Najə̄ kə́ Majə yā Jeju ń Luk ndang ní 5:30 - Bibəl ta Sar̄

³⁰ Anī Parijiyḛ gə̄ ō, ngé ndóō de gə̄ ndū najə̄ gə̄ ń nin̄ i gír yā Parijiyḛ gə̄ tə́ ō ní, yṵ́rə̄n̄ najə̄ ba ədan̄ ngé ndóō yá̰a̰ yā Jeju gə̄ na: I tām̄ rí tə́ á ə́saī yá̰a̰ ō, ā̰yī ō naā tə́ kə ngé taā lambóo gə̄ ō, ngé rāā majaĺ gə̄ ō ní?

Bible sar

³⁰ Anī *Parijiyḛ gə̄ ō, ngé ndóō de gə̄ *ndū najə̄ gə̄ ń nin̄ i gír yā *Parijiyḛ gə̄ tə́ ō ní, yṵ́rə̄n̄ najə̄ ba ədan̄ ngé ndóō yá̰a̰ yā Jeju gə̄ na: I tām̄ rí tə́ á ə́saī yá̰a̰ ō, ā̰yī ō naā tə́ kə ngé taā lambóo gə̄ ō, ngé rāā majaĺ gə̄ ō ní?

Najə̄ kə́ Majə yā Jeju ń Luk ndang ní 5:30 Referans Kwoze

KƏLA RĀĀ 23:9

Loo ń noō tə́ najə̄ ɓār̄ sow. Ngé ngé ndóō de gə̄ ndū najə̄ kə́rēý gə̄ kə́ dām̄ yā Parijiyḛ gə̄ tə́ ḭḭ tṵ́ṵ̄n̄ rɔ̄ kə ngangāá ngá̰ý ədan̄ na: Jḭḭ j-a̰a̰ yá̰á̰ kógə̄ḿ kə́ majaĺ kə́ deē ń toō rāā alé. Ba ré i ndíl deē kógə̄ḿ, aláa i de kə́ dɔ rā̰ tə́ kógə̄ḿ n ɔr̄ najə̄ seneé ní a i náā n-ger̄?

Najə̄ kə́ Majə yā Jeju ń Luk ndang ní 19:7

Dan ń a̰a̰n̄ tītə̄ ń noō ní a, kósə de gə̄ malang yṵ́rə̄n̄ najə̄ ədan̄ na: Á̰a̰ī wa! Ni-aw̄ əhɔ ɓē mbā ɓē de kə́ nge rāā majaĺ!

Najə̄ kə́ Majə yā Jeju ń Luk ndang ní 5:21

Ngé ndóō de gə̄ ndū najə̄ gə̄ ō, Parijiyḛ gə̄ ō, ədan̄ kə̄ kemdə́ tə́ na: Deē nəkɔ́ ń toō i náā á a tə́da najə̄ kə́ to ngonjə̄ gə̄ dɔ Nə́ɓā tə́ beē? De kə́ asə mā̰ȳ rɔ̄n dɔ yá̰a̰ rāā kə́ majaĺ tə́ i náā, má i Nə́ɓā ngóy aĺ a?

Najə̄ kə́ Majə yā Jeju ń Luk ndang ní 5:17

Ndɔ̄ kógə̄ḿ tə́ Jeju a ndóō de gə̄ yá̰a̰ anī, Parijiyḛ kə ngé ndóō de gə̄ ndū najə̄ gə̄ i dan de gə̄ ní tə́. Nin̄-ḭḭn̄ i kə̄ ngán ɓē gə̄ malang kə gō nang kə́ Galile tə́ ō, kə́ Jude tə́ ō, ḭḭn̄ i Jerusalem ō n reēn̄ ní. Tɔ́gə yā Kɔ́ɔ̄ɓē i naā tə́ kə Jeju. Tɔ́gə́ ní rāā adə̄ kə ta kūl̄ Jeju de gə̄ ngá̰ý rɔ̄də́ ngáā.

