Najə̄ kə́ Majə yā Jeju ń Luk ndang ní 5:13 - Bibəl ta Sar̄

¹³ Jeju əla jīn ɔdənəń ba əda na: m̄-ndigə, ādə̄ rɔ̄í unjə̄ njáý njáý! Anī kə̄ ta jī tə́ noō bānjə̄ ur̄ rɔ̄ deē ní tə́ kɔ̄ɔ́.

Bible sar

¹³ Jeju əla jīn ɔdənəń ba əda na: m̄-ndigə, ādə̄ rɔ̄í *unjə̄ njáý njáý! Anī kə̄ ta jī tə́ noō bānjə̄ ur̄ rɔ̄ deē ní tə́ kɔ̄ɔ́.

Najə̄ kə́ Majə yā Jeju ń Luk ndang ní 5:13 Referans Kwoze

OJEE 14:4

Dɔ nang kə́ Asiri asə kajəjí alé. J-a j-ḭḭ gidə sə́nda rɔ̄ɔ̄ gə̄ tə́ to̰ alé. Yá̰á̰ kə́ tɔ́sə̄ kum gotə yá̰a̰ gə̄ ń jḭḭ kɔ́ gə̄ jə-tɔ́sə̄ kə jījí ní, j-a jə-ɓāŕdə́ na i Nə́ɓā yājí to̰ alé. Tɔdɔ̄ i ḭ̄ ngóy n á̰a̰ kum tō ndoō yā ngán hal gə̄ ní.

EJEKIEL 36:29

M-ā m-ɔ̄r̄ yá̰a̰ rāāsí kə́ yḛr gə̄ kɔ̄ɔ́ malang. M-ā m-ādə̄ ɓō a rāāsí, banī m-ā m̄-rāā kadə̄ gémē əɓa ō, ā ə́ngeī gémē ngá̰ý ndɔ̄ sāān tə́ ō.

2 MBAN̄G 5:14

Naaman aw̄ əla rɔ̄n kum bā Jurdḛ tə́ nja sīrí tītə̄ ń deē yā Nə́ɓā ədań ní, anī bānjə̄ kə́ rɔ̄n tə́ ur̄ ō, dā̰n tél to tītə̄ dā̰ ngōn̄ kásə̄ beé ō.

Najə̄ kə́ Majə yā Jeju ń Luk ndang ní 4:39

Jeju nōr̄ kə̄ dɔ dəyá̰ ní tə́ ba ɔr̄ najə̄ kə mo̰y gajaá kə tɔ́gɔ́ anī mo̰y gajə əya̰n. Dəyá̰ ní ḭḭ dɔɔ́ kə̄ ta jī tə́ beē rāā yá̰a̰ kəsa adə̄də́.

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

2 MBAN̄G 5:10

Elije əla deē kógə̄ḿ rɔ̄n tə́ kadə̄ ədan na: Āw̄ ī-ndogə̄ man̄ bā Jurdḛ nja sīrí anī dā̰í a unjə̄ ō, bānjə̄ kə́ rɔ̄í tə́ a ur̄ kɔ̄ɔ́ ō.

TA KƏLA 1:9

Nə́ɓā əda ɓáý to̰ na kadə̄ kə man̄ gə̄ kə́ gír rā̰ tə́ gə̄ kə kánə̄n̄ naā loo kógə̄ḿ ba kadə̄ loo kə́ ngan̄g kə teē. Anī yá̰á̰ ní reē tītə̄ ń Nə́ɓā ədań ní.

TA KƏLA 1:3

Nə́ɓā əda na kadə̄ loo kə unjə̄ kow, anī loo unjə̄ kow.

MATIYE 8:3

Jeju əla jīn ɔdənneé ba ədan na: m̄-ndigə, ādə̄ rɔ̄í i kə́ unjə̄ njáý njáý! Kə̄ ta jī tə́ beē bānjə̄ ur̄ rɔ̄n tə́ kɔ̄ɔ́.

Najə̄ kə́ Majə yā Jeju ń Luk ndang ní 5:12

Tā anī Jeju ugə̄ kem ɓē kə́rēý tə́. Deē kógə̄ḿ kə́ rɔ̄n i bānjə̄ malang i tū tə́ noō ō. Dan ni-a̰a̰ Jeju anī əsō ɔsə non nang tə́ non tə́ ba rāān ɓɔ́ əda na: Kɔ́ɔ̄ɓē, ré ī-ndigə anī ásə rāā kadə̄ rɔ̄ḿ unjə̄ njáý njáý.

Najə̄ kə́ Majə yā Jeju ń Luk ndang ní 5:14

Anī Jeju ɔgə̄n kəda gotə, ba kə aw̄ kə ɔjə nge tun̄ yá̰a̰ rɔ̄n kadə̄ a̰ā̰ ō, kə adə̄ yá̰a̰ ndējə̄ kə́ tām̄ yā majaĺ kə́ kun dɔn tə́ kɔ̄ɔ́ ń Moijə əda najə̄n ní ō kadə̄ yá̰á̰ ń rāā yá̰a̰ toó téləń kə́ kum tə́ yāḿ tām̄ yādə́ tə́.