Najə̄ kə́ Majə yā Jeju ń Luk ndang ní 6:2 - Bibəl ta Sar̄

² Loo ń noō tə́ Parijiyḛ kə́rēý gə̄ ədan̄ na: Yá̰á̰ ń ndū najə̄ ɔgə̄ rāā ndɔ̄ sabat tə́ ní sḭḭ̄ ī-rāāī i tām̄ rí tə́?

Bible sar

² Loo ń noō tə́ *Parijiyḛ kə́rēý gə̄ ədan̄ na: Yá̰á̰ ń *ndū najə̄ ɔgə̄ rāā ndɔ̄ *sabat tə́ ní sḭḭ̄ ī-rāāī i tām̄ rí tə́?

Najə̄ kə́ Majə yā Jeju ń Luk ndang ní 6:2 Referans Kwoze

MATIYE 12:2

Parijiyḛ gə̄ a̰a̰n̄də́ loo rāā tə́ anī, ədan̄ Jeju na: Á̰a̰ā̰, ngé ndóō yá̰a̰ yāí gə̄ a rāān̄ yá̰á̰ ń ndū najə̄ ɔgə̄ rāā ndɔ̄ sabat tə́ ní.

JA̰A̰ 5:16

I tām̄ najə̄ ń noō tə́ n Jipə gə̄ rāān̄ Jeju kə najá ngá̰ý ní, tām̄ ni-rāā yá̰á̰ ní i ndɔ̄ sabat tə́.

MARK 2:24

Loo ń noō tə́ Parijiyḛ gə̄ ədan̄ Jeju na: Á̰a̰ā̰ tá, i tām̄ rí tə́ á nin̄ a rāān̄ yá̰á̰ ń ndū najə̄ yā Nə́ɓā ɔgə̄ rāā ndɔ̄ sabat tə́ ní?

Najə̄ kə́ Majə yā Jeju ń Luk ndang ní 5:33

Nin̄-ədan̄ Jeju na: Ngé ndóō yá̰a̰ yā Ja̰a̰ gə̄ a ndin̄ ɓō tām̄ yā Nə́ɓā tə́ dejə ō, a ndɔ̄ȳn̄ ō, ngé yā Parijiyḛ gə̄ rāān tītə̄ ń noō ō, ba i ba̰ý á ngé yāí gə̄ ran̄ i dan kəsa yá̰á̰ kə́ njɔ́ḿ gə̄ tə́ ō, ka̰ȳ yá̰a̰ ō ní?

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

Teē Ngán Israel gə̄ 35:2

Ā ī-rāāī kəla ndɔ̄ mehḛ́, ba ndɔ̄ kə́ nge ko̰ sīrí anī yá̰á̰ kə́ kadə̄ ī-ɓōlíī gidə a to, yá̰á̰ ní i sabat, i kɔr̄ koō yā Kɔ́ɔ̄ɓē. Deē ń a rāā kəla ndɔ̄ ń noō tə́ ní a tɔ̄l̄nən̄ kɔ̄ɔ́.

Teē Ngán Israel gə̄ 31:15

Ndɔ̄ kə́ mehḛ́ gə̄ i yā rāań kəla, ba ndɔ̄ kə́ nge ko̰ sīrí i ndɔ̄ sabat. I ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē tə́. Deē ń a rāā sabat tə́ ní a tɔ̄lə̄n̄ kɔ́ɔ̄ kɔ̄ɔ́.

Teē Ngán Israel gə̄ 22:10

madə̄ ɓē deē ní a túbə kə rī Kɔ́ɔ̄ɓēé, na n-tetə jīn dɔ yá̰a̰ yā madə̄n tə́ alé. Kɔ́ɔ̄ dā̰ ní a ndigə túbə́ ní ō, madə̄ ɓēn ní a əgā kə̄rā aĺ ō.

MATIYE 15:2

ba dəjenən̄ na: I tām̄ rí tə́ á ngé ndóō yá̰a̰ yāí gə̄ a rāān̄ yá̰a̰ a mānə̄n̄neé dɔ yá̰a̰ kāgə̄ ɓē yā kaají gə̄ ní? Tɔdɔ̄ ngé ndóō yá̰a̰ yāí gə̄ tə́gon̄ jīdə́ tá əsan̄neé yá̰a̰ alé.