Najə̄ kə́ Majə yā Jeju ń Luk ndang ní 6:38 - Bibəl ta Sar̄

³⁸ Ādī madə̄sí gə̄ yá̰á̰ ń ndoōn rāādə́ ní anī Nə́ɓā a adə̄sí yá̰á̰ ń ndoōn rāāsí ní, a ɔjən̄ kadə̄ majə ō, a əren̄ ō, a yéȳn̄ ō, a rə̄ɓā ō, pá tá a ɓōkə́n̄ ta kūbə̄ yāsí tə́. Tɔdɔ̄ a mbɔ̄jə́n̄ yá̰a̰ yā kadə̄sí i kə kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī madə̄sí gə̄ ní.

Bible sar

³⁸ Ādī madə̄sí gə̄ yá̰á̰ ń ndoōn rāādə́ ní anī Nə́ɓā a adə̄sí yá̰á̰ ń ndoōn rāāsí ní, a ɔjən̄ kadə̄ majə ō, a əren̄ ō, a yéȳn̄ ō, a rə̄ɓā ō, pá tá a ɓōkə́n̄ ta kūbə̄ yāsí tə́. Tɔdɔ̄ a mbɔ̄jə́n̄ yá̰a̰ yā kadə̄sí i kə kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī madə̄sí gə̄ ní.

Najə̄ kə́ Majə yā Jeju ń Luk ndang ní 6:38 Referans Kwoze

NDŪ NAJƏ̄ 15:10

Adə̄ ā ādə̄niī yá̰a̰ loo tə̄nā tə́ i kə kem kə́ majaá banī i kə kem kə́ majaĺ alé. Loo ń noō tə́ Kɔ́ɔ̄ɓē Nə́ɓā yāsí a rāā majə sesí tū kəla rāāsí gə̄ tə́ malang.

MARK 4:24

Ni ədadə́ ɓáý to̰ na: Ə̄ndāī ma̰ȳ yá̰á̰ ń ā oōī ní. A mbɔ̄jə́n̄ yá̰a̰ adə̄n̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō, tá a adə̄n̄sí dɔ tə́ ɓáý to̰ ō.

MATIYE 7:2

Tām̄ a gāngə̄n̄ sarya dɔsí tə́ i tītə̄ ń ī-gāngīneé dɔ madə̄sí gə̄ tə́ ní ō, a mbɔ̄jə́n̄ yá̰a̰ yā kadə̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō.

Gōsə̄ najə̄ gə̄ 22:9

Deē ń kumən o̰o̰n ní a tɔ́rə̄n̄ tadə́ dɔn tə́, tɔdɔ̄ ni kēgə̄ yá̰a̰ kəsa yān adə̄ de kə́ nge ndoō.

Gōsə̄ najə̄ gə̄ 19:17

Nge ka̰a̰ kum tō ndoō yā de kə́ tɔ́gən gətóo i nge kadə̄ Kɔ́ɔ̄ɓē yá̰a̰ loo tə̄nā tə́, Kɔ́ɔ̄ɓē a télən yā kadə̄ n.

Gōsə̄ najə̄ gə̄ 10:22

I tɔ́r̄ ta yā Kɔ́ɔ̄ɓē ngóy n a adə̄ deē yá̰a̰ kənge ní, kəhɔ rɔ̄ tɔgə yā deē ənī yá̰á̰ kógə̄ḿ dɔ tə́ alé.

MATIYE 10:42

Ādə̄ m-ə́dásí najə̄ kə́ bo ngá̰ý, náā nəkɔ́ ń a adə̄ de kə́ dūú kógə̄ḿ kə́ dan ngé gə̄ ń toó tə́ man̄ kə́ sɔl̄ kem kɔ̄yɔ́ kadə̄ a̰ȳ tām̄ i nge ndóō yá̰a̰ yāḿ ní, kɔ́ɔ̄ a nal̄ yá̰á̰ kəndā nja yān aĺ bátə́.

