Najə̄ kə́ Majə yā Jeju ń Luk ndang ní 6:48 - Bibəl ta Sar̄

⁴⁸ Ni to i tītə̄ de kə́ nge rāā kújə. Deē ndēr̄ bəlo adə̄ rúu ba əndā gíŕ kújə dɔ mbal̄ tə́ beē. Dan ń man̄ taā loo ba un nja kújə́ ní anī kújə́ ní yéȳ alé, tɔdɔ̄ rāān̄ kújə́ ní adə̄ ngan̄g majə.

Bible sar

⁴⁸ Ni to i tītə̄ de kə́ nge rāā kújə. Deē ndēr̄ bəlo adə̄ rúu ba əndā gíŕ kújə dɔ mbal̄ tə́ beē. Dan ń man̄ taā loo ba un nja kújə́ ní anī kújə́ ní yéȳ alé, tɔdɔ̄ rāān̄ kújə́ ní adə̄ ngan̄g majə.

Najə̄ kə́ Majə yā Jeju ń Luk ndang ní 6:48 Referans Kwoze

PĀ GƏ̄ 62:2

Ndi lɔm yāḿ i rɔ̄ Nə́ɓā tə́ ngóy. M-ájə i kə ta kūl̄neé.

IJAI 28:16

I tām̄ najə̄ ń toō tə́ n najə̄ yā Kɔ́ɔ̄ɓē Nə́ɓā n toó ní: M-ə̄ndā mbal̄ nja kújə́ kógə̄ḿ kə́ ngan̄g ngá̰ý Siyo̰ tə́, i mbal̄ kógə̄ḿ kə́ kəla rāān bo tɔȳ yā madə̄ gə̄ malang, əndān̄ mbal̄ ní adə̄ ndi ngan̄g. Deē ń a ndə̄nā rɔ̄n kadə tə́ ní, a əsō alé.

Makətūbə̄ ń Jud ndang ní 1:24

Nə́ɓā kə́ to kɔsə gɔn ń asə ngɔ̄m̄sí kadə̄ ə̄sōī aĺ ō, asə rāā kadə̄ ī-raī kə rɔ̄nelēé kanjə̄ najə̄ dɔsí tə́ ta kumən tə́ ō ní,

IJAI 26:4

Ə̄nī kemsí ādī Kɔ́ɔ̄ɓē kə́ njɔ́ḿ gə̄ tə́. A̰á̰ā̰, ādī Kɔ́ɔ̄ɓē, ni ń i mbal̄ kə́ ngan̄g kə́ to ngándáńg ní.

EPEJƏ 2:20

Ngəra kújə́ ní i ngámbang kəla gə̄ ō, ngé koō ta gə̄ ō, ba Kərist nəkɔ́ i mbal̄ kə́ nge kəhɔ kújə́ ní dɔɔ́.

1 JA̰A̰ 2:28

I beé ní, ngánə́ḿ kə́ dūú gə̄, ī-ndiī kemən tə́, yā kadə̄ ndɔ̄ ń ni a teē hɔy tə́ anī, jə-ndiī kanjə̄ sōl̄ yá̰á̰ kógə̄ḿ ō, kanjə̄ kadə̄ jḭḭ̄ i sa̰y rɔ̄n tə́ kə rɔ̄sɔlɔ̄ɔ́ ndɔ̄ télən tə́ ō.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

PĀ GƏ̄ 32:6

I tām̄ najə̄ ń noō tə́ n deē yāí gə̄ malang ndɔ̄ȳnī ndɔ̄ ń tasí a̰a̰ń naā tə́ ní. Ká ré man̄ kə́ bo ngá̰ý taā loo gə̄gē anī, a ɔdə rɔ̄də́ alé.

2 SAMUEL 22:32

Kɔ́ɔ̄ɓē ngóy i Nə́ɓā! I Nə́ɓā yājí ngóy n i mbal̄ yājí ní!

Gōsə̄ najə̄ gə̄ 10:25

Nél balway mān̄ anī nge kem ndul gətóo kɔ̄ɔ́, banī de kə́ súmūú i ngəra kújə́ kə́ ra ngan̄g.

2 SAMUEL 22:47

Kɔ́ɔ̄ɓē ndi ngáńdáńg! m̄-rāā mbal̄ yāḿ kə́ra! Nə́ɓā i go̰ rɔ̄ɔ̄, ni i mbal̄ yāḿ ō, nge kajəḿ ō.

