Najə̄ kə́ Majə yā Jeju ń Luk ndang ní 5:35 - Bibəl ta Sar̄

³⁵ Banī ndɔ̄ gə̄ a reēn̄ noó, kem ndɔ̄ gə̄ ngeé ń noō tə́ ní a unən̄ ngaa dəyá̰ tadə́ tə́ kɔ̄ɔ́. Loo ń noō tə́ nin̄ a ndin̄ ɓō tām̄ yā Nə́ɓā tə́ tā.

Bible sar

³⁵ Banī ndɔ̄ gə̄ a reēn̄ noó, kem ndɔ̄ gə̄ ngeé ń noō tə́ ní a unən̄ ngaa dəyá̰ tadə́ tə́ kɔ̄ɔ́. Loo ń noō tə́ nin̄ a *ndin̄ ɓō tām̄ yā Nə́ɓā tə́ tā.

Najə̄ kə́ Majə yā Jeju ń Luk ndang ní 5:35 Referans Kwoze

Najə̄ kə́ Majə yā Jeju ń Luk ndang ní 17:22

Ni-əda ngé ndóō yá̰a̰ yān gə̄ ɓáý to̰ na: Ndɔ̄ gə̄ a reēn̄ noó kadə̄ sḭḭ̄ ā ī-ndə̄ngāī ka̰a̰ ndɔ̄ kə́ kal kógə̄ḿ beē dan ndɔ̄ gə̄ yā Ngōn̄ Deē tə́, ba ā á̰a̰ī ndɔ̄ ní alé.

2 KORḚNTƏ 11:27

m̄-rāā kəla kə́ ngan̄g gə̄ adə̄ kɔr rāām̄ ō, yá̰a̰ nāā kə́ ngan̄g gə̄ nāāmə̄n̄ ō, m-ə̄nā ɓīī kumḿ tə́ aĺ nja i ngá̰ý ō. Ɓō rāām̄ ō, kəndā rāām̄ ō. M-ə́sá yá̰a̰ aĺ nja i ngá̰ý ō. Kūl̄ o̰o̰m̄ ō, m̄-nal̄ kūbə̄ ko̰ō̰ ō.

1 KORḚNTƏ 7:5

Ɔ̄gī naā rɔ̄sí alé. Ba ré ōōī i naā tām̄ yā kum mbang kə́ sḛ́ý beē kə́ yā kəndāń rɔ̄sí ta ndɔ̄ȳ Nə́ɓā tə́ tá. Gō tə́ anī ī-tél āwī naā tə́, na sōgə́ dum̄ ta ngur dā̰ rɔ̄ aĺ yāsí teē ta róbə adə̄ Sətan, yā kadə̄ ni-nāāsí kə yá̰á̰ gól̄ yānneé.

KƏLA RĀĀ 14:23

Nin̄-gə̄rān̄ kum kɔɔ̄ gə̄ kem Egəlijə gə̄ tə́ kógə̄ḿ kógə̄ḿ adə̄n̄ ngé taā kem gə̄, ba gō tə́ anī ndin̄ ɓō tām̄ yā Nə́ɓā tə́ ō, ndɔ̄ȳn̄ ō, pá tá kadə̄ ɓɔ̄ɔ̄n̄də́ kə Kɔ́ɔ̄ɓē ń taān̄ kemən ní ɓáý.

KƏLA RĀĀ 3:21

Kə́ ngɔr ń toō tə́ ɓáa i gáŕ kadə̄ Jeju Kərist a ndi i dɔ rā̰ tə́, bátə́ kadə̄ ndɔ̄ ń yá̰a̰ malang a téləń kə́ kijə ní reē ugə̄ń tītə̄ ń Nə́ɓā ədań kété jóo kə ta kūl̄ ngé koō ta yān kə́ táĺ gə̄ ní.

KƏLA RĀĀ 1:9

Dan ń ni-ədadə́ yá̰a̰ gə̄ ń toō oy anī, ḭḭ ta kumdə́ tə́ ɗil ta kaw̄ kə̄ dɔ rā̰ tə́. Gō tə́ anī kil̄ man̄ kógə̄ḿ reē utə̄ dɔn kɔ̄ɔ́ ɔgə̄də́ ka̰a̰n.

JA̰A̰ 16:28

M-ḭ́ḭ i rɔ̄ Bɔbə̄ Ngōn̄ tə́ n m̄-reē dɔ nang tə́ ní. Ba ngɔlaā ní m-ā m-ə́ya̰ dɔ nang, ba m-ā m-āw̄ rɔ̄ Bɔbə̄ Ngōn̄ tə́.

JA̰A̰ 13:33

Ngánə́ḿ kə́ dūú gə̄, m-ā m̄-ndi sesí i sḛ́ý beē ngóy. Ā ī-sāāmī, ba tītə̄ ń m-ə́da Jipə gə̄ kété ní, m-ə́dásí ngɔlaā ń toō ō: Sḭḭ̄ ásiī kugə̄ loo ń m-ā m-āw̄ kə̄ tū tə́ ní alé.

JA̰A̰ 12:8

Ngé ndoō gə̄ nin̄ i sesí kə ndɔ̄ gə̄, banī mā m-ā m̄-ndi sesí kə dɔ ndɔ̄ gə̄ alé.

JAKARI 13:7

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.

DANIEL 9:26

Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

MATIYE 9:15

Anī Jeju tél ədadə́ na: Dan ń nga dəyá̰ ndiń kə madə̄n gēé ɓáý ní madə̄n gə̄ ní a əhɔn̄ ndoō a? Banī ndɔ̄ gə̄ a reēn̄ noó kadə̄ a ɔrə̄n̄ nga dəyá̰ dandə́ tə́ kɔ̄ɔ́, tā anī a ndin̄ ɓō tām̄ yā Nə́ɓā tə́ tā.

MARK 2:20

Ndɔ̄ gə̄ a reēn̄ kadə̄ a ɔrə̄n̄ nga dəyá̰ dandə́ tə́ kɔ̄ɔ́ anī, dan ń noō tə́ ní nin̄ a ndin̄ ɓō tām̄ yā Nə́ɓā tə́ kem ndɔ̄ ń noō tə́ ɓáý.

Najə̄ kə́ Majə yā Jeju ń Luk ndang ní 5:34

Jeju tūr̄ ədadə́ na: Dan ń ngaa dəyá̰ kijə ndiń kə madə̄n gə̄ ń ni-ɓāŕdə́ ta kəsa yá̰a̰ yā rɔ̄nel̄ taā naā tə́ ní, tɔ́gə́sí asə ra sedə́ ta ndi ɓō tām̄ yā Nə́ɓā tə́ a?

Najə̄ kə́ Majə yā Jeju ń Luk ndang ní 5:36

Ni-ɔr̄ najə̄ kə kūjə́ najá sedə́ ɓáý to̰, ədadə́ na: Deē a gān̄g ta kūbə̄ kə́ kijə yā kənīń kum ngísə kūbə̄ alé. Ré ḭ̄ deē ī-rāā beé anī kūbə̄ kə́ kijə ní tan i kə́ gān̄g kɔ̄ɔ́ ō, tan kə́ gān̄g ní a əhɔn̄ ta naā kə ngísə kūbə̄ ní aĺ ō.