Najə̄ kə́ Majə yā Jeju ń Luk ndang ní 6:21 - Bibəl ta Sar̄

²¹ Rɔ̄nel̄ i yāsí sḭḭ̄ ń ɓō rāāsí ngɔlaā ní, tɔdɔ̄ ā ī-ndānī! Rɔ̄nel̄ i yāsí sḭḭ̄ ń ā i-nōōī naā ngɔlaā ní, tɔdɔ̄ ā ī-kəgōī naā!

Bible sar

²¹ Rɔ̄nel̄ i yāsí sḭḭ̄ ń ɓō rāāsí ngɔlaā ní, tɔdɔ̄ ā ī-ndānī! Rɔ̄nel̄ i yāsí sḭḭ̄ ń ā i-nōōī naā ngɔlaā ní, tɔdɔ̄ ā ī-kəgōī naā!

Najə̄ kə́ Majə yā Jeju ń Luk ndang ní 6:21 Referans Kwoze

JA̰A̰ 6:35

Jeju tél ədadə́ na: I mā n i mápá kə́ nge rāā kadə̄ deē ndi kə kumneé ní. Nge ń reē rɔ̄ḿ tə́ anī, ɓō a rāān aĺ bátə́ ō, nge ń taā kemḿ anī, kəndā a rāān aĺ bátə́ ō.

MATIYE 5:6

Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.

JAKƏ 1:12

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.

Najə̄ kə́ Majə yā Jeju ń Luk ndang ní 1:53

Ngé gə̄ ń ɓō rāādə́ ní, ni-adə̄də́ yá̰a̰ kəsa kə́ majə gə̄ ādə̄ əsa ndānə̄n̄, ba tə̄ɓā ngé kənge yá̰a̰ gə̄ ādə̄ ɔtə aw̄n̄ jīdə́ karī.

MATIYE 5:4

Rɔ̄nel̄ i kə ngé gə̄ ń dɔdə́ sɔl̄ ní, tɔdɔ̄ Nə́ɓā a adə̄də́ dɔ nang.

JEJU TEĒ KUM JA̰A̰ 7:16

Ɓō a rāādə́ to̰ aĺ ō, kəndā a rāādə́ to̰ aĺ ō, mbang ō, kəngān ō, a rāān̄ yá̰a̰ sedə́ to̰ aĺ bátə́ ō.

Najə̄ kə́ Majə yā Jeju ń Luk ndang ní 6:25

Rɔ̄ ndoō i yāsí sḭḭ̄ ń ī-ndānī ngɔlaā ní, tɔdɔ̄ ɓō a rāāsí! Rɔ̄ ndoō i yāsí sḭḭ̄ ń ā ə̄gōī ngɔlaā ní, tɔdɔ̄ ā ə́hɔī ndoō ō, ā ī-nōōī ō.

1 KORḚNTƏ 4:11

Bátə́ ɓōólaā gə̄gē ní, ɓō rāājí ō, kəndā rāājí ō, ndoō kūbə̄ rāājí ō, rāān̄jí majaĺ ngá̰ý ō, jə-dáȳ kə̄ loo gə̄ tə́ ō,

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

IJAI 30:19

Sḭḭ̄ gír de gə̄ kə́ Siyo̰, sḭḭ̄ ń ī-ndiī Jerusalem ní, ā ī-nōōī to̰ alé. Kɔ́ɔ̄ɓē a ɔjəsí kem majə yān loo ń ā ə́gaī kɔŕ kə̄ dɔn tə́ ní. Ré kɔŕ yāsí əsō mbīn tə́ anī, ni a dalsí najə̄ i kə̄ ta jī tə́ noō.

PĀ GƏ̄ 107:9

Tɔdɔ̄ ngé gə̄ ń míndə́də́ tutə kákə́rá kákə́rá ní, ni-adə̄də́ man̄ adə̄ a̰ȳn̄. Ngé gə̄ ń ɓō asədə́ nák ní, ni-adə̄də́ yá̰a̰ kəsa adə̄ əsa ndānə̄n̄ ō.

PĀ GƏ̄ 17:15

Ba mā m-ā m-á̰a̰ kumií, tɔdɔ̄ i yá̰á̰ kə́ gōtə́. Dan ń m-ā m̄-ndól̄ dɔ ɓīī tə́ anī, m-ā m-á̰á̰ ndílí kadə̄ tɔ̄l̄ ɓōḿ.

TA KƏLA 21:6

Sara əda na: Nə́ɓā rāām̄ adə̄ m-ə̄gō kəgō rɔ̄nel̄. De gə̄ malang ń a oōn̄ najə̄ yā Isaak ní a əgōn̄ seḿ.

TA KƏLA 17:17

Abəraham ɔsə non nang tə́ ba əgō. Ni-əda kə́ kemən tə́ na ké deē ń ɓālə̄n i ɓú kógə̄ḿ ní ké a ojə ngōn̄ wa. Ké Sara ń ɓālə̄n i kutə ndōhó ní ké a ojə ngōn̄ ō wa.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.