MARK 7:3

Tɔdɔ̄ Parijiyḛ gə̄ kə Jipə gə̄ malang a əsan̄ yá̰a̰ kanjə̄ tə́go jīdə́ kadə̄ unjə̄ majə alé. Nin̄-əhɔn̄ i gō yá̰a̰ kāgə̄ ɓē yā kaadə́ gə̄.

IJAI 65:5

Nin̄ ədan̄ de gə̄ na: Ī-lōō reē rɔ̄ḿ tə́ ngɔr, ī-lōō kɔdə rɔ̄ḿ. Nge ń noō a rāā majə seí alé, tām̄ m-ā m̄-rāāī kadə̄ ā ī-tél de kə́ táĺ. Dan ń m-á̰á̰ yá̰a̰ rāāsí anī, wōn̄g yāḿ butə̄ hor ō, hor wōn̄g yāḿ ní o̰o̰ kanjə̄ dəba ō.

Najə̄ kə́ Majə yā Jeju ń Luk ndang ní 18:11

Parijiyḛ ní ra dɔɔ́ ba ndɔ̄ȳ Nə́ɓā kemən tə́ tītə̄ ń toō beé, əda na: Nə́ɓā, m̄-ndadī, tɔdɔ̄ mā i tītə̄ gotə deē madə́ḿ gə̄ ń nin̄ i ngé ɓogə gə̄ ō, i de kə́ súmūú aĺ gə̄ ō, i ngé sāā naā loo kaya tə́ ō ní alé. m̄-ndadī ngá̰ý ɓáý to̰ tām̄ mā i tītə̄ nge taā lambóó ń toō aĺ ō.

Najə̄ kə́ Majə yā Jeju ń Luk ndang ní 7:39

Dan ń Parijiyḛ ń ɓāŕ Jeju ta kəsa yá̰á̰ ní a̰a̰ yá̰á̰ ní tītə̄ ń noō anī, əda kə̄ kemən tə́ na: Ré deē ń toō i nge koō ta anī a ger̄ dəyá̰ ń ɔdə rɔ̄n toó ō, a ger̄ ké i dəyá̰ kə́ ba̰ý wa ō, a ger̄ kadə̄ i dəyá̰ kə́ nge rāā majaĺ.

Najə̄ kə́ Majə yā Jeju ń Luk ndang ní 7:34

Ba dan ń Ngōn̄ deē reē ní əsa yá̰a̰ ō, a̰ȳ ō, anī sḭḭ̄ ə́daī na ni na i nge kəsa wa ō, nge ka̰ȳ yá̰a̰ wa ō, ni na i madə̄ ngé taā lambóo gə̄ ō, madə̄ ngé rāā yá̰a̰ majaĺ gə̄ ō.

MATIYE 5:46

Tɔdɔ̄ ré i ngé táŕsí gə̄ ngóy n ā ī-táriīdə́ anī, ā ī-ngóōī kadə̄ Nə́ɓā əndā njasí i kə rí? Ngé taā lambóo gə̄ rāān̄ i tītə̄ ń noō ō aĺ a?

MATIYE 9:11

Loo ń Parijiyḛ gə̄ a̰a̰n̄ tītə̄ ń noō anī, dəjen̄ ngé ndóō yá̰a̰ yān gə̄ na ké i tām̄ rí tə́ á ngoldə́ a əsa yá̰a̰ kə ngé taā lambóo gə̄ ō, ngé rāā majaĺ gə̄ ō ní wa.

MARK 2:16

Ngé ndóō de gə̄ ndū najə̄ yā Parijiyḛ gə̄ a̰ā̰n̄ kadə̄ Jeju a əsa yá̰a̰ kə ngé rāā majaĺ gə̄ ō, kə ngé taā lambóo gə̄ ō anī, dəjen̄ ngé ndóō yá̰a̰ yān gə̄ na ké i tām̄ rí tə́ á a əsa yá̰a̰ kə ngé taā lambóo gə̄ ō, ngé rāā majaĺ gə̄ ō ní wa.

MARK 9:16

Ni-dəje ngé ndóō yá̰a̰ yān gə̄ na ké nējə̄n̄ naā najə̄ sedə́ i dɔ rí tə́ wa.