Najə̄ kə́ Majə yā Jeju ń Luk ndang ní 6:25 - Bibəl ta Sar̄

²⁵ Rɔ̄ ndoō i yāsí sḭḭ̄ ń ī-ndānī ngɔlaā ní, tɔdɔ̄ ɓō a rāāsí! Rɔ̄ ndoō i yāsí sḭḭ̄ ń ā ə̄gōī ngɔlaā ní, tɔdɔ̄ ā ə́hɔī ndoō ō, ā ī-nōōī ō.

Bible sar

²⁵ Rɔ̄ ndoō i yāsí sḭḭ̄ ń ī-ndānī ngɔlaā ní, tɔdɔ̄ ɓō a rāāsí! Rɔ̄ ndoō i yāsí sḭḭ̄ ń ā ə̄gōī ngɔlaā ní, tɔdɔ̄ ā ə́hɔī ndoō ō, ā ī-nōōī ō.

Najə̄ kə́ Majə yā Jeju ń Luk ndang ní 6:25 Referans Kwoze

IJAI 65:13

I tām̄ najə̄ ń toō tə́ n yá̰á̰ ń mā Kɔ́ɔ̄ɓē Nə́ɓā m-ə́dá ní n toó ní: Ngé gə̄ ń rāān̄ kəla adə̄mə̄n̄ ní, a əsan̄ yá̰a̰, banī sḭḭ̄ ɓō a rāāsí. Ngé gə̄ ń rāān̄ kəla adə̄mə̄n̄ ní, a a̰ȳn̄ yá̰a̰, banī sḭḭ̄ kəndā a rāāsí. Ngé gə̄ ń rāān̄ kəla adə̄mə̄n̄ ní, a ndin̄ dan rɔ̄nel̄ tə́, banī sḭḭ̄ rɔ̄sí a sɔl̄sí ngá̰ý.

JAKƏ 4:9

Ī-gerī rɔ̄ ndoō yāsí ba ə́hɔī ndoō ō, ī-nōōī ō, kadə̄ kəgō yāsí tél kəhɔ ndoō ō, rɔ̄nel̄ yāsí tél rɔ̄ katə̄ ō.

Gōsə̄ najə̄ gə̄ 14:13

Kəgō kə́ ta deē tə́ a asə ɓɔ̄ɔ̄ dɔ rɔ̄ tōr̄ yān gə̄ ō, rɔ̄nel̄ a əya̰ loo adə̄ wur katə ō.

JEJU TEĒ KUM JA̰A̰ 3:17

Tām̄ ḭ̄ ə́da na ə́ngé yá̰á̰ ngá̰ý ō, na ī-kán̄ yá̰a̰ kənge kə̄ dɔ naā tə́ ō, ndoō yá̰á̰ kógə̄ḿ na rāāī aĺ ō, ba ī-ger̄ kadə̄ ḭ̄ i de kə́ rɔ̄í tō ndoō aĺ ō, kumií to ndoō aĺ ō, ī-ndoō aĺ ō, kumií a̰a̰ loo aĺ ō, rɔ̄í i karī aĺ ō ní,

1 TESALONIK 5:3

Dan ń de gə̄ a ədan̄ na loo na to lɔm kɔ̄ɔ́ ō, yá̰á̰ kə́ yā rāā yá̰a̰ na gətóo ō anī, yá̰á̰ kə́ nujə sák sák a teē dɔdə́ tə́ gidə kógə̄ḿ, tītə̄ kem kə́ ɔsə kə dəyá̰ beē, adə̄ nin̄ a teēn̄ kum tə́ alé.

EPEJƏ 5:4

Ɔ̄rī najə̄ kə́ to rɔ̄sɔl̄ gə̄ aĺ ō, kə́ to ngonjə̄ gə̄ aĺ ō, ī-tāmī mbóo aĺ ō. Najə̄ gə̄ ń noō i najə̄ kə́ majə gə̄ alé. Majə kadə̄ ī-ndadī i Nə́ɓā tá.

Najə̄ kə́ Majə yā Jeju ń Luk ndang ní 13:28

Loo ń noō tə́ ní ā ī-nōōī naā ō, ā ī-ngórī ngān̄gsí ō, dan ń sḭḭ̄ ā á̰a̰ī Abəraham ō Isaak ō Jakob ō, ngé koō ta gə̄ malang ō, kem Ɓē ko̰o̰ yā Nə́ɓā tə́, ba sḭḭ̄ tá ɓōkə́n̄sí gidə loo tə́ ndágá ní.

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

Najə̄ kə́ Majə yā Jeju ń Luk ndang ní 8:53

Banī nin̄-əgōnən̄, tɔdɔ̄ gerə̄n̄ kadə̄ ngōn̄ ní oy kɔ̄ɔ́.

NAHUM 1:10

Nin̄ ń a̰ȳn̄ yá̰a̰ tītə̄ ngé kasə rāā gə̄ ní, ton̄ tītə̄ túpə kōn̄ gə̄ kə́ tə́lan̄ jīdə́ kem naā tə́ beē. Hor a o̰o̰də́ malang tītə̄ mu kə́ tutə beé.

