Najə̄ kə́ Majə yā Jeju ń Luk ndang ní 6:28 - Bibəl ta Sar̄

²⁸ ī-rāāī Nə́ɓā ɓɔ́ kadə̄ rāā majə kə ngé ndɔ̄ĺsí gə̄ ō, ī-ndɔ̄yī tām̄ yā ngé tétə̄ najə̄ dɔsí tə́ gə̄ ō.

Bible sar

²⁸ ī-rāāī Nə́ɓā ɓɔ́ kadə̄ rāā majə kə ngé ndɔ̄ĺsí gə̄ ō, ī-ndɔ̄yī tām̄ yā ngé tétə̄ najə̄ dɔsí tə́ gə̄ ō.

Najə̄ kə́ Majə yā Jeju ń Luk ndang ní 6:28 Referans Kwoze

1 PIYER 3:9

Ré rāān̄sí yá̰á̰ kə́ majanī, ī-lōōī tél rāādə́ yá̰á̰ kə́ majaĺ kum gotə ō, ré tájə̄n̄sí anī, ī-lōōī tél tájə̄də́ kum gotə ō. Banī ī-tɔ́rī tasí tá dɔdə́ tə́. Tām̄ sḭḭ̄ kɔ́ gə̄ kə dɔsí ní, Nə́ɓā ɓāŕsí i yā tɔ́r̄ tan dɔsí tə́.

1 KORḚNTƏ 4:12

j-a̰a̰ tápə̄ loo rāā kəla tə́ kə jījí ō. Ré de gə̄ tájə̄n̄jí anī, jə-tɔ́r̄ i tají tá dɔdə́ tə́. Ré rāān̄jí yá̰á̰ kə́ tōr̄ anī, jə-tə́gā tají.

Makətūbə̄ ń Pol ndang adə̄ Rom gə̄ ní 12:14

Ī-dəjeī Nə́ɓā kadə̄ rāā majə kə ngé gə̄ ń rāān̄sí ndoō tə́ ní. Ī-tɔ́rī tasí dɔdə́ tə́ ba ī-lōōī ndɔ̄ĺdə́.

JAKƏ 3:10

Tɔ́r̄ ta ō, ndɔ̄ĺ ō, teēn̄ i tají kə́ kógə̄ḿ beē tə́. Ngákó̰ó̰ḿ gə̄, majə kadə̄ i tītə̄ ń noō alé.

Najə̄ kə́ Majə yā Jeju ń Luk ndang ní 23:34

Anī Jeju əda na: Bɔbə́ḿ, ī-māȳ rɔ̄í dɔdə́ tə́, tɔdɔ̄ nin̄-gerə̄n̄ kum yá̰á̰ ń nin̄-rāān̄ toó alé. Gō tə́ anī nin̄-túgə̄n̄ wə̄lā kēgə̄n̄neé naā kūbə̄ yān gə̄.

Najə̄ kə́ Majə yā Jeju ń Luk ndang ní 6:27

Ba sḭḭ̄ ń ī-ndi ā ōōī najə̄ taḿ tə́ toō ādə̄ m-ə́dásí, ī-táriī madə̄ ba̰ā̰sí gə̄ ō, ngé gə̄ ń imə̄n̄sí ní ī-rāāī majə sedə́ ō,

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

Najə̄ kə́ Majə yā Jeju ń Luk ndang ní 6:35

Ba sḭḭ̄, ī-táriī madə̄ ba̰ā̰sí gə̄ ō, ī-rāāī majə kə de gēé ō, ādī yá̰a̰ loo tə̄nā tə́ kanjə̄ kəndā kemsí dɔ tél kənge yá̰á̰ ní gogə́ ō. Loo ń noō tə́ ā ə́ngeī yá̰a̰ kəndā nja kə́ ngá̰ý ō, ā ī-téliī ngáń Nə́ɓā kə́ dɔɔ́ gə̄ ō. Tɔdɔ̄ ni-rāā kem majə kə ngé ger̄ kem majə yān aĺ gə̄ ō, kə ngé kem ndul gə̄ ō.

KƏLA RĀĀ 14:5

Jipə gə̄ ō, de gə̄ kə́ nin̄ i Jipə aĺ gə̄ ō, naā tə́ kə ngār yādə́ gə̄ gḛyn̄ rāā Pol nin̄ kə Barnabas yá̰á̰ kə́ tōr̄. Nin̄-gḛyn̄ tə́nīdə́ kə mbalá yā tə́nī tɔ̄l̄də́.

EJEKIEL 36:5

A̰á̰ā̰, mā Kɔ́ɔ̄ɓē Nə́ɓā, kem hor wōn̄g yāḿ kə́ ngá̰ý tə́ ní, m-ə́da kadə̄ i rɔ̄kum, m-ɔ̄r̄ najə̄ m̄-rɔ̄ɔń kə nápar de kə́ rang gə̄ ō, kə Edom kə taá malang ō. Nin̄ taān̄ ɓē yāḿ kə rɔ̄nel̄ kə́ ngá̰ý ō, kə kídə̄ loo kə́ ngá̰ý ō, yā kɔyń yá̰a̰ gə̄ kə́ kem loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ ní tə́.

EJEKIEL 25:15

Najə̄ ń Kɔ́ɔ̄ɓē Nə́ɓā ɔr̄ ní n toó: Pilistin gə̄ dalən̄ ba̰ā̰ tə́ ō, nin̄ dalən̄ ba̰ā̰ ní i kə kídə̄ loo kə́ ngá̰ý dɔ madə̄ ba̰ā̰də́ kə́ ngándáńg tə́ ō, nin̄ nujən̄ sedə́ malang kɔ̄ɔ́ ō.

1 MBAN̄G GƏ̄ 13:6

Kə̄ ta jī tə́ noō mban̄g əda deē yā Nə́ɓā ní na: m̄-dəjeī kadə̄ ī-rāā Kɔ́ɔ̄ɓē Nə́ɓā yāí ɓɔ́ ādə̄ mā̰ȳ rɔ̄n dɔḿ tə́ ō, adə̄ rāā jīḿ ādə̄ tél kə̄ rɔ̄ḿ tə́ ō. Deē yā Nə́ɓā ní rāā Kɔ́ɔ̄ɓē ɓɔ́, anī jī mban̄g tél kə̄ rɔ̄n tə́.