Najə̄ kə́ Majə yā Jeju ń Luk ndang ní 6:6 - Bibəl ta Sar̄

⁶ Ndɔ̄ sabat kə́ rang tə́ anī Jeju udə kújə́ kán̄ naā tə́ a ndóō de gə̄ yá̰a̰. Deē kógə̄ḿ kə́ jī ko̰n tutə njururu ndi dan de gə̄ tə́ kem kújə́ kán̄ naā ní tə́.

Bible sar

⁶ Ndɔ̄ *sabat kə́ rang tə́ anī Jeju udə kújə́ kán̄ naā tə́ a ndóō de gə̄ yá̰a̰. Deē kógə̄ḿ kə́ jī ko̰n tutə njururu ndi dan de gə̄ tə́ kem kújə́ kán̄ naā ní tə́.

Najə̄ kə́ Majə yā Jeju ń Luk ndang ní 6:6 Referans Kwoze

JA̰A̰ 5:3

Kósə de kə́ ngé mo̰y gə̄ ō, ngé kum tɔ̄ɔ̄ gə̄ ō, ngé tə́sō motə gə̄ ō, ngé kə́ dām̄ rɔ̄də́ oy gə̄ ō, ton̄ gíŕ kújə́ kə́ ta róbə́ tə́ ngeé ń noō tə́ ngá̰ý. Nin̄-ngóōn̄ i ta man̄ kə́ kadə̄ ḭḭ pukətu pukətu.

Najə̄ kə́ Majə yā Jeju ń Luk ndang ní 4:31

Tā anī Jeju aw̄ Kapernaum ń i ɓē kə́ gō nang kə́ Galile tə́ ní. Ni ndóō de gə̄ yá̰a̰ ndɔ̄ sabat tə́,

Najə̄ kə́ Majə yā Jeju ń Luk ndang ní 4:16

Jeju aw̄ Najaret tə́, ɓē ń ətōnən̄ tū tə́ ní tə́. Ndɔ̄ sabat tə́ anī, ni-aw̄ kem kújə́ kán̄ naá tə́ tītə̄ ń i jī bēl̄ loo rāān ní. Ni-ḭḭ dɔɔ́ yā tə́da makətūbə̄.

MATIYE 4:23

Jeju un gō nang kə́ Galile malang, a ndóō de gə̄ yá̰a̰ kem kújə́ kán̄ naā yādə́ gə̄ tə́ ō, a ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y kə́ tayā tayā gə̄ malang ngáā ō, rāā adə̄ rɔ̄ de kə́ nujə gə̄ malang tél majə gogə́ ō, dan ngán Israel gə̄ tə́.

JA̰A̰ 9:16

De kə́rēý gə̄ dɔ dan Parijiyḛ gə̄ tə́ ədan̄ na: Deē ń toō ḭḭ i rɔ̄ Nə́ɓā tə́ alé, tɔdɔ̄ ni-ngɔ̄m̄ ndɔ̄ sabat alé. De kə́ rang gə̄ ədan̄ na: De kə́ nge rāā majaĺ asə rāā yá̰á̰ kə́ yáā kə́ tītə̄ ń noō gə̄ i ba̰ý? Adə̄ míndə kasə naā aĺ to dandə́ tə́.

Najə̄ kə́ Majə yā Jeju ń Luk ndang ní 14:3

Anī Jeju un najə̄ ɔr̄ kə ngé kɔjə ndū najə̄ gə̄ ō, Parijiyḛ gə̄ ō ndɔ̄ sabat tə́ ní, ndū najə̄ yā Nə́ɓā adə̄ ta róbə rāā kadə̄ de kə́ mo̰y rɔ̄n ngáā aké adə̄ aĺ ḿ?

Najə̄ kə́ Majə yā Jeju ń Luk ndang ní 13:10

Dan ngeé ń noō tə́ ní Jeju a ndóō de gə̄ yá̰a̰ kem kújə́ kán̄ naā kógə̄ḿ tə́ ndɔ̄ sabat tə́.

Najə̄ kə́ Majə yā Jeju ń Luk ndang ní 6:1

Jeju a mān̄ kem ndɔr̄ kōō gémē gə̄ tə́ ndɔ̄ sabat tə́ anī, ngé ndóō yá̰a̰ yān gə̄ gángə̄n̄ dɔ kōō gə̄ ba tóng a əsan̄.

1 MBAN̄G GƏ̄ 13:4

Dan ń mban̄g Jeroboam oō najə̄ ń deē yā Nə́ɓā əda dɔ loo tun̄ yá̰á̰ kə́ Betel tə́ ní anī, əla jīn dɔ loo tun̄ yá̰á̰ tə́ kum kə̄ rɔ̄ deē yā Nə́ɓā tə́ ba əda na: Əhɔniī! Banī jīn ń əla kə̄ dɔ deē yā Nə́ɓā tə́ ní tutə njururu, adə̄ asə téləń kə̄ rɔ̄n tə́ to̰ alé.

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

Najə̄ kə́ Majə yā Jeju ń Luk ndang ní 6:5

Jeju ədadə́ ɓáý to̰ na: Ngōn̄ deē i kɔ́ɔ̄ ndɔ̄ sabat.