Najə̄ kə́ Majə yā Jeju ń Luk ndang ní 6:24 - Bibəl ta Sar̄

²⁴ Ba rɔ̄ tō ndoō i yāsí sḭḭ̄ ngé kənge yá̰a̰ gə̄, tɔdɔ̄ sḭḭ̄ ə́ngeī kem sɔl̄ yāsí kɔ̄ɔ́ ɓá!

Bible sar

²⁴ Ba rɔ̄ tō ndoō i yāsí sḭḭ̄ ngé kənge yá̰a̰ gə̄, tɔdɔ̄ sḭḭ̄ ə́ngeī kem sɔl̄ yāsí kɔ̄ɔ́ ɓá!

Najə̄ kə́ Majə yā Jeju ń Luk ndang ní 6:24 Referans Kwoze

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

MATIYE 6:2

Adə̄ ré ā ādə̄ de kə́ nge ndoō yá̰a̰ anī, ī-lōō kadə̄ kɔ̄rə́n̄ bərúnjə́ kété noí tə́ najə̄n tə́, tītə̄ ń ngé gól̄ loo gə̄ a rāān̄neé kem kújə́ kán̄ naā gə̄ tə́ ō, kum róbə kɔsə gə̄ tə́ ō, kadə̄ de gə̄ ɔsən̄neé gɔndə́ ní. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

JAKƏ 2:6

Ba sḭḭ̄ ídiī tasí gír nge ndoō tə́. I de kə́ ngé kənge yá̰á̰ ngá̰ý gə̄ n a rāān̄sí yá̰á̰ kə́ tōr̄ gə̄ ō, a ndɔ́rə̄n̄sí kə̄ loo sarya gə̄ tə́ ō ní aĺ a?

Gōsə̄ najə̄ gə̄ 1:32

Tɔdɔ̄ i mbātə́ kum kedə̄ n tɔ̄l̄ de kə́ mbóo ō, i kusə kə́ usən dɔ yá̰á̰ tə́ aĺ n ta de kə́ kur dɔn gətóo tḭ̄ḭ̄iń ō ní.

MATIYE 6:16

Dan ń ā ī-*ndiī ɓō tām̄ yā Nə́ɓā tə́ anī, ī-lōōī rāā dɔ kumsí kadə̄ síndə̄rī tītə̄ ń ngé gól̄ loo gə̄ a rāān̄neé ní. Nin̄-əhɔn̄ ndoō ngá̰ý kadə̄ de gə̄ gerə̄n̄neé kadə̄ na n-ndin̄ ɓō tām̄ yā Nə́ɓā tə́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

MATIYE 6:5

Dan ń ā ī-ndɔ̄yī ní a, ī-rāāī tītə̄ yā ngé gól̄ loo gə̄ alé. Nel̄də́ ra kə njadə́ kə̄ dɔɔ́ kem kújə́ kán̄ naā gə̄ tə́ ō, ta gajə róbə gə̄ tə́ ō, yā ndɔ̄yń, kadə̄ de gə̄ a̰a̰n̄də́. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

Makətūbə̄ yā Aje 2:9

Tá kújə́ kə́ bo kə́ kijə yān ń toō, a majə yā mān̄ nge kə́ kété. Na n-adə̄sí lɔm loo ń toō tə́. I Kɔ́ɔ̄ɓē kə́ bo kə́ tɔ́gən i ngá̰ý n əda najə̄ ń toō ní.

Najə̄ kə́ Majə yā Jeju ń Luk ndang ní 6:25

Rɔ̄ ndoō i yāsí sḭḭ̄ ń ī-ndānī ngɔlaā ní, tɔdɔ̄ ɓō a rāāsí! Rɔ̄ ndoō i yāsí sḭḭ̄ ń ā ə̄gōī ngɔlaā ní, tɔdɔ̄ ā ə́hɔī ndoō ō, ā ī-nōōī ō.