Najə̄ kə́ Majə yā Jeju ń Luk ndang ní 7:12 - Bibəl ta Sar̄

¹² Dan ń ni-ugə ngɔr kə̄ ta róbə kə́ yā kudəń kə̄ kem ɓēé tə́ anī, de gə̄ teēn̄ kem ɓēé kə nīń kógə̄ḿ yā kaw̄ dubə̄. Deē ń oy ní i ngōn̄ kə́ kal kógə̄ḿ beē kə́ jī dəyá̰ kə́ ngaan oy tə́. Adə̄ kósə de kə́ kem ɓēé gə̄ kə́ to ɓōĺ ngá̰ý gə̄ a dānə̄n̄ dəyá̰ ní.

Bible sar

¹² Dan ń ni-ugə ngɔr kə̄ ta róbə kə́ yā kudəń kə̄ kem ɓēé tə́ anī, de gə̄ teēn̄ kem ɓēé kə nīń kógə̄ḿ yā kaw̄ dubə̄. Deē ń oy ní i ngōn̄ kə́ kal kógə̄ḿ beē kə́ jī dəyá̰ kə́ ngaan oy tə́. Adə̄ kósə de kə́ kem ɓēé gə̄ kə́ to ɓōĺ ngá̰ý gə̄ a dānə̄n̄ dəyá̰ ní.

Najə̄ kə́ Majə yā Jeju ń Luk ndang ní 7:12 Referans Kwoze

Najə̄ kə́ Majə yā Jeju ń Luk ndang ní 8:42

tɔdɔ̄ ngōnən kə́ dəyá̰ kə́ kal kógə̄ḿ beē, kə́ ɓālə̄n asə kutə gidə i jōó ń noō na to i kə̄ ta yo tə́. Dan ń Jeju a aw̄ kə̄ looneé anī, kósə de gə̄ rosən̄ naā dɔn tə́ kə́ utə̄nən̄ kə koó.

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

KƏLA RĀĀ 9:41

Piyer əla jīn adə̄n, ba unən dɔɔ́. Ni ɓāŕ ngé taā kem gə̄ ō, dəyá̰ kə́ ngaa koy gə̄ ō, ba ɔjədə́ kə Tabita ń ḭḭ ndi dɔɔ́ kə kumneé ní.

KƏLA RĀĀ 9:39

Piyer ɔtə kə̄ ta jī tə́ beē aw̄ sedə́. Dan ń reē ɔtə̄ anī aw̄n̄ seneé kem kújə́ kə́ dɔɔ́ tə́. Dəyá̰ kə́ ngaa koy gə̄ reēn̄ rɔ̄n tə́ malang kə nōó. Nin̄-ɔjənən̄ kūbə̄ kə́ kemeé gə̄ ō, kə́ dɔ madə̄ tə́ gə̄ ō ń Dorkas ur̄də́ dan ń ndiń dandə́ tə́ ní.

JA̰A̰ 11:19

adə̄ Jipə gə̄ ngá̰ý reēn̄ rɔ̄ Martə nin̄ kə Mari tə́ yā sɔl̄ kemdə́ tām̄ yā ngōkó̰ó̰də́ tə́.

Najə̄ kə́ Majə yā Jeju ń Luk ndang ní 8:52

De gə̄ malang a nōōn̄ i mbée ō, rɔ̄də́ nel̄də́ aĺ ō, tām̄ yā ngōn̄ ní tə́. Anī Jeju ədadə́ na kə lōōn̄ nōō, tām̄ ngōn̄ ní na oy alé, ba na a ɓīī na i mbée.

JAKARI 12:10

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

Makətūbə̄ yā Job 29:13

Deē ń to i kə̄ ta yo tə́ ní, tɔ́r̄ tan dɔḿ tə́ ō, m̄-rāā adə̄ rɔ̄nel̄ tél reē gogə́ kem dəyá̰ kə́ ngaa koy tə́ ō.

2 MBAN̄G 4:20

Nge kəla ní unən aw̄ seneé adə̄n kə kó̰o̰neé. Ngōn̄ ní ndi nja kó̰o̰n tə́, ba dan ń mbang ugə̄ dan ɓēé anī ngōn̄ oy.

