Najə̄ kə́ Majə yā Jeju ń Luk ndang ní 5:33 - Bibəl ta Sar̄

³³ Nin̄-ədan̄ Jeju na: Ngé ndóō yá̰a̰ yā Ja̰a̰ gə̄ a ndin̄ ɓō tām̄ yā Nə́ɓā tə́ dejə ō, a ndɔ̄ȳn̄ ō, ngé yā Parijiyḛ gə̄ rāān tītə̄ ń noō ō, ba i ba̰ý á ngé yāí gə̄ ran̄ i dan kəsa yá̰á̰ kə́ njɔ́ḿ gə̄ tə́ ō, ka̰ȳ yá̰a̰ ō ní?

Bible sar

³³ Nin̄-ədan̄ Jeju na: Ngé ndóō yá̰a̰ yā Ja̰a̰ gə̄ a *ndin̄ ɓō tām̄ yā Nə́ɓā tə́ dejə ō, a ndɔ̄ȳn̄ ō, ngé yā *Parijiyḛ gə̄ rāān tītə̄ ń noō ō, ba i ba̰ý á ngé yāí gə̄ ran̄ i dan kəsa yá̰á̰ kə́ njɔ́ḿ gə̄ tə́ ō, ka̰ȳ yá̰a̰ ō ní?

Najə̄ kə́ Majə yā Jeju ń Luk ndang ní 5:33 Referans Kwoze

Najə̄ kə́ Majə yā Jeju ń Luk ndang ní 20:47

A əsan̄ jī dəyá̰ kə́ ngaa koy gə̄ yā təgā ō. Nin̄ ní, sarya kə́ bo ngá̰ý a əsō dɔdə́ tə́.

Najə̄ kə́ Majə yā Jeju ń Luk ndang ní 18:12

Dan ndɔ̄ kə́ sīrí gə̄ tə́ ní, kə́ jōó gə̄ m-ā m̄-*ndiń ɓō tām̄ yāí tə́. Tá yá̰a̰ gə̄ ń m-ə́nge malang ní, m-ɔ̄r̄ dɔ kə́ nge ko̰ kutə m-ādī ɓáý to̰.

KƏLA RĀĀ 9:11

Kɔ́ɔ̄ɓē tél ədan na: Ḭ́ḭ dɔɔ́ āw̄ róbə́ ń a ɓārə́n̄ na i róbə́ kə́ ra súmūú ní tə́, údə ɓē Judas, ba ī-dəje kōō deē kógə̄ḿ kə́ a ɓāŕnən̄ na i Sol kə́ Tarsə. Ni-ndi a ndɔ̄ȳ noō

JA̰A̰ 3:25

Anī ngé ndóō yá̰a̰ yā Ja̰a̰ gə̄ nējə̄n̄ naā najə̄ kə Jipə kógə̄ḿ dɔ najə̄ tə́go rɔ̄ kə́ majaĺ tákə̄ tə́,

JA̰A̰ 1:35

Teē kə ndɔ̄ kə́ noō anī, Ja̰a̰ ra loo kə́ kógə̄ḿ beē nəkɔ́ ń noō tə́ ɓáý kə ngé ndóō yá̰a̰ yān gə̄ jōó.

Najə̄ kə́ Majə yā Jeju ń Luk ndang ní 11:1

Ndɔ̄ kə́rēý tə́ Jeju ndi a ndɔ̄ȳ Nə́ɓā loo kógə̄ḿ tə́. Dan ń ni-ndɔ̄ȳ oy anī, nge ndóō yá̰a̰ yān kógə̄ḿ ədan na: Kɔ́ɔ̄ɓē, ɔ́jə́jí loo ndɔ̄ȳ tītə̄ ń Ja̰a̰ ɔjəń ngé ndóō yá̰a̰ yān gə̄ ní.

MARK 12:40

A əsan̄ jī dəyá̰ kə́ ngaa koy gə̄ yā təgā ō, a ilə̄n̄ gidə rɔ̄də́ karī ba na n-ndɔ̄ȳn̄ na i ngá̰ý ō. Nin̄ ní sarya kə́ bo ngá̰ý a əsō dɔdə́ tə́.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

JAKARI 7:6

Ba dan ń əsaī yá̰a̰ ō, ā̰yī ō ní, i tām̄ yāsí sḭḭ̄ kɔ́ gə̄ tə́ wa ḿ?

IJAI 1:15

Loo ń ī-sə́raī jīsí yā ndɔ̄yń anī, m-ún kumḿ ta tə́ kɔ̄ɔ́. Ká ré ndɔ̄ȳ yāsí gə̄ i ngá̰ý gə̄gē anī, mā m-ōō alé, tām̄ jīsí i mósə malang.

Gōsə̄ najə̄ gə̄ 28:9

Ré deē kógə̄ḿ rāā mbī mbóo ta ndū najə̄ yā Kɔ́ɔ̄ɓē tə́ anī, ndɔ̄ȳ yān gə̄gē i yá̰á̰ kə́ yḛr.

Najə̄ kə́ Majə yā Jeju ń Luk ndang ní 2:37

Gō tə́ anī dəngam ní oy kɔ̄ɔ́, adə̄ tél ndi kanjə̄ taā dəngam kə́ rang bátə́ kadə̄ ɓālə̄n i kutə sɔ́sɔ́ gidə i sɔ́. Ni-ɔr̄ rɔ̄n kɔ̄ɔ́ kadə kújə́ yā Kɔ́ɔ̄ɓē tə́ alé. Ni-rāā kəla kadaá ō ndɔ̄ɔ́ ō adə̄ Kɔ́ɔ̄ɓē: A ndi ɓō tām̄ yā Nə́ɓā tə́ ō, a ndɔ̄ȳ Nə́ɓā ō.

Najə̄ kə́ Majə yā Jeju ń Luk ndang ní 5:32

m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́ kadə̄ tūrə̄n̄ háĺdə́.

Najə̄ kə́ Majə yā Jeju ń Luk ndang ní 5:34

Jeju tūr̄ ədadə́ na: Dan ń ngaa dəyá̰ kijə ndiń kə madə̄n gə̄ ń ni-ɓāŕdə́ ta kəsa yá̰a̰ yā rɔ̄nel̄ taā naā tə́ ní, tɔ́gə́sí asə ra sedə́ ta ndi ɓō tām̄ yā Nə́ɓā tə́ a?