔ́, ba m̄-ger̄ loo ń ənīnən̄ tū tə́ ní alé.

Najə̄ kə́ Majə yā Jeju ń Luk ndang ní 13:15

Kɔ́ɔ̄ɓē tél ədan na: Sḭḭ̄ de kə́ ngé ngól̄ loo gə̄, i náā dansí tə́ n ndɔ̄ sabat tə́ anī, tútə man̄g yān, aláa kərō yān dɔ bēl̄ tə́ yā kaw̄ seneé kadə̄ a̰ȳ man̄ aĺ ní?

Najə̄ kə́ Majə yā Jeju ń Luk ndang ní 10:1

Gō yá̰a̰ gə̄ ń noō tə́ anī, Kɔ́ɔ̄ɓē gə̄rā de kə́ rang gə̄ kutə sīrí gidə i jōó, ba əladə́ jōó jōó kété non tə́ kem ɓē gə̄ malang ō, kə gō loo gə̄ ō ń nəkɔ́ a rāā yā kaw̄ tū tə́ ní.

Najə̄ kə́ Majə yā Jeju ń Luk ndang ní 7:19

əladə́ rɔ̄ Kɔ́ɔ̄ɓē tə́ kadə̄ aw̄ dəjenən̄ na ké i ni n i deē ń kadə̄ reē ní aké kə n-ngóōn̄ i de kə́ rang ɓáý wa.

1 TESALONIK 4:13

Ngákó̰ó̰jí gə̄, jə-gḛy kadə̄ ī-ndiī dāyāá najə̄ yā ngé gə̄ ń oyn̄ tə́ ní alé, na sōgə́ rɔ̄sí nel̄sí alé tītə̄ yā ngé gə̄ ń yá̰a̰ kə́ yā kadə̄ əndān̄ kemdə́ dɔ tə́ gətóó ní.

Najə̄ kə́ Majə yā Jeju ń Luk ndang ní 22:61

Anī Kɔ́ɔ̄ɓē tél tūr̄ rɔ̄n ba əndā kumən dɔ Piyer tə́. Loo ń noō tə́ anī, əga kem Piyer dɔ najə̄ ń Kɔ́ɔ̄ɓē ədan tə́ na ɓōólaā nəkɔ́ ń toō, kété tá kadə̄ kə́ra kə̄njá nōō ní, na a nējə̄ gerə̄n nja mətá ní.

Najə̄ kə́ Majə yā Jeju ń Luk ndang ní 7:12

Dan ń ni-ugə ngɔr kə̄ ta róbə kə́ yā kudəń kə̄ kem ɓēé tə́ anī, de gə̄ teēn̄ kem ɓēé kə nīń kógə̄ḿ yā kaw̄ dubə̄. Deē ń oy ní i ngōn̄ kə́ kal kógə̄ḿ beē kə́ jī dəyá̰ kə́ ngaan oy tə́. Adə̄ kósə de kə́ kem ɓēé gə̄ kə́ to ɓōĺ ngá̰ý gə̄ a dānə̄n̄ dəyá̰ ní.

Najə̄ kə́ Majə yā Jeju ń Luk ndang ní 7:14

Ba gō tə́ anī, njə̄rā kə̄ kété aw̄ ɔdə ta waá yo. Ngé kətō nīń gə̄ ní dəban̄, anī ni-əda na: Balsáa, m-ə́daī na kə ḭ́ḭ dɔɔ́!

Najə̄ kə́ Majə yā Jeju ń Luk ndang ní 11:1

Ndɔ̄ kə́rēý tə́ Jeju ndi a ndɔ̄ȳ Nə́ɓā loo kógə̄ḿ tə́. Dan ń ni-ndɔ̄ȳ oy anī, nge ndóō yá̰a̰ yān kógə̄ḿ ədan na: Kɔ́ɔ̄ɓē, ɔ́jə́jí loo ndɔ̄ȳ tītə̄ ń Ja̰a̰ ɔjəń ngé ndóō yá̰a̰ yān gə̄ ní.

Najə̄ kə́ Majə yā Jeju ń Luk ndang ní 11:39

Anī Kɔ́ɔ̄ɓē ədan na: Sḭḭ̄ Parijiyḛ gə̄, ī-tə́goī gidə kópə ō, gidə səmbē kə́ laa ō, banī ngur ɓogə i ngá̰ý kemsí tə́ ō, kemsí ndul ngá̰ý ō.

Najə̄ kə́ Majə yā Jeju ń Luk ndang ní 12:42

Kɔ́ɔ̄ɓē tél ədan na: Nge kəla kə́ nge ra dɔ ndūn tə́ ō, kə́ nge kum kedə̄ ō, kə́ kadə̄ kɔ́ɔ̄n əndān dɔ deē yān gə̄ tə́ kadə̄ ré kum mbang asə anī adə̄də́ kōō kə kum mbangneé ní i náā?

Najə̄ kə́ Majə yā Jeju ń Luk ndang ní 17:6

Kɔ́ɔ̄ɓē tél ədadə́ na: Ré taā kem yāsí bo asə kə kum mutardə gə̄gē anī, sḭḭ̄ ə́daī kāgə̄ kótə̄ ń ra noó najə̄, ə́daniī na kə ī-ɓə̄ngā kə gír ngəraí ba āw̄ ī-ra kum bā bo tə́ nú anī, a oō tasí.

Najə̄ kə́ Majə yā Jeju ń Luk ndang ní 18:6

Anī Kɔ́ɔ̄ɓē tél əda dɔ tə́ na: Ōōī najə̄ ń nge gān̄g sarya kə́ gōtə́ aĺ ń toō əda ní, ādī udə mbīsí tə́ majə.

Najə̄ kə́ Majə yā Jeju ń Luk ndang ní 19:8

Banī Jase ḭḭ ra no Jeju tə́, ba ədan na: Kɔ́ɔ̄ɓē kə́ rɔ̄kum tə́ ní, m-ā m-ādə̄ núsə yá̰a̰ kənge yāḿ gə̄ ngé ndoō gə̄. Tá ré m̄-rāā yá̰á̰ kə́ gōtə́ aĺ kə deē kógə̄ḿ anī, m-ā m̄-tél yā kadə̄ kɔ́ɔ̄ yá̰a̰ yān gogə́ kadə̄ mān̄ dɔɔ́ nja sɔ́.

Najə̄ kə́ Majə yā Jeju ń Luk ndang ní 24:3

Ba dan ń udən̄ bəloó anī, əngen̄ dā̰ rɔ̄ Kɔ́ɔ̄ɓē Jeju alé.

JA̰A̰ 4:1

Parijiyḛ gə̄ oōn̄ kadə̄ Jeju rāā adə̄ de gə̄ ngá̰ý télən̄ ngé ndóō yá̰a̰ yān gə̄ tɔȳ yā Ja̰a̰ ō, rāā de gə̄ batém ngá̰ý tɔȳ yān ō.

JA̰A̰ 6:23

Banī to kə́ rang gə̄ ḭḭn̄ ɓē kə́ Tiberiadə tə́, reē ugə̄n̄ kadə loo ń Kɔ́ɔ̄ɓē ndadə̄ Nə́ɓā dɔ mápá tə́ tū tə́ ba adə̄də́ kadə̄ əsan̄ ní.

JA̰A̰ 11:3

Ngákó̰o̰n kə́ dəyá̰ gə̄ ní əla ədan̄ Jeju na: Kɔ́ɔ̄ɓē, deē ń ī-tárən ní i mo̰y.