2 MBAN̄G 4:16

Elije əda na: Kem ɓāl̄ kə́ gogə́ tə́, kə nāā kə́ beē ń a ə̄tō ngōn̄ kə́ dəngam jīí tə́. Dəyá̰ ní əda na: I beé alé, kɔ́ɔ̄ḿ, deē yā Nə́ɓā, ī-lōō kədam̄ mā nge kəla yāí kə́ dəyá̰ najə̄ kə́ sor̄.

1 MBAN̄G GƏ̄ 17:23

Eli un ngōn̄ ní reē seneé kem kújə́ kə́ nang tə́, adə̄n kə kó̰o̰neé, ba əda na: Á̰a̰ā̰, ngōnīí ndi kə kumneé.

1 MBAN̄G GƏ̄ 17:18

Anī dəyá̰ ní əda Eli na: Deē yā Nə́ɓā, i rí n i dɔ dáńjí tə́? Ī-reē ɓēé looḿ i kadə̄ əga kem Nə́ɓā dɔ yá̰á̰ kə́ gōtə́ aĺ kə́ m̄-rāā tə́ ba kadə̄ ngōnə̄ḿ kə oyń a?

1 MBAN̄G GƏ̄ 17:12

Anī dəyá̰ ní tél ədan na: Tītə̄ ń Kɔ́ɔ̄ɓē Nə́ɓā yāí ndiń kə kumneé noō mápa gətóo. Yá̰á̰ ń m-āwń ní i ndujə̄ kə́ sḛ́ý beē kem jóó ō, i yibə̄ kə́ sḛ́ý beē kem kūú ō. m̄-reē i sāā kīrīí yā kaw̄ rāań tām̄ yājí tə́ kə ngōnə̄ḿ. Ré j-əsa oy anī j-a jə-ngóō i yo ngóy.

1 MBAN̄G GƏ̄ 17:9

Ḭ́ḭ dɔɔ́, āw̄ Sarepta ń i ɓē kə́ kadə ɓē kə́ Sidon tə́ ní āw̄ ī-ndi kemeé. M-ə́da dəyá̰ kógə̄ḿ kə́ noō kə́ ngaa koy kadə̄ a̰a̰ gōí kə yá̰a̰ kəsaá.

2 SAMUEL 14:7

Loo ń noō tə́ ngéén gə̄ malang əgan̄ naā dɔḿ tə́, ədamə̄n̄ na kə m-ādə̄də́ kə nge tɔ̄l̄ madə̄n ní kadə̄ kə n-tɔ̄l̄nən̄ kum gotə ngōkó̰o̰n ń ni-tɔ̄lən ní, kadə̄ nge kənge yá̰a̰ ndəbā kə gətóoń kɔ̄ɔ́ ɗer. I tītə̄ ń noō n ndigən̄neé tɔ̄l̄ ngōnə̄ḿ ń na̰y ní yā kadə̄ rī ngaaḿ kə ɓārəń to̰ aĺ ō, kadə̄ gír kaa yān kə gətóoń dɔ nang tə́ ō ní.

TA KƏLA 22:12

Kɔ́ɔ̄ɓē əda na: Ə́ya̰ ngōn̄, ī-lōō rāān yá̰á̰ kə́ tōr̄. Ngɔlaā ní m̄-ger̄ kadə̄ ī-ɓōĺ ndílə́ḿ, tɔdɔ̄ ɔ̄gə̄m̄ ngōnīí kə́ kal kógə̄ḿ beē alé.

TA KƏLA 22:2

Anī Nə́ɓā əda na: Ún ngōnīí Isaak, ngōnīí kə́ kal kógə̄ḿ beē ń ī-tárən ngá̰ý ní, āw̄ seneé dɔ nang kə́ Moriya tə́, dɔ mbal̄ kógə̄ḿ kə́ dɔ dán madə̄ gə̄ tə́ ń m-ā m-ɔ́jiī tə́ ní, ī-róōn horoó ādə̄m̄.

Najə̄ kə́ Majə yā Jeju ń Luk ndang ní 7:11

Gō tə́ anī Jeju aw̄ kem ɓē kógə̄ḿ kə́ rīn na i Nayin tə́. Ngé ndóō yá̰a̰ yān gə̄ ō kósə de gə̄ ngá̰ý ō aw̄n̄ seneé.

Najə̄ kə́ Majə yā Jeju ń Luk ndang ní 7:13

Dan ń Kɔ́ɔ̄ɓē a̰a̰n anī kumən o̰o̰n seneé, adə̄ ədan na kə lōō nōō.