Najə̄ kə́ Majə yā Jeju ń Luk ndang ní 6:45 - Bibəl ta Sar̄

⁴⁵ Deē ń i de kə́ majə ní, ngarān̄g kemən i loo ngɔ̄m̄ yá̰á̰ kə́ majə gə̄, adə̄ a teē kə yá̰á̰ kə́ majə gə̄ tū tə́ ō, deē ń i de kə́ majaĺ ní, ngarān̄g kemən i loo ngɔ̄m̄ yá̰á̰ kə́ majaĺ gə̄, adə̄ ni a teē kə yá̰á̰ kə́ majaĺ gēé tū tə́ ō. Tɔdɔ̄ ta deē əda i yá̰á̰ gə̄ ń rosən̄ kemən ba rə̄ɓā kə̄ ndágá ní.

Bible sar

⁴⁵ Deē ń i de kə́ majə ní, ngarān̄g kemən i loo ngɔ̄m̄ yá̰á̰ kə́ majə gə̄, adə̄ a teē kə yá̰á̰ kə́ majə gə̄ tū tə́ ō, deē ń i de kə́ majaĺ ní, ngarān̄g kemən i loo ngɔ̄m̄ yá̰á̰ kə́ majaĺ gə̄, adə̄ ni a teē kə yá̰á̰ kə́ majaĺ gēé tū tə́ ō. Tɔdɔ̄ ta deē əda i yá̰á̰ gə̄ ń rosən̄ kemən ba rə̄ɓā kə̄ ndágá ní.

Najə̄ kə́ Majə yā Jeju ń Luk ndang ní 6:45 Referans Kwoze

Gōsə̄ najə̄ gə̄ 4:23

Ə̄ndā may yá̰á̰ ń ī-gír kemií tə́ ní majə. A rāā seí tɔȳ gotə yá̰a̰ gə̄ malang tɔdɔ̄ a ī-ndi kə kumií i kə ta kulneé.

EPEJƏ 4:29

Ādī najə̄ kə́ majaĺ teē tasí tə́ alé, banī i najə̄ kə́ majə tá, yā kadə̄ ngé gə̄ ń oōn̄ ní rāā majə sedə́ ō, aw̄n̄neé kum kə̄ kété ō.

JA̰A̰ 7:38

Deē ń taā kemḿ anī, tītə̄ ń ndangən̄neé kem makətūbə̄ tə́ ní, man̄ kə́ ngá̰ý kə́ a rāā kadə̄ deē ndi kə kumneé a kə̄rā kemən tə́ tiriri.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

PĀ GƏ̄ 59:12

Kɔ́ɔ̄ɓē, der yājí, ī-lōō tɔ̄l̄də́ malang, na sōgə́ dɔ gír deē yāḿ gə̄ ndígə̄nal rɔ̄ɔ̄ ń ī-tetə ní. Ādə̄ tɔ́gí yéȳdə́ ō, tél sedə́ kə̄ nang tə́ ō, ngóy.

KOLOSƏ 4:6

Ādī najə̄ kɔr̄sí i najə̄ kə́ majə ngándáńg ō, i najə̄ kə́ nel̄ ō, yā kadə̄ ī-gerīneé loo tūr̄ de gə̄ najə̄ kadə̄ sɔɔ̄ dɔdə́ kógə̄ḿ kógə̄ḿ.

Gōsə̄ najə̄ gə̄ 12:18

Najə̄ kɔr̄ de kə́ nge kɔsə kum i najə̄ kə́ a adə̄ deē do kə́ tītə̄ do kaskar beé, banī ta ndo̰ ngé kum kedə̄ gə̄ i dáwá.

HEBƏRO 8:10

Ni-əda ɓáý to̰ na: Gō ndɔ̄ gə̄ ngeé ń noō tə́ ní, madə̄ naā ń m-ā m̄-ə́hɔ kə ngán Israel gēé ní toó: M-ā m-ə̄ndā ndū najə̄ yāḿ gə̄ i tū kur̄ dɔdə́ tə́ ō, m-ā m̄-ndang ndū najə̄ yāḿ gə̄ i ngarān̄g kemdə́ tə́ ō. Mā i Nə́ɓā yādə́ ō, nin̄ i deē yāḿ gə̄ ō.

EPEJƏ 5:19

Ɔ̄rī najə̄ kə naá kə pā gə̄ kə́ yā ndɔ̄yń Nə́ɓā ō, kə́ yā tɔ̄ȳnəń ō, kə pā gə̄ ń Ndíĺ adə̄sí ní ō. Ə̄nīī pā gə̄ ɔ́siīneé gɔn Kɔ́ɔ̄ɓē kə ngarān̄g kemsí malang.

Gōsə̄ najə̄ gə̄ 15:23

Rɔ̄nel̄ i kə deē ń tūr̄ najə̄ əda kə taneé ní! Najə̄ kə́ kəda kə kum mbangneé i yá̰á̰ kə́ majə ngá̰ý!

PĀ GƏ̄ 140:5

Kɔ́ɔ̄ɓē, ī-ngɔ̄mə̄m̄ ādə̄ m-ə̄sō kem jī de kə́ nge kem ndul tə́ alé. Ādə̄ m-ə̄sō kem jī de kə́ nge rāā yá̰a̰ kə dɔ́nɔ́ tə́ alé. Nin̄ gírə̄n̄ i rāām̄ kadə̄ m-ə̄sō ngóy.

PĀ GƏ̄ 59:7

Nin̄ tél reēn̄ loo sɔlí ɓáý ba ndōgə̄n̄ tītə̄ bísə gə̄ ō, dáȳn̄ kem ɓēé ō.

KƏLA RĀĀ 5:3

Anī Piyer ədan na: Ananias, i tām̄ rí tə́ á ī-rāā yá̰á̰ ń Sətan ədaī ní? Ḭ̄ ī-sor̄ Ndíĺ kə́ Táĺ ba ɔ̄r̄ ta nar gír loo yāí ə́ga gidə yāí tə́.

Makətūbə̄ ń Jud ndang ní 1:15

yā rāań sarya kə de gēé malang ō, yā kɔsəń ngóýdə́ ō, tām̄ yā yá̰á̰ kə́ majaĺ gə̄ malang ń nin̄-rāān̄ loo ngé mbātə́ rāā yá̰a̰ kə gō ń Nə́ɓā ndigə tə́ ní ō, tām̄ yā najə̄ kə́ tōr̄ gə̄ malang ń ngé rāā majaĺ kə́ ngé ɓōĺ ndíl de gə̄ aĺ gə̄ ń noō ədan̄ dɔn tə́ ní ō.

EPEJƏ 3:8

Mā i kə́ dūú ngá̰ý dan de gə̄ malang yā Nə́ɓā tə́, ɓá tā ba kɔjə de kə́ nin̄ i Jipə aĺ gə̄ najə̄ kə́ dɔ yá̰á̰ kə́ majə gə̄ yā Kərist tə́ kə́ dum̄ deē ger̄ gír tə́ ní, i mā n Nə́ɓā adə̄m̄ rāań kem majə seḿ ní.