Najə̄ kə́ Majə yā Jeju ń Luk ndang ní 6:30

Náā nəkɔ́ ń dəjeī yá̰a̰ anī adə̄n. Deē taā yá̰a̰ yāí anī ī-lōō sāā nja.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

Makətūbə̄ yā Job 42:11

Loo ń noō tə́ ngákó̰o̰ Job kə́ dəngam gə̄ ō, kə́ dəyá̰ gə̄ ō, de gə̄ malang ń ger̄nən̄ kété ní ō, reēn̄ go̰ō̰n tə́. Nin̄ əsan̄ yá̰a̰ seneé kem kújə yān tə́. Nin̄ nōōnən̄ ō, sɔlə̄n̄ kemən najə̄ yá̰á̰ kə́ to kum kaȳ aĺ gə̄ malang ń Kɔ́ɔ̄ɓē rāā adə̄ reē dɔn tə́ ní ō. Nin̄ adə̄nən̄ kesita kógə̄ḿ kógə̄ḿ kə dɔdə́ gēé ō, nə̄ngá lɔ́ŕ kógə̄ḿ kógə̄ḿ kə dɔdə́ gēé ō, kadə̄ karī tə́.

PĀ GƏ̄ 79:12

Kɔ́ɔ̄ɓē, gír de gə̄ ń ndin̄ ɓē kadəjí tə́ ní sāān̄ taí. Ādə̄ əgānī kə̄rā ndū gə̄ ń tájə̄nī ní nja sīrí.

ESTER 9:25

Banī dan ń najə̄ ní ugə̄ rɔ̄ mban̄g tə́ anī ni-əda adə̄ ndangən̄ na yá̰á̰ kə́ majaĺ ń Haman sāā rāā kə Jipə gēé ní a téĺ yā rāān nəkɔ́. I beé n ənīn̄neé kəlā míndə Haman tə́ ō, míndə ngánən gə̄ tə́ ō, ba tṵ́ṵ̄n̄neédə́ dɔɔ́ tū kāgə̄ tɔ̄l̄ deē gə̄ tə́ ní.

NGÉ SARYA 1:7

Adoni Bejek əda na: Kété ní mban̄g gə̄ kutə sīrí kə́ gángə̄n̄ ta bo jīdə́ gə̄ kə ta bo njadə́ gə̄ a ɔyn̄ butə̄ yá̰a̰ kəsa gə̄ ń a tə́sō nang tə́ ní gíŕ tábəl yāḿ tə́. Adə̄ i yá̰á̰ ń m̄-rāā ní n Nə́ɓā rāām̄ kum gotə kə̄rā ní. Aw̄n̄ seneé Jerusalem adə̄ ni-oy i noó.

ESTER 7:10

Adə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tɔ̄l̄ deē ń ni-rāā tām̄ yā Mardose tə́ ní. Loo ń no ō tə́ wōn̄g yā mban̄g tetə.

JEREMI 32:18

I ḭ̄ n ī-rāā majə kə de gēé bátə́ ugə̄ń dɔ gír kojə kə́ nge ko̰ dūbú tə́ ní, ba ḭ̄ ī-rāā ādə̄ ngán gə̄ əgān̄ kə̄rā majaĺ yā bɔbə̄də́ gə̄ ō. Nə́ɓā kə́ bo, go̰ rɔ̄ɔ̄ kə́ ɔl watang, rīí na i Kɔ́ɔ̄ɓē kə́ bo kə́ tɔ́gən i ngá̰ý.

Teē Ngán Israel gə̄ 21:24

tɔ̄ɔ̄ i kum deē a, a tɔ̄ɔ̄n̄ kumən ō, ɔr̄ i ngān̄g deē a, a ɔrə̄n̄ ngāngən ō, tetə i jī deē a, a tetən̄ jīn ō, tetə i nja deē a, a tetən̄ njan ō,

2 SAMUEL 19:36

Ɓālə̄ḿ i kutə sɔ́sɔ́ kɔ̄ɔ́, adə̄ m-ásə ger̄ kɔr̄ nin̄ yá̰á̰ kə́ majə naā tə́ kə yá̰á̰ kə́ majaĺ alé. M-ásə ger̄ nel̄ yá̰a̰ kəsaḿ aĺ ō, yá̰a̰ ka̰ȳḿ aĺ ō, m-ásə ger̄ ndū de kə́ dəngam aláa ndū de kə́ dəyá̰ loo kənī pā tə́ aĺ ō. Anī kə m̄-tél yá̰á̰ kə́ kɔȳ tām̄ yāí tə́ ɓáý to̰ i tām̄ rí tə́?