Najə̄ kə́ Majə yā Jeju ń Luk ndang ní 5:21 - Bibəl ta Sar̄

²¹ Ngé ndóō de gə̄ ndū najə̄ gə̄ ō, Parijiyḛ gə̄ ō, ədan̄ kə̄ kemdə́ tə́ na: Deē nəkɔ́ ń toō i náā á a tə́da najə̄ kə́ to ngonjə̄ gə̄ dɔ Nə́ɓā tə́ beē? De kə́ asə mā̰ȳ rɔ̄n dɔ yá̰a̰ rāā kə́ majaĺ tə́ i náā, má i Nə́ɓā ngóy aĺ a?

Bible sar

²¹ Ngé ndóō de gə̄ *ndū najə̄ gə̄ ō, *Parijiyḛ gə̄ ō, ədan̄ kə̄ kemdə́ tə́ na: Deē nəkɔ́ ń toō i náā á a tə́da najə̄ kə́ to ngonjə̄ gə̄ dɔ Nə́ɓā tə́ beē? De kə́ asə mā̰ȳ rɔ̄n dɔ yá̰a̰ rāā kə́ majaĺ tə́ i náā, má i Nə́ɓā ngóy aĺ a?

Najə̄ kə́ Majə yā Jeju ń Luk ndang ní 5:21 Referans Kwoze

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.

JA̰A̰ 10:33

Jipə gə̄ tél ədanən̄ na: J-a jə-tə́nāī kə mbalá yā tɔ̄lī i tām̄ kəla kə́ majə kógə̄ḿ tə́ alé, banī i tām̄ tájə̄ kə́ ī-tájə̄ Nə́ɓā tə́. Tɔdɔ̄ ḭ̄ ń i deē ndul ní, ī-rāā rɔ̄í Nə́ɓā tə́.

Najə̄ kə́ Majə yā Jeju ń Luk ndang ní 7:49

Anī ngé gə̄ ń ndin̄ seneé ta yá̰a̰ kəsa tə́ ní tél a ədan̄ kə̄ kemdə́ tə́ na: Deē ń aw̄ bátə́ māȳ rɔ̄n dɔ majaĺ gə̄ tə́ toō i náā?

MATIYE 26:65

Loo ń noō tə́ ngol ngé tun̄ yá̰a̰ gə̄ əhɔ ta kūbə̄ kə́ rɔ̄n tə́ rə̄yā̰ ba əda na: Ni-əda i najə̄ kə́ to ngonjə̄ dɔ Nə́ɓā tə́! Ní, kə jə-sāāī najə̄ yā de kə́ kum tə́ gə̄ ɓáý a? Najə̄ kə́ to ngonjə̄ ń ni-əda dɔ Nə́ɓā tə́ ní n ōōī ngɔr toó!

PĀ GƏ̄ 32:5

Yá̰á̰ kə́ majaĺ ń m̄-rāā ní m-ə́daī wáńg. Yá̰á̰ kə́ gōtə́ aĺ ń m̄-rāā ní m̄-mundī alé. M-ə́da na: M-ā m-ɔ́jə́ Kɔ́ɔ̄ɓē yá̰á̰ kə́ majaĺ gə̄ ń m̄-rāā ní. Anī ḭ̄ ún majaĺ yāḿ ń oym̄ ní dɔḿ tə́ kɔ̄ɔ́.

LEBI GƏ̄ 24:16

Deē ń a ndájə̄ najə̄ dɔ rī Kɔ́ɔ̄ɓē tə́ ní, a tɔ̄l̄nən̄ kɔ̄ɔ́. Ngán Israel gə̄ malang a tə́nīnən̄ kə mbalá yā tɔ̄l̄ən. Ká deē ní i tə̄rā, aké ni i de kə́ Israel tə́ gə̄gē anī, a tɔ̄l̄nən̄ kɔ̄ɔ́, tām̄ ni ndájə̄ najə̄ dɔ rī Kɔ́ɔ̄ɓē tə́.

