Najə̄ kə́ Majə yā Jeju ń Luk ndang ní 6:30 - Bibəl ta Sar̄

³⁰ Náā nəkɔ́ ń dəjeī yá̰a̰ anī adə̄n. Deē taā yá̰a̰ yāí anī ī-lōō sāā nja.

Bible sar

³⁰ Náā nəkɔ́ ń dəjeī yá̰a̰ anī adə̄n. Deē taā yá̰a̰ yāí anī ī-lōō sāā nja.

Najə̄ kə́ Majə yā Jeju ń Luk ndang ní 6:30 Referans Kwoze

2 KORḚNTƏ 8:9

Tɔdɔ̄ sḭḭ̄ ī-gerī yá̰á̰ ń Kɔ́ɔ̄ɓē yājí Jeju Kərist rāā ní: Ni ń ənge yá̰á̰ ngá̰ý ní, tél nge ndoō tām̄ yāsí tə́, kadə̄ ī-téliīneé ngé kənge yá̰á̰ ngá̰ý gə̄ kə ta kūl̄ ndoō ń rāān ní.

KƏLA RĀĀ 20:35

M-ɔ́jə́sí ngándáńg kadə̄ j-a̰a̰ī tápə̄ beé tá jə-rāāīneé kə ngé gə̄ ń tɔ́gə́də́ gətóó ní ō, kadə̄ əga kemjí dɔ najə̄ ń Kɔ́ɔ̄ɓē Jeju nəkɔ́ əda tə́ ní ō, əda na: Deē ń adə̄ yá̰á̰ ní kemən nelə̄n tɔȳ yā nge taā yá̰a̰.

MATIYE 6:12

Ī-mā̰ȳ rɔ̄í dɔjí tə́ najə̄ yá̰á̰ kə́ gōtə́ aĺ gə̄ ń jə-rāā seí ní tə́, tītə̄ ń jḭḭ kɔ́ gə̄ jə-mā̰yń rɔ̄jí dɔ ngé rāājí majaĺ gə̄ tə́ ō ní.

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

Gōsə̄ najə̄ gə̄ 21:26

Ni ndə̄ngā yá̰a̰ kə ndɔ̄ý bátə́ loo tíbə dɔn tə́, banī de kə́ súmūú adə̄ yá̰a̰ kanjə̄ ngɔ̄m̄ gotə tām̄ yān tə́.

PĀ GƏ̄ 41:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā Dabid.

Gōsə̄ najə̄ gə̄ 19:17

Nge ka̰a̰ kum tō ndoō yā de kə́ tɔ́gən gətóo i nge kadə̄ Kɔ́ɔ̄ɓē yá̰a̰ loo tə̄nā tə́, Kɔ́ɔ̄ɓē a télən yā kadə̄ n.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

Najə̄ kə́ Majə yā Jeju ń Luk ndang ní 6:38

Ādī madə̄sí gə̄ yá̰á̰ ń ndoōn rāādə́ ní anī Nə́ɓā a adə̄sí yá̰á̰ ń ndoōn rāāsí ní, a ɔjən̄ kadə̄ majə ō, a əren̄ ō, a yéȳn̄ ō, a rə̄ɓā ō, pá tá a ɓōkə́n̄ ta kūbə̄ yāsí tə́. Tɔdɔ̄ a mbɔ̄jə́n̄ yá̰a̰ yā kadə̄sí i kə kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī madə̄sí gə̄ ní.

MATIYE 18:35

Gō tə́ anī Jeju əda na: Sḭḭ̄ kógə̄ḿ kógə̄ḿ malang ní, ré ī-mā̰yī rɔ̄sí dɔ naā tə́ kə́ rɔ̄kum tə́ aĺ anī, Bɔbə́ḿ kə́ ndi dɔ rā̰ tə́ a rāā sesí i tītə̄ ń noō ō.

KOHELET 8:16

Dan ń m-ə̄nī rɔ̄ḿ m̄-sāā ger̄ kum kum kedə̄ ō, ka̰a̰ kəla gə̄ ń de gə̄ ɔgən̄ kumdə́ ɓīī ndɔ̄ɔ́ ō, kadaá yā rāāń dɔ nang tə́ ní ō anī,

Gōsə̄ najə̄ gə̄ 22:9

Deē ń kumən o̰o̰n ní a tɔ́rə̄n̄ tadə́ dɔn tə́, tɔdɔ̄ ni kēgə̄ yá̰a̰ kəsa yān adə̄ de kə́ nge ndoō.

PĀ GƏ̄ 112:9

Ni-adə̄ ngé rɔ̄ tō ndoō gə̄ yá̰á̰ ngá̰ý. Háĺ kə́ gōtə́ yān to ngándáńg, ni-ɔr̄ dɔn dɔɔ́ kanjə̄ rɔ̄sɔl̄.

EPEJƏ 4:28

Kadə̄ de kə́ ɓogə kété ɓogə to̰ alé, ba rāā kəla kə́ majə kə jīneé, yā kadə̄ ni-əngeń yá̰á̰ kə́ yā kadə̄ ngé gə̄ ń ndoō rāādə́ ní.

KOHELET 11:2

Ī-kēgə̄ ādə̄ de gə̄ sīrí aláa de gə̄ sɔ́sɔ́, tɔdɔ̄ yá̰á̰ kə́ to kum kaȳ aĺ ń a reē kə̄ dɔ dɔ nang tə́ ní ḭ̄ ī-ger̄ alé.

MATIYE 5:39

Ba mā m-ə́dásí na: Ī-lōōī dum̄ ta nge kem ndul. Ré deē ənda mbɔ́rí kə́ ko̰ó̰ anī, ī-tūr̄ kə́ geleé ādə̄n to̰.

Najə̄ kə́ Majə yā Jeju ń Luk ndang ní 6:29

Deē ənda mbɔ́rí kə́ dām̄ kógə̄ḿ tə́ anī, ī-tūr̄ kə́ dām̄ kə́ noó tə́ ādə̄n ɓáý to̰. Deē taā kūbə̄ yāí kə́ dɔ madə̄ gə̄ tə́ anī, ī-lōō kɔgə̄n nge kə́ kemeé ń ā ə́lá pá tə́ ā ə́la madə̄ dɔ tə́ ní.

Najə̄ kə́ Majə yā Jeju ń Luk ndang ní 6:31

Yá̰á̰ ń ī-gḛyiī kadə̄ de gə̄ rāān̄ sesí ní ī-rāāī sedə́ tītə̄ ń noō ō.