Najə̄ kə́ Majə yā Jeju ń Luk ndang ní 6:23 - Bibəl ta Sar̄

²³ Ndɔ̄ ń noō tə́ ī-rāāī rɔ̄nel̄ ō, ī-tḭ́ḭ̄ bal walya ō, tɔdɔ̄ yá̰a̰ kəndā nja yāsí i yá̰á̰ kə́ ngá̰ý dɔ rā̰ tə́. Tɔdɔ̄ i loo rāā nəkɔ́ ń kaadə́ gə̄ rāān̄neé kə ngé koō ta gēé ní n noó.

Bible sar

²³ Ndɔ̄ ń noō tə́ ī-rāāī rɔ̄nel̄ ō, ī-tḭ́ḭ̄ bal walya ō, tɔdɔ̄ yá̰a̰ kəndā nja yāsí i yá̰á̰ kə́ ngá̰ý dɔ rā̰ tə́. Tɔdɔ̄ i loo rāā nəkɔ́ ń kaadə́ gə̄ rāān̄neé kə *ngé koō ta gēé ní n noó.

Najə̄ kə́ Majə yā Jeju ń Luk ndang ní 6:23 Referans Kwoze

JEJU TEĒ KUM JA̰A̰ 21:7

Deē ń tetə rɔ̄ɔ̄ anī, a ənge man̄ ní. Mā i Nə́ɓā yān ō, ni i ngōnə̄ḿ ō.

JEJU TEĒ KUM JA̰A̰ 3:12

Deē ń a tetə rɔ̄ɔ̄ ní, m-ā m̄-rāā kadə̄ ni a tél kāgə̄ nga dan kújə yā Nə́ɓā yāḿ. Ni a teē kɔ̄ɔ́ kemeé aĺ i kə́ bátə́ gə̄ tə́. M-ā m̄-ndang rī Nə́ɓā yāḿ dɔn tə́ ō, rī ɓē yā Nə́ɓā yāḿ ń i Jerusalem kə́ kijə kə́ ḭḭ dɔ rā̰ tə́ rɔ̄ Nə́ɓā yāḿ tə́ a risə kə̄ nang tə́ ní, m-ā m̄-ndang dɔn tə́ ō, m-ā m̄-ndang rīḿ kə́ kijə dɔn tə́ ō.

JEJU TEĒ KUM JA̰A̰ 3:5

Adə̄ deē ń tetə rɔ̄ɔ̄ ní, a əlan̄ kūbə̄ kə́ ndaa rɔ̄n tə́ ō, m-ā m̄-kūsə́ rīn kɔ̄ɔ́ kem makətūbə̄ ndi kə kumuú tə́ aĺ ō, m-ā m-ə́da ta kum Bɔbə́ḿ nin̄ kə deē yān gə̄ kə́ dɔ rā̰ tə́ gə̄ tə́ na ni i deē yāḿ ō.

KƏLA RĀĀ 5:41

Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.

MATIYE 5:12

Ī-rāāī rɔ̄nel̄ ō, ḭ́ḭḭ̄ bal walya ō, tɔdɔ̄ yá̰a̰ kəndā nja yāsí kə́ dɔ rā̰ tə́ ní i yá̰á̰ kə́ sḛ́ý beē tə́ aĺ bátə́, tɔdɔ̄ rāān̄ kum ngé koō ta gə̄ ń nin̄ i kété nosí tə́ ní ndoō tə́ i tītə̄ ń noō ō.

JEJU TEĒ KUM JA̰A̰ 2:26

Deē ń tetə rɔ̄ɔ̄, adə̄ kəla rāāḿ gə̄ ní ni-əndā kumən gírí ba rāā anī, m-ā m-ādə̄ a o̰o̰ ɓē dɔ nápar de gə̄ tə́.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

JEJU TEĒ KUM JA̰A̰ 2:7

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī m-ā m-ādə̄n kan̄ kāgə̄ ndi kə kumuú ń ra loo kə́ majə yā Nə́ɓā tə́ ní kadə̄ əsa.

1 PIYER 4:13

Banī ī-rāāī rɔ̄nel̄, tām̄ yá̰á̰ kə́ tōr̄ ń rāāsí tītə̄ ń rāań Kərist ō ní tə́. Yā kadə̄ ndɔ̄ń tə́ ré kɔsə gɔn yān a ɔjə rɔ̄n kə̄ ndágá anī, rɔ̄sí nelə̄ńsí ngá̰ý ō.

JAKƏ 1:2

Ngákó̰ó̰ḿ gə̄, loo ń ré yá̰á̰ kə́ tayā tayā gə̄ a nāān̄sí anī, ī-rāāī yá̰a̰ gə̄ ń noō yá̰a̰ rɔ̄nel̄ yāsí tə́,

KƏLA RĀĀ 3:8

Deē ní ḭḭ bal gidə kógə̄ḿ anī ra dɔɔ́, ba əla gír a njə̄rā. Ni udə sedə́ kem kújə yā Kɔ́ɔ̄ɓē tə́, a njə̄rā ō, a tḭ́ḭ̄ bal ō, a tɔ̄ȳ Nə́ɓā ō.