Makətūbə̄ ń Pol ndang adə̄ Rom gə̄ ní 8:33

I náā n a sə̄lā gíŕ ngé gə̄ ń Nə́ɓā nəkɔ́ gə̄rādə́ ní? I Nə́ɓā n i nge rāā kadə̄ nin̄-télən̄ de kə́ súmūú gə̄ ní.

DANIEL 9:19

Kɔ́ɔ̄ɓē, ī-nēl̄ mbīí, Kɔ́ɔ̄ɓē, ī-mā̰ȳ rɔ̄í dɔjí tə́! Kɔ́ɔ̄ɓē, ī-nēl̄ mbīí majə! Ɓɔ́ Nə́ɓā yāḿ, ī-rāā yá̰á̰ kógə̄ḿ tām̄ yāí īkɔ́ tə́ ba ī-lōō kɔr bā̰ā̰, tɔdɔ̄ ɓārə́n̄ rīí dɔ ɓē yāí tə́ ō, dɔ gír deē yāí gə̄ tə́ ō.

DANIEL 9:9

Kum ko̰o̰ ō, mā̰ȳ rɔ̄ ō, i yá̰a̰ yā Kɔ́ɔ̄ɓē Nə́ɓā yājí tām̄ jə-mbātə́ tan ō,

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

PĀ GƏ̄ 130:4

Banī ḭ̄ i nge mā̰ȳ rɔ̄í adə̄ a ɓōlə́n̄ ndílí.

PĀ GƏ̄ 103:3

I ni n i nge mā̰ȳ rɔ̄n dɔ yá̰á̰ kə́ gōtə́ aĺ gə̄ ń ī-rāā tə́ ní ō, nge tɔ̄l̄ mo̰y gə̄ malang dɔí tə́ ō ní.

Najə̄ kə́ Majə yā Jeju ń Luk ndang ní 5:17

Ndɔ̄ kógə̄ḿ tə́ Jeju a ndóō de gə̄ yá̰a̰ anī, Parijiyḛ kə ngé ndóō de gə̄ ndū najə̄ gə̄ i dan de gə̄ ní tə́. Nin̄-ḭḭn̄ i kə̄ ngán ɓē gə̄ malang kə gō nang kə́ Galile tə́ ō, kə́ Jude tə́ ō, ḭḭn̄ i Jerusalem ō n reēn̄ ní. Tɔ́gə yā Kɔ́ɔ̄ɓē i naā tə́ kə Jeju. Tɔ́gə́ ní rāā adə̄ kə ta kūl̄ Jeju de gə̄ ngá̰ý rɔ̄də́ ngáā.

MATIYE 9:3

Anī ngé ndóō de gə̄ ndū najə̄ kə́rēý gə̄ ədan̄ kə̄ kemdə́ tə́ na: Deē ń toō tájə̄ i Nə́ɓā!

MISE 7:19

Ā ī-tél kadə̄ kumií a o̰o̰ī tām̄ yājí tə́ ɓáý. Adə̄ ā ə̄ndā njaí dɔ mān̄ dɔ ndū najə̄ gə̄ yājí tə́ ō, yá̰a̰ rāājí kə́ gōtə́ aĺ gə̄ malang ní, ā ī-ɓōkə́də́ gír bā boó kɔ̄ɔ́ ō!

PĀ GƏ̄ 35:5

Loo ń nge kaw̄ kəla yā Kɔ́ɔ̄ɓē a mbəredə́ kə̄ gogə́ anī, ādə̄ ton̄ tītə̄ təsá kə́ nél ɔy dáyń beē!

Najə̄ kə́ Majə yā Jeju ń Luk ndang ní 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄, ba ī-lōōī ndi gír̄ kemsí tə́ na sḭḭ̄ i ngán kaa Abəraham gə̄. Ādə̄ m-ə́dásí, m-ādə̄ ōōī Nə́ɓā asə tūr̄ ngán mbal̄ gə̄ ń toō kadə̄ télən̄ ngán kaa Abəraham gə̄ karī.

Najə̄ kə́ Majə yā Jeju ń Luk ndang ní 5:22

Jeju ń ger̄ gír̄ yādə́ ní tél ədadə́ na: Āwī kə gír kə́ beé kemsí tə́ i tām̄ rí tə́.