2 KORḚNTƏ 12:10

I tām̄ najə̄ ń noō tə́ n nelə̄m̄ yá̰a̰ gə̄ kə́ rāāmə̄n̄ adə̄ tɔ́gə́ḿ gətóo gə̄ ō, ndū gə̄ kə́ tájə̄mə̄n̄ ō, yá̰á̰ kə́ to ɓōĺ gə̄ kə́ rāāmə̄n̄ ō, rāā kə́ rāāmə̄n̄ ndoō tə́ ō, yá̰a̰ gə̄ kə́ rāāmə̄n̄ adə̄ m̄-ndi kə sōlōó kekəre gə̄ ō tām̄ yā Kərist tə́ ní. Tɔdɔ̄, m-ə́ngé tɔ́gə i dan ń m̄-ngan̄g aĺ ní.

2 KORḚNTƏ 11:27

m̄-rāā kəla kə́ ngan̄g gə̄ adə̄ kɔr rāām̄ ō, yá̰a̰ nāā kə́ ngan̄g gə̄ nāāmə̄n̄ ō, m-ə̄nā ɓīī kumḿ tə́ aĺ nja i ngá̰ý ō. Ɓō rāām̄ ō, kəndā rāām̄ ō. M-ə́sá yá̰a̰ aĺ nja i ngá̰ý ō. Kūl̄ o̰o̰m̄ ō, m̄-nal̄ kūbə̄ ko̰ō̰ ō.

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.

JA̰A̰ 11:35

Jeju nōō.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

EJEKIEL 7:16

Ngé gə̄ ń a ndin̄ kə kumdə́ ní, a a̰ȳn̄ naā kə̄ dɔ mbal̄ gə̄ tə́. Nin̄ a nōōn̄ tītə̄ dér gutə gə̄ sɔɔ̄ń majaĺ yādə́ gə̄.

JEREMI 31:25

Ngé gə̄ ń kəndā man̄ taā tɔ́gə́də́ ní, m-ā m̄-tɔ̄l̄ kəndā dɔdə́ tə́ ō. Ngé gə̄ ń tél sɔlə̄n̄ yélélé ní m-ā m-ādə̄də́ tɔ́gə ō.

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

IJAI 66:10

Sḭḭ̄ ń ī-táriī ɓē kə́ Jerusalem ní, ī-rāāī rɔ̄nel̄ seneé, ādī rɔ̄nel̄ yāsí rə̄ɓā kə̄ ndágá najə̄ yān tə́. Sḭḭ̄ ń kété ə́hɔī najə̄ yá̰á̰ kə́ to kum kaȳ aĺ gə̄ kə́ teēn̄ dɔn tə́ tə́ ní, ādī rɔ̄nel̄ rāāsí kə́ kɔ̄r̄ tə́ seneé!

IJAI 25:6

Kɔ́ɔ̄ɓē kə́ bo kə́ tɔ́gən i ngá̰ý a tə́ngā dā̰ kə́ yḛmbə tām̄ yā gír de gə̄ tə́ malang ō, a adə̄də́ kasə nduú kə́ majə dɔ tə́ ō, a əsan̄ i dā̰ kə́ ngəra aĺ ō, yḛmbə ō, a a̰ȳn̄ i kasə nduú kə́ kumən unjə̄ yáŕ yáŕ ō.

PĀ GƏ̄ 143:6

M-ə́la jīḿ kə̄ rɔ̄í tə́ m̄-rāāīneé ɓɔ̄ɔ̄. Mā m̄-rā noí tə́ tītə̄ dɔ nang kə́ tutə kákə́rá kákə́rá beē.

PĀ GƏ̄ 119:136

m̄-nōō kə man̄ kumḿ, tɔdɔ̄ de gə̄ rāān̄ yá̰á̰ ń ndū najə̄ yāí əda ní alé.

PĀ GƏ̄ 65:4

Yá̰á̰ kə́ gōtə́ aĺ gə̄ tɔyn̄ tɔ́gə́ḿ, banī ḭ̄ ásə kɔr̄ majaĺ yājí gə̄ kɔ̄ɔ́.

PĀ GƏ̄ 28:7

Kɔ́ɔ̄ɓē i loo ɓɔ̄ɔ̄ rɔ̄ yāḿ kə́ ngan̄g ngá̰ý ō, i der yāḿ ō. M-ə̄ndā kemḿ dɔn tə́, anī ni dḭḭ̄m̄. Adə̄ m̄-rāā walya ō m-ə̄nī pā m-ɔ́səń gɔnən ō!

Najə̄ kə́ Majə yā Jeju ń Luk ndang ní 6:20

Loo ń noō tə́ Jeju ɔr̄ dɔn dɔɔ́ a̰a̰ ngé ndóō yá̰a̰ yān gə̄ ba əda na: Rɔ̄nel̄ i yāsí sḭḭ̄ ngé ndoō gə̄, tɔdɔ̄ Ɓē ko̰o̰ yā Nə́ɓā i yāsí!

Najə̄ kə́ Majə yā Jeju ń Luk ndang ní 6:22

Sḭḭ̄ i kə rɔ̄nelēé dan ń de gə̄ a imə̄n̄sí ō, a tə̄ɓān̄sí kɔ̄ɔ́ dɔ dáńdə́ tə́ ō, a tájə̄n̄sí ō, a ədan̄ najə̄ kə́ majaĺ dɔsí tə́ ō najə̄ yā Ngōn̄ deē tə́ ní.