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

2 SAMUEL 6:16

Dan ń sandúkə yā Kɔ́ɔ̄ɓē udə kem ɓē yā Dabid tə́ ní a, Mikal kə́ ngōn̄ Saul a̰a̰ loo ko̰rō̰ kújə tə́. Ni-a̰a̰ mban̄g Dabid loo ndām̄ tə́ ō, loo kənī gir̄ gində̄ tə́ no sandúkə tə́ ō anī ni idə tan gírən tə́.

HEBƏRO 11:26

Ni gír̄ kadə̄ yá̰á̰ kə́ to rɔ̄sɔl̄ gə̄ ń Kərist ənge ní, i yá̰a̰ kal̄ loo kə́ ngá̰ý tɔȳ dūbə̄ yá̰a̰ kənge gə̄ kə́ Ejiptə tə́. Tɔdɔ̄ kumən i dɔ yá̰a̰ kəndā nja kə́ ndɔ̄ń tə́.

HEBƏRO 11:6

Tá kanjə̄ taā kem anī, loo kadə̄ nel̄ Nə́ɓā kə deē ní a gətóo. Tɔdɔ̄ i gáŕ kadə̄ nge ń aw̄ rɔ̄ Nə́ɓā tə́ ngɔr ní taā kem kadə̄ Nə́ɓā ndi noó ō, kadə̄ ni i nge kəndā nja ngé sāān gə̄ ō.

2 TIMOTE 2:12

Ré jə-raī ngan̄g anī, j-a j-o̰ō̰ī ɓēé naā tə́ seneé ō. Ré jə-mbātíin̄ anī, ni a mbātə́jí ō.

KOLOSƏ 1:24

Ngɔlaā m̄-rāā rɔ̄nel̄ tɔdɔ̄ wur kɔl ń kadə̄ əsō dɔ Kərist tə́ ní, əsō dɔḿ tə́ tām̄ yā rɔ̄n tə́ i tītə̄ noō. Rɔ̄n ní i Egəlijə.

2 KORḚNTƏ 12:10

I tām̄ najə̄ ń noō tə́ n nelə̄m̄ yá̰a̰ gə̄ kə́ rāāmə̄n̄ adə̄ tɔ́gə́ḿ gətóo gə̄ ō, ndū gə̄ kə́ tájə̄mə̄n̄ ō, yá̰á̰ kə́ to ɓōĺ gə̄ kə́ rāāmə̄n̄ ō, rāā kə́ rāāmə̄n̄ ndoō tə́ ō, yá̰a̰ gə̄ kə́ rāāmə̄n̄ adə̄ m̄-ndi kə sōlōó kekəre gə̄ ō tām̄ yā Kərist tə́ ní. Tɔdɔ̄, m-ə́ngé tɔ́gə i dan ń m̄-ngan̄g aĺ ní.

Makətūbə̄ ń Pol ndang adə̄ Rom gə̄ ní 5:3

Ba j-ɔjiī rɔ̄jí i tām̄ kɔsə gɔn ń toō tə́ ngóy alé, tɔdɔ̄ jə-gerī kadə̄ wur kɔl yājí rāā adə̄ j-əhɔī rɔ̄jí tɔ́gə ō,

KƏLA RĀĀ 14:10

Loo ń noō tə́ Pol ədan kə tɔ́gɔ́ na kə ḭḭ dɔɔ́ kə ra dɔ njan tə́ súmūú! Anī deē ní ḭḭ bal ba njə̄rā.

Najə̄ kə́ Majə yā Jeju ń Luk ndang ní 6:35

Ba sḭḭ̄, ī-táriī madə̄ ba̰ā̰sí gə̄ ō, ī-rāāī majə kə de gēé ō, ādī yá̰a̰ loo tə̄nā tə́ kanjə̄ kəndā kemsí dɔ tél kənge yá̰á̰ ní gogə́ ō. Loo ń noō tə́ ā ə́ngeī yá̰a̰ kəndā nja kə́ ngá̰ý ō, ā ī-téliī ngáń Nə́ɓā kə́ dɔɔ́ gə̄ ō. Tɔdɔ̄ ni-rāā kem majə kə ngé ger̄ kem majə yān aĺ gə̄ ō, kə ngé kem ndul gə̄ ō.

Najə̄ kə́ Majə yā Jeju ń Luk ndang ní 1:44

Tām̄ dan ń m-ōō ndūí kə́ ī-rāāməń lápə́ya ní anī ngōn̄ jənga rik rik kemḿ tə́ kə rɔ̄nelēé.

