Najə̄ kə́ Majə yā Jeju ń Luk ndang ní 6:27 - Bibəl ta Sar̄

²⁷ Ba sḭḭ̄ ń ī-ndi ā ōōī najə̄ taḿ tə́ toō ādə̄ m-ə́dásí, ī-táriī madə̄ ba̰ā̰sí gə̄ ō, ngé gə̄ ń imə̄n̄sí ní ī-rāāī majə sedə́ ō,

Bible sar

²⁷ Ba sḭḭ̄ ń ī-ndi ā ōōī najə̄ taḿ tə́ toō ādə̄ m-ə́dásí, ī-táriī madə̄ ba̰ā̰sí gə̄ ō, ngé gə̄ ń imə̄n̄sí ní ī-rāāī majə sedə́ ō,

Najə̄ kə́ Majə yā Jeju ń Luk ndang ní 6:27 Referans Kwoze

1 TESALONIK 5:15

Á̰a̰ī majə tá kadə̄ deē kógə̄ḿ tél kə majaĺ kum gotə majaĺ adə̄ madə̄n alé, ba ī-sāāī loo rāā yá̰á̰ kə́ majə ngándáńg kə naá dɔ dáńsí tə́ ō, tām̄ yā de gə̄ tə́ malang ō.

Najə̄ kə́ Majə yā Jeju ń Luk ndang ní 6:35

Ba sḭḭ̄, ī-táriī madə̄ ba̰ā̰sí gə̄ ō, ī-rāāī majə kə de gēé ō, ādī yá̰a̰ loo tə̄nā tə́ kanjə̄ kəndā kemsí dɔ tél kənge yá̰á̰ ní gogə́ ō. Loo ń noō tə́ ā ə́ngeī yá̰a̰ kəndā nja kə́ ngá̰ý ō, ā ī-téliī ngáń Nə́ɓā kə́ dɔɔ́ gə̄ ō. Tɔdɔ̄ ni-rāā kem majə kə ngé ger̄ kem majə yān aĺ gə̄ ō, kə ngé kem ndul gə̄ ō.

Gōsə̄ najə̄ gə̄ 24:17

Ī-lōō rāā rɔ̄nel̄ tām̄ kəsō kə́ madə̄ ba̰ā̰í əsō tə́, ī-lōō kḭḭ bal walya tām̄ kəga kə́ yá̰á̰ əga njan tə́,

GALATƏ 6:10

I tām̄ ń toō tə́ n, dan ń j-əngeī loon ɓáý ní, ādə̄ jə-rāāī yá̰á̰ kə́ majə kə de gēé malang. Ba mandang ɓáa ādə̄ i kə ngákó̰ó̰jí kə́ ngé taā kem madə̄jí gēé.

MARK 4:24

Ni ədadə́ ɓáý to̰ na: Ə̄ndāī ma̰ȳ yá̰á̰ ń ā oōī ní. A mbɔ̄jə́n̄ yá̰a̰ adə̄n̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō, tá a adə̄n̄sí dɔ tə́ ɓáý to̰ ō.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

KƏLA RĀĀ 7:60

Gō tə́ anī ɔsə kejən nang tə́ ba əga kɔŕ ngá̰ý əda na: Kɔ́ɔ̄ɓē, ī-lōō kəndā najə̄ yá̰á̰ kə́ majaĺ ń toō dɔdə́ tə́. Dan ń əda najə̄ ń noō oy anī əhɔ tan kə̄ naā tə́.

Najə̄ kə́ Majə yā Jeju ń Luk ndang ní 23:34

Anī Jeju əda na: Bɔbə́ḿ, ī-māȳ rɔ̄í dɔdə́ tə́, tɔdɔ̄ nin̄-gerə̄n̄ kum yá̰á̰ ń nin̄-rāān̄ toó alé. Gō tə́ anī nin̄-túgə̄n̄ wə̄lā kēgə̄n̄neé naā kūbə̄ yān gə̄.

Najə̄ kə́ Majə yā Jeju ń Luk ndang ní 8:18

I beé ní á̰a̰ī loo koō ń ōōī loo ní majə. Tɔdɔ̄ deē ń i kə yá̰á̰ ní Nə́ɓā adə̄n madə̄ dɔ tə́. Ba deē ń i kə yá̰á̰ aĺ ní, yá̰á̰ ń ni-ɔjəń na i yá̰a̰ yān ní gə̄gē, Nə́ɓā a taā jīn tə́ kɔ̄ɔ́.

Najə̄ kə́ Majə yā Jeju ń Luk ndang ní 8:15

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

Najə̄ kə́ Majə yā Jeju ń Luk ndang ní 8:8

Kə́rēý gə̄ tə́sōn̄ i nang kə́ majə tə́, adə̄ əɓan̄ ō edə̄n̄ kum ngá̰ý ō. Kumən kógə̄ḿ teē madə̄ asə ɓú. Dan ń Jeju ɔr̄ najə̄ ní oy anī, un ndūn kə̄ dɔɔ́ ədań ɓororo na: Deē ń aw̄ kə mbīneé yā koōń loo anī ādə̄ kɔ́ɔ̄ oō.

Najə̄ kə́ Majə yā Jeju ń Luk ndang ní 6:22

Sḭḭ̄ i kə rɔ̄nelēé dan ń de gə̄ a imə̄n̄sí ō, a tə̄ɓān̄sí kɔ̄ɔ́ dɔ dáńdə́ tə́ ō, a tájə̄n̄sí ō, a ədan̄ najə̄ kə́ majaĺ dɔsí tə́ ō najə̄ yā Ngōn̄ deē tə́ ní.

3 JA̰A̰ 1:11

Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

Gōsə̄ najə̄ gə̄ 25:2

Jə-rɔyī Nə́ɓā i tām̄ ni ɓɔ̄ɔ̄ dɔ yá̰á̰ kə́rēý gə̄ kɔ̄ɔ́ ō, jə-rɔyī mban̄g gə̄ i tām̄ nin̄ əndān̄ ma̰ȳ yá̰a̰ gə̄ pá tá rāān̄ ō.

PĀ GƏ̄ 7:4

Kɔ́ɔ̄ɓē, Nə́ɓā yāḿ, ré m̄-rāā yá̰á̰ ń ədan̄ ní, ré jīḿ rāā yá̰á̰ kə́rēý kə́ gōtə́ aĺ,

1 MBAN̄G GƏ̄ 13:6

Kə̄ ta jī tə́ noō mban̄g əda deē yā Nə́ɓā ní na: m̄-dəjeī kadə̄ ī-rāā Kɔ́ɔ̄ɓē Nə́ɓā yāí ɓɔ́ ādə̄ mā̰ȳ rɔ̄n dɔḿ tə́ ō, adə̄ rāā jīḿ ādə̄ tél kə̄ rɔ̄ḿ tə́ ō. Deē yā Nə́ɓā ní rāā Kɔ́ɔ̄ɓē ɓɔ́, anī jī mban̄g tél kə̄ rɔ̄n tə́.

KƏLA RĀĀ 16:28

Banī Pol əga kɔŕ ngá̰ý əda na: Ī-lōō rāā yá̰á̰ kə́ majaĺ kə rɔ̄í, na jḭḭ malang jə-ndi laā!