AMOS 8:10

M-ā m̄-rāā kadə̄ ndɔ̄ rāā nāā yāsí gə̄ télən̄ ndɔ̄ kəhɔ ndoō ō, pā yāsí gə̄ malang ní m-ā m̄-rāā kadə̄ a télən̄ i pā yo gə̄ ō. De gə̄ malang a əlan̄ i kūbə̄ kəhɔ ndoō rɔ̄də́ tə́. De gə̄ malang a dəsān̄ dɔdə́ kɔ̄ɔ́, tītə̄ kə́ ndɔ̄ yo ngōn̄ kə́ kal kógə̄ḿ beē tə́ beē. Ba yá̰a̰ gə̄ ń noō malang ní, ta tɔ̄l̄ ta a to i tītə̄ ndɔ̄ kógə̄ḿ kə́ rɔ̄nelāĺ i ngá̰ý kemeé adə̄ rɔ̄ deē atə̄n beē.

IJAI 28:7

Ngé tun̄ yá̰a̰ gə̄ ō, ngé koō ta gə̄ ō ní, nin̄ gə̄gē ɔrə̄n̄ najə̄ i kə̄ noó ngóy sɔɔ̄ń kasə nduú. Kasə rāādə́ adə̄ njə̄rān̄ a bḭ́ḭ̄n̄ i mbée. Nin̄ ɔrə̄n̄ najə̄ i kə̄ nuú ngóy sɔɔ̄ń kasə. Kasə nduú rāādə́ adə̄ kumdə́ a̰a̰ loo to̰ alé. Kasə rāādə́ adə̄ njə̄rān̄ a bḭ́ḭ̄n̄ i mbée. Dan ń nin̄ a̰a̰n̄ yá̰a̰ anī, ɔrə̄n̄ najə̄ i kə̄ nuú ngóy. Dan ń nin̄ a gāngə̄n̄ sarya anī, a̰a̰n̄ yá̰a̰ unjə̄ alé.

IJAI 9:20

Gír ɓē yā Manase ənī gír ɓē yā Epəraim rɔ̄ɔ̄ ō, gír ɓē yā Epəraim ənī gír ɓē yā Manase rɔ̄ɔ̄ ō, nin̄ jōó mbak rɔ̄ɔ̄n̄ gír ɓē yā yā Juda ō. Nge ń noō gə̄gē rāā adə̄ wōn̄g yā Kɔ́ɔ̄ɓē tetə alé, jīn kə́ ɓir̄ i kə́ kəla kə̄ dɔɔ́ ɓáý.

IJAI 8:21

De gə̄ a əndan̄ dan ɓē yā gān̄g, kə yá̰á̰ kə́ tɔȳ tɔ́gə́də́ ō, kə ɓōó ō. Dan ń ɓō rāādə́ ní, ta tɔ̄l̄ ta anī a ndɔ̄lə́n̄ mban̄g yādə́ ō, Nə́ɓā yādə́ ō. Nin̄ a tūrə̄n̄ kumdə́ kə̄ dɔ rā̰ tə́,

KOHELET 7:6

Tɔdɔ̄ kəgō yā de kə́ mbóo to i tītə̄ kōn̄ gə̄ kə́ a ndɔ́bə̄n̄ kum hor tə́ gíŕ jóó beē. Banī nge ń noō i yá̰á̰ kə́ kanjə̄ kumən ō.

KOHELET 7:3

Wur kɔl i só tə́ tɔȳ kəgō. Ni-rāā adə̄ ta kum deē i kə rɔ̄nelēé alé, banī rāā adə̄ kem deē majə tɔȳ kə́ kété.

KOHELET 2:2

M-ə́da na: Kəgō i mbóo! Yā rɔ̄nel̄ ɓáa m-ə́da na ké rɔ̄nel̄ a rāā i rí wa.

Gōsə̄ najə̄ gə̄ 30:9

na sōgə́ m-ə́ngé yá̰á̰ ngá̰ý al̄ naā anī m̄-nējə̄ ndūḿ m-ə́da na ké Kɔ́ɔ̄ɓē i náā wa. Aláa m̄-ndoō ngá̰ý al̄ naā anī m̄-ɓogə adə̄ m-ə́la rɔ̄sɔl̄ dɔ Nə́ɓā yāḿ tə́.

PĀ GƏ̄ 49:19

Dan ń ndi kə kumneé ní, əda na n-ndi majə. De gə̄ əndan̄ jīdə́ gírən tə́, tɔdɔ̄ yá̰a̰ malang i kə́ majə tām̄ yān tə́.

1 SAMUEL 2:5

Ngé gə̄ ń kété nin̄ i ngé ndān̄ gə̄ ní, ngɔlaā a rāān̄ i kəla yā madə̄də́ gə̄ yā kəngeń yá̰a̰ kəsa, ba ngé gə̄ ń kété nin̄ i ngé ɓō gə̄ ní, ngɔlaā rāān̄ kəla to̰ alé. Dəyá̰ kə́ kujə gə̄gē ojə ngán gə̄ nja sīrí, ba rɔ̄ kó̰ó̰ ngáń kósə ndəlē kɔ̄ɔ́.

Najə̄ kə́ Majə yā Jeju ń Luk ndang ní 6:24

Ba rɔ̄ tō ndoō i yāsí sḭḭ̄ ngé kənge yá̰a̰ gə̄, tɔdɔ̄ sḭḭ̄ ə́ngeī kem sɔl̄ yāsí kɔ̄ɔ́ ɓá!

Najə̄ kə́ Majə yā Jeju ń Luk ndang ní 6:26

Rɔ̄ ndoō i yāsí dan ń de gə̄ malang a ədan̄ najə̄ yāsí kə́ majə ní, tɔdɔ̄ i loo rāā nəkɔ́ ń kaadə́ gə̄ rāān̄neé kə ngé koō ta kə́ rɔ̄kum aĺ gə̄ ní n noó.