Najə̄ kə́ Majə yā Jeju ń Luk ndang ní 6:42 - Bibəl ta Sar̄

⁴² Ḭ̄ ń á̰a̰ kāgə̄ kə́ bo kə́ kumií īkɔ́ tə́ aĺ ní, loo kəda madí na kə ra ɓam kadə̄ ún buĺ mu kumən tə́ kɔ̄ɔ́ i ba̰ý? Ḭ̄ de kə́ ngé gól̄ loo, ún kāgə̄ kə́ kumií tə́ kɔ̄ɔ́ pá tá á̰a̰ loo unjə̄ anī, ún buĺ mu kə́ kum madí tə́ kɔ̄ɔ́ ɓáý!

Bible sar

⁴² Ḭ̄ ń á̰a̰ kāgə̄ kə́ bo kə́ kumií īkɔ́ tə́ aĺ ní, loo kəda madí na kə ra ɓam kadə̄ ún buĺ mu kumən tə́ kɔ̄ɔ́ i ba̰ý? Ḭ̄ de kə́ ngé gól̄ loo, ún kāgə̄ kə́ kumií tə́ kɔ̄ɔ́ pá tá á̰a̰ loo unjə̄ anī, ún buĺ mu kə́ kum madí tə́ kɔ̄ɔ́ ɓáý!

Najə̄ kə́ Majə yā Jeju ń Luk ndang ní 6:42 Referans Kwoze

2 PIYER 1:9

Ba deē ń a nal̄ háĺ kə́ majə gə̄ ngeé ń toō ní, ni i de kə́ nge kum tɔ̄ɔ̄ kə́ a mám̄ i loo. Dɔn ndígə̄nal dɔ kɔr̄ ń ɔrə̄n̄ majaĺ yān kə́ jóo gə̄ kɔ̄ɔ́ ní tə́.

2 TIMOTE 2:21

Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.

2 KORḚNTƏ 5:18

Ba yá̰a̰ gə̄ ń toō malang teēn̄ i rɔ̄ Nə́ɓā ń əndājí naā tə́ seneé kə ta kūl̄ Kərist ō, adə̄jí kəla kəndā de gə̄ naā tə́ seneé ō ní.

Makətūbə̄ ń Pol ndang adə̄ Rom gə̄ ní 2:1

Ḭ̄ ń ī-gān̄g sarya ní, ká ḭ̄ i náā gə̄gē a, najə̄ i dɔí tə́. Tɔdɔ̄ ḭ̄ nge gān̄g sarya, dan ń ī-gān̄g sarya dɔ madí tə́ ō, īkɔ́ i rāā yá̰á̰ ń ni-rāā ō ní, īkɔ́ ə́hɔ rɔ̄í kə sarya.

KƏLA RĀĀ 13:10

ba ədan na: Ḭ̄ i de kə́ kum kedə̄ gól̄ loo rosə kemií ō, de kə́ ger̄ tūr̄ gíŕ yá̰á̰ ngá̰ý ō, ḭ̄ i ngōn̄ diabəl ō, ḭ̄ i madə̄ kɔ̄l̄ yá̰a̰ malang kə́ gōtə́ ō, a asiī rāā gō róbə yā Kɔ́ɔ̄ɓē kə́ ra súmūú kadə̄ rúgə̄ kə̄ loo gə̄ tə́ i rə́ngáý tə́?

KƏLA RĀĀ 8:21

Kum yāí ō, yá̰a̰ kəngeí ō, gətóon̄ tū najə̄ ń toō tə́. Tɔdɔ̄ kemií i súmūú ta kum Nə́ɓā tə́ alé.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

Najə̄ kə́ Majə yā Jeju ń Luk ndang ní 22:32

Ba m̄-ndɔ̄ȳ tām̄ yāí ḭ̄ tə́ kadə̄ ə̄sō loo taā kem yāí tə́ alé. Ba ḭ̄, dan ń ī-tél ta róbə yāí tə́ ní a, ī-mbūsə̄ ngákó̰ó̰í gə̄.

Najə̄ kə́ Majə yā Jeju ń Luk ndang ní 13:15

Kɔ́ɔ̄ɓē tél ədan na: Sḭḭ̄ de kə́ ngé ngól̄ loo gə̄, i náā dansí tə́ n ndɔ̄ sabat tə́ anī, tútə man̄g yān, aláa kərō yān dɔ bēl̄ tə́ yā kaw̄ seneé kadə̄ a̰ȳ man̄ aĺ ní?

MATIYE 26:75

Anī kə́ra kə̄njá nōō kə̄ ta jī tə́ noō. Loo ń noō tə́ əga kem Piyer dɔ najə̄ ń Jeju ədan kété tə́ ní, ədan na: Ḭ̄ ā ī-nējə̄ najə̄, ā ə́da na ī-gerə̄m̄ aĺ nja mətá pá tá kə́ra kə̄njá a nōō ɓáý. Loo ń noō tə́ Piyer teē ndágá, ba nōō wuk wuk kə wur katāá.

Gōsə̄ najə̄ gə̄ 18:17

Deē ń un najə̄ yān ɔr̄ kété loo sarya tə́ ní tītə̄ kə́ najə̄ yān i gōtə́ beē, ba ré madə̄ kɔ̄lən ḭḭ anī ɔjə yān i kə́ rang.

MATIYE 7:3

Ḭ̄ á̰a̰ buĺ mu kə́ kum ngōkó̰ó̰í tə́, banī á̰a̰ kāgə̄ kə́ bo kə́ kumií īkɔ́ tə́ aĺ ní i tām̄ rí tə́?

MATIYE 7:4

Ḭ̄ ń kāgə̄ kə́ bo i kumií tə́ ní, loo kadə̄ ə́da ngōkó̰ó̰í na: Kə ra ɓam kadə̄ ɔ̄r̄ buĺ mu kə́ kumən tə́ kɔ̄ɔ́ i ba̰ý?

Najə̄ kə́ Majə yā Jeju ń Luk ndang ní 6:41

Á̰a̰ buĺ mu kə́ kum madí tə́, banī á̰a̰ kāgə̄ kə́ bo ń kumií īkɔ́ tə́ ní aĺ ní i najə̄ rí tə́?

Najə̄ kə́ Majə yā Jeju ń Luk ndang ní 6:43

Kāgə̄ kə́ majə a a̰a̰n̄ kan̄ kə́ majaĺ aĺ ō, kāgə̄ kə́ majaĺ a a̰a̰n̄ kan̄ kə́ majə aĺ ō.