Najə̄ kə́ Majə yā Jeju ń Luk ndang ní 6:19 - Bibəl ta Sar̄

¹⁹ Adə̄ kósə de gə̄ malang a sāān̄ i kɔdə rɔ̄n kə jīdə́, tɔdɔ̄ tɔ́gə́ kógə̄ḿ teē rɔ̄n tə́ ō, rɔ̄ de gə̄ malang ngáā ō.

Bible sar

¹⁹ Adə̄ kósə de gə̄ malang a sāān̄ i kɔdə rɔ̄n kə jīdə́, tɔdɔ̄ tɔ́gə́ kógə̄ḿ teē rɔ̄n tə́ ō, rɔ̄ de gə̄ malang ngáā ō.

Najə̄ kə́ Majə yā Jeju ń Luk ndang ní 6:19 Referans Kwoze

MATIYE 14:36

De gə̄ rāānən̄ ɓɔ́ kadə̄ kə əya̰də́ kadə̄ n-ɔdən̄ ta kūbə̄ yān ngóy. De gə̄ malang ń ɔdən̄ ní əngen̄ rɔ̄ ngáā.

MARK 3:10

Tɔdɔ̄ rāā adə̄ rɔ̄ de kə́ mo̰y gə̄ ngá̰ý ngáā, adə̄ ngé mo̰y gə̄ malang məren̄ naā dɔn tə́ kadə̄ n-ɔdən̄ rɔ̄n.

MARK 6:56

Loo malang ń ni-ugə tū tə́ ní, ká i kem ngán ɓē gə̄ tə́, aké i kem ɓē bo gə̄ tə́, aké i kem ɓē ndɔr̄ gə̄ tə́ gə̄gē anī, de gə̄ ɓōkə́n̄ ngé mo̰y gə̄ ndágə looó, ba rāānən̄ ɓɔ́ kadə̄ əya̰də́ kadə̄ ɔdən̄ ta kūbə̄ yān ngóy. Ba de gə̄ malang ń ɔdən̄ ní rɔ̄də́ ngáā.

MARK 5:30

Kə̄ ta jī tə́ noō Jeju ger̄ gō kadə̄ tɔ́gə́ kógə̄ḿ teē rɔ̄n tə́, adə̄ tūr̄ rɔ̄n kə̄ rɔ̄ kósə de gə̄ tə́, ba dəjedə́ na ké i náā n ɔdə kūbə̄ yān ní wa.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

MARK 8:22

Nin̄-ugə̄n̄ Betsaida anī, reēn̄ kə deē kógə̄ḿ kə́ kumən tɔ̄ɔ̄ kɔ̄ɔ́ rɔ̄ Jeju tə́, ba rāānən̄ ɓɔ́ kadə̄ ɔdən.

KƏLA RĀĀ 19:12

Adə̄ de gə̄ unən̄ ta kūbə̄ kɔl̄ rɔ̄ yān, aláa kūbə̄ yān kə́ rang aw̄ ɔdən̄neé rɔ̄ ngé mo̰y gə̄ anī mo̰y əya̰də́ ō, ndíĺ kə́ majaĺ gə̄ teēn̄ kemdə́ tə́ kɔ̄ɔ́ ō.

Najə̄ kə́ Majə yā Jeju ń Luk ndang ní 5:17

Ndɔ̄ kógə̄ḿ tə́ Jeju a ndóō de gə̄ yá̰a̰ anī, Parijiyḛ kə ngé ndóō de gə̄ ndū najə̄ gə̄ i dan de gə̄ ní tə́. Nin̄-ḭḭn̄ i kə̄ ngán ɓē gə̄ malang kə gō nang kə́ Galile tə́ ō, kə́ Jude tə́ ō, ḭḭn̄ i Jerusalem ō n reēn̄ ní. Tɔ́gə yā Kɔ́ɔ̄ɓē i naā tə́ kə Jeju. Tɔ́gə́ ní rāā adə̄ kə ta kūl̄ Jeju de gə̄ ngá̰ý rɔ̄də́ ngáā.

2 MBAN̄G 13:21

Ndɔ̄ kógə̄ḿ tə́ anī de kə́ ngé kaw̄ dubə̄ yoó gə̄ a̰a̰n̄ dɔ ɓūtə̄ ngé ɓogə gə̄ ní sa̰y loo reē tə́. Anī ənīn̄ nīń deē ń a aw̄n̄ kə dūbūú ní kem bāá ɓádə́ ń dubə̄n̄ Elije tū tə́ ní tə́, ba ɔtə a̰ȳn̄ naā. Dan ń nīń deē ní ɔdə kə̄ngā Elije anī ndól̄ ba ḭḭ ra dɔɔ́.

Najə̄ kə́ Majə yā Jeju ń Luk ndang ní 6:18

Nin̄-reēn̄ i koō najə̄ yān tə́ ō, i kadə̄ ni-rāā adə̄ rɔ̄də́ ngáā ō. Ni-rāā adə̄ ngé gə̄ ń ndíĺ kə́ yḛr gə̄ a rāān̄ kumdə́ ndoō tə́ əngen̄ rɔ̄ ngáā.