Najə̄ kə́ Majə yā Jeju ń Luk ndang ní 6:8 - Bibəl ta Sar̄

⁸ Banī Jeju ger̄ gír̄ yādə́, adə̄ ni-əda de kə́ nge jīn oy ní na: Ḭ́ḭ ī-ra dan de gə̄ tə́ loo ń noō tə́. Deē ní ḭḭ ra dɔɔ́.

Bible sar

⁸ Banī Jeju ger̄ gír̄ yādə́, adə̄ ni-əda de kə́ nge jīn oy ní na: Ḭ́ḭ ī-ra dan de gə̄ tə́ loo ń noō tə́. Deē ní ḭḭ ra dɔɔ́.

Najə̄ kə́ Majə yā Jeju ń Luk ndang ní 6:8 Referans Kwoze

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

MATIYE 9:4

Jeju ger̄ gír̄ kə kemdə́ tə́ adə̄ ni-ədadə́ na: Ī-gírī najə̄ kə́ majaĺ kə́ beē gə̄ kemsí tə́ i tām̄ rí tə́?

1 PIYER 4:1

Dan ń rɔ̄ Kərist tōrə̄n ní, majə kadə̄ i gír̄ kə́ kógə̄ḿ beē nəkɔ́ ń toō n sḭḭ̄ āwīneé dɔsí tə́ yā rań ta yá̰á̰ kə́ tōr̄ gə̄ tə́ ní ō. Tɔdɔ̄ deē ń a̰a̰ tápə̄ kem dā̰ rɔ̄n tə́ ní, nin̄-əya̰n̄ naā kə majaĺ kɔ̄ɔ́.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

PILIPƏ 1:28

Ngé rɔ̄ɔ̄ sesí gə̄ ní ī-ɓōlíīdə́ tū yá̰á̰ kógə̄ḿ tə́ alé: I nge ń noō n a ɔjədə́ kadə̄ nin̄ a aw̄n̄ i kə̄ kuduú kɔ̄ɔ́ tə́, ba sḭḭ̄ i dɔ róbə kajə tə́ ní. Ba yá̰á̰ ń noō ḭḭ i rɔ̄ Nə́ɓā tə́.

KƏLA RĀĀ 26:26

Mban̄g Agəripa ger̄ yá̰a̰ gə̄ ń toō, adə̄ m-ásə kɔr̄ najə̄n ta kumən tə́ kanjə̄ ɓōĺ. Mā m̄-taā kem mámák kadə̄ yá̰á̰ kógə̄ḿ kə́ mbaān ni danaá gətóo. Tɔdɔ̄ yá̰a̰ gə̄ ń toō ní rāān̄ yá̰a̰ i kɔgɔ̄ loo kógə̄ḿ tə́ alé.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

JA̰A̰ 9:4

Dan ń loo kə́ kadaá to ɓáý ní, majə kadə̄ jə-rāāī kəla yā nge ń əlam̄ ní. Loo kə́ ndɔ̄ɔ́ a reē noó, yā kadə̄ deē a asə rāā kəla alé.

JA̰A̰ 2:25

Ni sāā kadə̄ deē ədan najə̄ kə́ dɔ deē tə́ alé, tɔdɔ̄ ni-ger̄ yá̰á̰ kə́ kem deē tə́.

Najə̄ kə́ Majə yā Jeju ń Luk ndang ní 5:22

Jeju ń ger̄ gír̄ yādə́ ní tél ədadə́ na: Āwī kə gír kə́ beé kemsí tə́ i tām̄ rí tə́.

IJAI 42:4

Tɔ́gən a ur̄ wak alé. Ni a əya̰ alé, mbóńg yā kadə̄ ni-əndā ngəra yá̰á̰ kə́ súmūú dɔ nang tə́ pá tá. Gír de gə̄ ń ndin̄ sa̰y ní gḛyn̄ kənge yá̰á̰ ndóō yān.

PĀ GƏ̄ 44:21

Ré kété ní dɔjí ndígə̄nal rī Nə́ɓā yājí ō, jə-sə́ra jījí kə̄ rɔ̄ nə́ɓā kógə̄ḿ kə́ mbā tə́ ō anī,

Makətūbə̄ yā Job 42:2

m̄-ger̄ kadə̄ ásə rāā yá̰a̰ malang ō, yá̰á̰ kə́ núm̄ rāā kə́ dum̄ tɔ́gí gətóo ō.

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

Najə̄ kə́ Majə yā Jeju ń Luk ndang ní 6:9

Anī Jeju ədadə́ na: Yá̰á̰ ń ndū najə̄ adə̄ deē ta róbə rāān ndɔ̄ sabat tə́ ní i rí? Adə̄n i ta róbə rāā yá̰á̰ kə́ majə aké i rāā yá̰á̰ kə́ majaĺ? I ta róbə kajə deē aké i nujə deē?

MARK 3:3

Ba Jeju əda de kə́ jīn tutə ní kə ḭḭ kə ra dɔɔ́ ta kum de gə̄ tə́ malang.

Najə̄ kə́ Majə yā Jeju ń Luk ndang ní 13:12

Dan ń Jeju a̰a̰n anī, ɓārə́n əda na: Dəyá̰, á̰a̰ā̰, ngɔlaā ní gír nujə yāí gān̄g kɔ̄ɔ́.