IJAI 59:19

Loo ń noō tə́, ḭḭ gír ɓē tə́ bátə́ no ɓē tə́ ní, de gə̄ malang a ɓōlə́n̄ gidə rī Kɔ́ɔ̄ɓē, nin̄ malang a ɓōlə́n̄ gidə kɔsə gɔn yān. A̰á̰ā̰, Kɔ́ɔ̄ɓē a rēē tītə̄ man̄ dɔ mbal̄ kə́ kum wól loo tə́ kə́ man̄ kə́ edə kə néĺ kə́ əla kə ngangá ngá̰ý mbəre gōn beé.

2 PIYER 1:10

Ngákó̰ó̰ḿ gə̄, i tām̄ najə̄ ń toō tə́ n majə kadə̄ ə́gaī rɔ̄sí kə̄ nang tə́ ādī tɔȳ kə́ kété ɓáý ī-mbūsīneé gír ɓār̄ ń Nə́ɓā ɓāŕsí ní ō, gə̄rā ń Nə́ɓā gə̄rāsí ní ō, ādī ngan̄g ní. Tɔdɔ̄ ré ī-rāāī beé anī, ā ə̄sōī kum yá̰á̰ kə́ majaĺ tə́ aĺ i kə́ bátə́ gə̄ tə́.

KƏLA RĀĀ 14:22

Nin̄-mbūsə̄n̄ ngé taā kem gə̄ kə najá ō, əlan̄ go̰ kemdə́ tə́ kadə̄ ran̄ ngan̄g dɔ taā kem yādə́ tə́ ō. Nin̄-ədan̄də́ na: I gáŕ kadə̄ wur kɔl əsō dɔjí tə́ pá tá j-a j-udiī kem Ɓē ko̰o̰ yā Nə́ɓā tə́ ɓáý.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

NAHUM 1:8

dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.

PĀ GƏ̄ 95:1

Ī-reēī! J-uriī kɔĺ rɔ̄nel̄ dɔ Kɔ́ɔ̄ɓē tə́, jə-tɔ̄yī mbal̄ ń ajəjí ní.

2 SAMUEL 22:5

Yo ɓírə̄m̄ kə tɔ́gɔ́ tītə̄ bəngál man̄ beé, m̄-ɓōĺ tɔdɔ̄ to i tītə̄ man̄ dɔ mbal̄ kə́ a nūgə́ kə tɔ́gɔ́ yā nujə loo beé.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

2 SAMUEL 23:3

Nə́ɓā yā Israel ɔr̄ najə̄, nge ngɔ̄m̄ Israel ədam̄ na: Deē ń o̰o̰ ɓē dɔ de gə̄ tə́ kə háĺ kə́ gōtə́ ní, deē ń o̰o̰ ɓē dɔ de gə̄ tə́ kə ɓōĺ ndíĺ Nə́ɓāá ní,

2 SAMUEL 22:2

əda na: Kɔ́ɔ̄ɓē i mbal̄ yāḿ, ni i kújə́ kə́ ngan̄g ngá̰ý yāḿ kə́ m̄-ndi kemeé anī, yá̰a̰ a ɔdə rɔ̄ḿ alé.

1 SAMUEL 2:2

De kə́ táĺ tītə̄ Kɔ́ɔ̄ɓē gətóo. I ḭ̄ ngóy n i de kə́ ndi noó rɔ̄kum ní, mbal̄ kə́ tītə̄ Nə́ɓā yājí gətóo.

NDŪ NAJƏ̄ 32:31

Tɔdɔ̄ mbal̄ yā madə̄ ba̰ā̰jí gə̄ to tītə̄ mbal̄ yājí alé. Nge ń noō ní nin̄ kɔ́ gə̄ gerə̄n̄ ō.

NDŪ NAJƏ̄ 32:18

Ngán Israel gə̄, mbal̄ ń ojəsí ní sḭḭ̄ ī-rāāniī nja bə̄yā̰ kə́ gogə́ tə́. Dɔsí ndígə̄nal dɔ Nə́ɓā ń i bɔbə̄sí tə́ ní.

Najə̄ kə́ Majə yā Jeju ń Luk ndang ní 6:47

Deē ń reē rɔ̄ḿ tə́ ba oō najə̄ yāḿ ō, rāā yá̰a̰ kə gō najə̄ yāḿ ō ní, ādə̄ m-ɔ̄jə̄sí deē ń ni-tītə̄n ní.

Najə̄ kə́ Majə yā Jeju ń Luk ndang ní 6:49

Banī deē ń oō najə̄ yāḿ ba rāā yá̰a̰ kə gō najə̄ yāḿ aĺ ní, to i tītə̄ de kə́ əndā kújə yān i dɔɔ́ karī kanjə̄ ndēr̄ bəlo tá kəndāń. Dan ń man̄ taā loo ba un nja kújə́ ní anī kújə́ ní tetə ənda nang kə̄ ta jī tə́ beē ō, nujə sák sák kɔ̄ɔ́ ō.