Najə̄ kə́ Majə yā Jeju ń Luk ndang ní 6:22 - Bibəl ta Sar̄

²² Sḭḭ̄ i kə rɔ̄nelēé dan ń de gə̄ a imə̄n̄sí ō, a tə̄ɓān̄sí kɔ̄ɔ́ dɔ dáńdə́ tə́ ō, a tájə̄n̄sí ō, a ədan̄ najə̄ kə́ majaĺ dɔsí tə́ ō najə̄ yā Ngōn̄ deē tə́ ní.

Bible sar

²² Sḭḭ̄ i kə rɔ̄nelēé dan ń de gə̄ a imə̄n̄sí ō, a tə̄ɓān̄sí kɔ̄ɔ́ dɔ dáńdə́ tə́ ō, a tájə̄n̄sí ō, a ədan̄ najə̄ kə́ majaĺ dɔsí tə́ ō najə̄ yā Ngōn̄ deē tə́ ní.

Najə̄ kə́ Majə yā Jeju ń Luk ndang ní 6:22 Referans Kwoze

MATIYE 10:22

De gə̄ malang a imə̄n̄sí najə̄ yā rīḿ tə́, banī deē n a əhɔ sásáp mbóńg ta tɔ̄l̄ ta tə́ ní a ajə.

1 PIYER 3:14

Ká ré i kadə̄ á̰a̰ī tápə̄ najə̄ yā yá̰á̰ kə́ gōtə́ kə́ ī-rāāī tə́ gə̄gē anī, rɔ̄sí nel̄sí. Ī-ɓōlíīdə́ aĺ ō, ī-lōōī kadə̄ ndíĺsí a̰ȳ ō.

JA̰A̰ 16:2

A tə̄ɓān̄sí kɔ̄ɔ́ kem kújə́ kán̄ naā gə̄ tə́. Tá ɓáý to̰ ní, ndɔ̄ a reē nuú yā kadə̄ náā nəkɔ́ ń a tɔ̄l̄sí ní a gír̄ na n rāā na i kəlā n-adə̄ Nə́ɓā.

JA̰A̰ 7:7

Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

IJAI 66:5

Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

JA̰A̰ 12:42

Ba dɔ dán ngār gə̄ tə́ gə̄gē ní, ngá̰ý gə̄ taān̄ kemən. Banī nin̄-ədan̄ najə̄ taā kem yādə́ kə̄ ndágá wáńg alé, najə̄ yā Parijiyḛ gə̄ tə́. Tām̄ ɓōlə́n̄ najə̄ kadə̄ tə̄ɓān̄də́ kɔ̄ɔ́ kem kújə́ kán̄ naā gə̄ tə́.

IJAI 65:5

Nin̄ ədan̄ de gə̄ na: Ī-lōō reē rɔ̄ḿ tə́ ngɔr, ī-lōō kɔdə rɔ̄ḿ. Nge ń noō a rāā majə seí alé, tām̄ m-ā m̄-rāāī kadə̄ ā ī-tél de kə́ táĺ. Dan ń m-á̰á̰ yá̰a̰ rāāsí anī, wōn̄g yāḿ butə̄ hor ō, hor wōn̄g yāḿ ní o̰o̰ kanjə̄ dəba ō.

KƏLA RĀĀ 24:5

J-a̰ā̰ kadə̄ deē ń toō i de kə́ majaĺ ngá̰ý tītə̄ mo̰y ngāl̄bɔ̄gīí beē: Ni sól̄yō Jipə gə̄ malang kə́ dɔ nang tə́ laā, tá i nəkɔ́ n i so̰ no madə̄n gə̄ kə́ gír ɓūtə̄ yā Najaret gə̄ tə́ ní.

KƏLA RĀĀ 9:16

Mə̄kɔ́ m-ā m-ɔ́jən yá̰á̰ kə́ tōr̄ gə̄ malang ń kadə̄ a rāān tām̄ yā rīḿ tə́ ní.

JA̰A̰ 17:14

M-ādə̄də́ najə̄ yāí, banī de kə́ dɔ nang tə́ gə̄ imə̄n̄də́, tām̄ nin̄ i de gə̄ kə́ dɔ nang tə́ alé, tītə̄ ń mā i de kə́ dɔ nang tə́ aĺ ní.

Najə̄ kə́ Majə yā Jeju ń Luk ndang ní 21:17

tá de gə̄ malang a imə̄n̄sí tām̄ yā rīḿ tə́.

MATIYE 10:39

Deē ń o̰o̰n tɔdɔ̄ rɔ̄n ngá̰ý ní a tḭ̄ḭ̄ ta rɔ̄n. Ba deē ń tḭ̄ḭ̄ ta rɔ̄n tām̄ yāḿ tə́ ní a tél yā kənge rɔ̄n ní gogə́.

KƏLA RĀĀ 22:22

Kósə de gə̄ nə̄lə̄n̄ mbīdə́ oōn̄neé najə̄ kɔr̄ Pol bátə́ ugə̄ kum mbang ń ni ədań najə̄ gə̄ ń noō tə́ ní. Ba gō tə́ anī nin̄-ədan̄ kə̄ dɔɔ́ ngá̰ý na: De kə́ tītə̄ ń noō i de kə́ yā kadə̄ ni-ndi dɔ nang tə́ alé! Majə kadə̄ ni-ndi kə kumneé alé! Ī-tɔ̄l̄niī kɔ̄ɔ́!

JA̰A̰ 9:34

Nin̄-tél ədanən̄ na: Ojiīn̄ i kum majaĺ tə́ anī ī-gḛy ndóōjí yá̰a̰ a? Gō tə́ anī nin̄-tə̄ɓānən̄ ndágá kɔ̄ɔ́.

Najə̄ kə́ Majə yā Jeju ń Luk ndang ní 20:15

Anī un ənīnən̄ gidə ndɔr̄ ní tə́ ndágá, ba tɔ̄l̄nən̄ kɔ̄ɔ́. Beé ní kɔ́ɔ̄ ndɔr̄ ní a rāā i rí sedə́?

MATIYE 10:18

A aw̄n̄ sesí rɔ̄ ngé ko̰o̰ ɓē gə̄ tə́ ō, rɔ̄ mban̄g gə̄ tə́ ō, najə̄ yāḿ mā tə́, kadə̄ ā ɔ̄rī najə̄ kə́ kum tə́ ādīdə́ ō, ādī nápar de kə́ rang gə̄ ō.

Najə̄ kə́ Majə yā Jeju ń Luk ndang ní 6:21

Rɔ̄nel̄ i yāsí sḭḭ̄ ń ɓō rāāsí ngɔlaā ní, tɔdɔ̄ ā ī-ndānī! Rɔ̄nel̄ i yāsí sḭḭ̄ ń ā i-nōōī naā ngɔlaā ní, tɔdɔ̄ ā ī-kəgōī naā!

JAKƏ 1:12

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.