Najə̄ kə́ Majə yā Jeju ń Luk ndang ní 1:41

Dan ń Elijabet oō lápə́ya ń Mari rāān ní anī ngōn̄ jənga rik rik kemən tə́. Ndíĺ kə́ Táĺ rosə Elijabet,

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

IJAI 35:6

Ngé nja motə gə̄ a tḭ́ḭ̄n̄ bal tītə̄ jal̄ gə̄ beé ō, ngé gə̄ ń gír kəlā ndo̰də́ do̰ō̰ naā kɔ̄ɔ́ adə̄ nin̄ a ɔrə̄n̄ najə̄ aĺ ní, a teēn̄ tadə́ yā kədań najə̄ rɔ̄nel̄ yādə́. Man̄ a kə̄rā tiriri dəla loo tə́, bā gə̄ a nūgə́n̄ dɔ nang kə́ tutə tə́.

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

2 MBAN̄G 6:31

Mban̄g əda na: Ré m-ə́ya̰ dɔm dɔ Elije ngōn̄ Sapat adə̄ ndi ta míndən tə́ ɓōólaā anī, ādə̄ Nə́ɓā rāām̄ yá̰á̰ kə́ tōr̄ ń toō ō, nge kə́ tōr̄ ń toō ɓáý to̰ ō.

1 MBAN̄G GƏ̄ 22:27

ba ə́dádə́ na: Mban̄g əda na kə ənīn̄ deē ń toō dəngáyá ba kə a̰a̰n̄ gōn kə mápá kə́ sḛ́ý beē ō, kə man̄ kə́ sḛ́ý beē ō, bátə́ kadə̄ n-téləń ta rɔ̄ɔ̄ tə́ kə lápə́ya.

1 MBAN̄G GƏ̄ 22:8

Anī mban̄g kə́ Israel tə́ tél əda Josapat na deē kógə̄ḿ na nay noó ɓáý, ba deē ní tá na nelə̄n ni seneé alé, tɔdɔ̄ deē ní na i de kə́ a əda najə̄ kə́ majə dɔn ni tə́ alé, ba a əda na i najə̄ kə́ majaĺ tá dejə: Deē ní i Mise ngōn̄ Yimla. Josapat əda mban̄g kə́ Israel tə́ na kə lōō kɔr̄ najə̄ beé.

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

1 MBAN̄G GƏ̄ 19:14

Anī Eli əda na: Kemḿ təngām̄ ngá̰ý tām̄ yā Kɔ́ɔ̄ɓē kə́ bo kə́ tɔ́gən i ngá̰ý tə́. Ngán Israel gə̄ əya̰n̄ madə̄ naā yāí ń ī-rāā sedə́ ní kɔ̄ɔ́ ō, tɔ̄ɔ̄n̄ loo tun̄ yá̰a̰ yāí gə̄ kɔ̄ɔ́ ō, tɔ̄lə̄n̄ ngé koō ta yāí gə̄ kə kaskaraá ō. I mə̄kɔ́ kógə̄ḿ beē ngóy n m̄-na̰y ní, ba a sāān̄ tɔ̄lə̄m̄ kɔ̄ɔ́ ɓáý to̰.

1 MBAN̄G GƏ̄ 19:10

Anī ni tūr̄ əda Kɔ́ɔ̄ɓē na: Kemḿ təngām̄ ngá̰ý tām̄ yā Kɔ́ɔ̄ɓē Nə́ɓā kə́ bo kə́ tɔ́gən i ngá̰ý tə́. Ngán Israel gə̄ əya̰n̄ madə̄ naā yāí ń ə́hɔ sedə́ ní kɔ̄ɔ́ ō, tɔ̄ɔ̄n̄ loo tun̄ yá̰a̰ yāí gə̄ kɔ̄ɔ́ ō, tɔ̄lə̄n̄ ngé koō ta yāí gə̄ kə kaskaraá ō. I mə̄kɔ́ kógə̄ḿ beē ngóy n m̄-nay ní, ba a sāān̄ tɔ̄lə̄m̄ kɔ̄ɔ́ ɓáý to̰.

1 MBAN̄G GƏ̄ 19:2

Anī Jesabel əla deē kadə̄ aw̄ əda Eli na: Bírí kə mbang ké beē, ré m̄-tɔ̄lī tītə̄ ń ī-tɔ̄ləń ngé koō ta gə̄ ní aĺ anī, ādə̄ nə́ɓā gə̄ rāāmə̄n̄ yá̰á̰ kə́ tōr̄ kə́ beé ba tél rāāmə̄n̄ nge kə́ beé!

1 MBAN̄G GƏ̄ 18:4

adə̄ dan ń Jesabel adə̄ tɔ̄lə̄n̄ ngé koō ta yā Kɔ́ɔ̄ɓē gə̄ ní, ni ɔy ngé koō ta yā Kɔ́ɔ̄ɓē gə̄ ɓú ɓɔ̄ɔ̄də́ kutə mí kutə mí kem bəlo mbal̄ gə̄ tə́ gír loo jōó, ba a̰a̰ gōdə́ kə yá̰a̰ kəsaá ō, kə man̄ ka̰yá̰ ō.

PĀ GƏ̄ 58:11

De kə́ súmūú a rāā rɔ̄nel̄ dan ń ni-a̰a̰ Nə́ɓā loo rāā ba̰ā̰ tə́ ní ō, a tə́go njan kum mósə́ ngé kem ndul gə̄ tə́ ō.