Najə̄ kə́ Majə yā Jeju ń Luk ndang ní 5:12 - Bibəl ta Sar̄

¹² Tā anī Jeju ugə̄ kem ɓē kə́rēý tə́. Deē kógə̄ḿ kə́ rɔ̄n i bānjə̄ malang i tū tə́ noō ō. Dan ni-a̰a̰ Jeju anī əsō ɔsə non nang tə́ non tə́ ba rāān ɓɔ́ əda na: Kɔ́ɔ̄ɓē, ré ī-ndigə anī ásə rāā kadə̄ rɔ̄ḿ unjə̄ njáý njáý.

Bible sar

¹² Tā anī Jeju ugə̄ kem ɓē kə́rēý tə́. Deē kógə̄ḿ kə́ rɔ̄n i bānjə̄ malang i tū tə́ noō ō. Dan ni-a̰a̰ Jeju anī əsō ɔsə non nang tə́ non tə́ ba rāān ɓɔ́ əda na: Kɔ́ɔ̄ɓē, ré ī-ndigə anī ásə rāā kadə̄ rɔ̄ḿ *unjə̄ njáý njáý.

Najə̄ kə́ Majə yā Jeju ń Luk ndang ní 5:12 Referans Kwoze

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

Najə̄ kə́ Majə yā Jeju ń Luk ndang ní 17:16

reē ɔsə non nang tə́ nja Jeju tə́ ba ndadə̄n, ba deē ngeé ń noō i de kə́ Samari.

MATIYE 9:28

Loo ń Jeju udə kújú anī, ngé kum tɔ̄ɔ̄ gə̄ ní reēn̄ rɔ̄n tə́. Anī ni dəjedə́ na: Ī-taāī kem kadə̄ m-ásə rāā yá̰a̰ ń noō a? Anī nin̄-tél ədanən̄ na: A̰á̰ā̰ Kɔ́ɔ̄ɓē.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

MATIYE 26:6

Jeju ndi kem kújə yā Simo̰ nge bānjə̄ tə́, kem ɓē kə́ Betani tə́.

Teē Ngán Israel gə̄ 4:6

Kɔ́ɔ̄ɓē əda Moijə na kə əndā jīn dɔ kemən tə́. Moijə əndā jīn dɔ kemən tə́. Dan ń un jīn anī, jīn i bānjə̄ malang, i bānjə̄ kə́ ndaa tītə̄ búy kūbə̄ beé.

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

1 YÁ̰A̰ GƏ̄ 21:16

Dabid ənī kumən kə̄ dɔɔ́ anī a̰a̰ de kə́ dɔ rā̰ tə́ yā Kɔ́ɔ̄ɓē ɓōdə̄ loo tə́, ra i dɔ dán dɔ rā̰ nin̄ kə dɔ nangaá tə́. Nge kəla ní ɔr̄ kaskar yān kem hɔ̄pə̄n tə́, ba əla kum kə̄ dɔ ɓē kə́ Jerusalem tə́. Dabid nin̄ kə kum kɔ̄ɔ́ gə̄ ń əlan̄ kūbə̄ kəhɔ ndoō rɔ̄də́ tə́ ní əsō sébən̄ kumdə́ nang tə́.

2 MBAN̄G 5:1

Naaman ń i ngol áskar gə̄ yā mban̄g kə́ Aram ní i deē kə́ kɔ́ɔ̄n gḛyn ngá̰ý, adə̄ a̰a̰ tan loo kɔr̄ najə̄ tə́ karī, tɔdɔ̄ Kɔ́ɔ̄ɓē tetə rɔ̄ɔ̄ adə̄ Aram gə̄ i kə kūl̄neé. Ba deē ngeé ń toō ń i go̰ rɔ̄ɔ̄ ní, i nge bānjə̄.

1 MBAN̄G GƏ̄ 18:39

Dan ń ngán Israel gə̄ a̰a̰n̄ yá̰á̰ ní anī, nin̄ malang əsōn̄ kə̄ nang tə́, ɔsən̄ nodə́ nang tə́ ba ədan̄ na: I Kɔ́ɔ̄ɓē ń i Nə́ɓā ní! I Kɔ́ɔ̄ɓē n i Nə́ɓā ní!

JOJUE 5:14

Deē ní tél ədan na: Mā i de kə́ dām̄ yāsí tə́ aĺ ō, kə́ dām̄ yā madə̄ ba̰ā̰sí gə̄ tə́ aĺ ō. Mā i ngol kósə́ ngé rɔ̄ɔ̄ gə̄ yā Kɔ́ɔ̄ɓē ba m-ūgə̄ i ngɔr ɓáý. Tā anī Jojue əsō sébə kumən nang tə́ rɔȳnneé ba ədan na: Mā i nge kəla yāí, i rí n kə m̄-rāā?

NDŪ NAJƏ̄ 24:8

Ə̄ndā kumií dɔ rɔ̄í tə́ najə̄ yā mo̰y bānjə̄ tə́. Yá̰a̰ malang ń m-ɔ́jə́ ngán Lebi kə́ ngé tun̄ yá̰a̰ gə̄ á nin̄ ndóōn̄sí ní, ə̄ndāī kumsí gírí majə ī-rāāī.

LEBI GƏ̄ 9:24

Hor teē rɔ̄ Kɔ́ɔ̄ɓē tə́ o̰o̰ dā̰ kə́ yā róō horoó kadə̄ Kɔ́ɔ̄ɓē ō, yibə̄ dā̰ gə̄ ō ń ton̄ dɔ loo tun̄ yá̰á̰ tə́ ní adə̄ ngán Israel gə̄ malang a̰a̰n̄. Nin̄-əgan̄ kɔŕ rɔ̄nel̄ ba ɔsən̄ nodə́ nang tə́ rɔȳnəń Kɔ́ɔ̄ɓē.

MARK 5:23

ba rāān ɓɔ́ ngá̰ý, ədan na: Ngōnə̄ḿ kə́ dəyá̰ a rāā yā kəhɔ tan kə̄ naā tə́, ba ī-reē, ə̄ndā jīí dɔn tə́ ādə̄ ajə ba ndi kə kumneé.

2 MBAN̄G 7:3

Dan ngeé ń noō tə́ ní ngé bānjə̄ gə̄ sɔ́ ndin̄ ta ɓē kə́ Samari tə́. Nin̄ ədan̄ naā dɔ dáńdə́ tə́ na: Jə-ndiī laā j-a jə-ngóōneé yo i tām̄ rí tə́?

2 MBAN̄G 5:27

Á̰a̰ā̰ bānjə̄ yā Naaman a əhɔ gōí ḭ̄ ō, gō ngání gə̄ ō, ngán kaaí gə̄ ō yā rāāsí bátə́ kə no tə́. Geaji əya̰ Elije ba aw̄. Rɔ̄ Geaji i bānjə̄ malang adə̄ tetə ndaa túĺ túĺ tītə̄ búy kūbə̄ beé.

LEBI GƏ̄ 13:16

Ba ré loo ní tél tetə ndaa anī, deē ní a tél yā reē rɔ̄ nge tun̄ yá̰á̰ tə́.

Najə̄ kə́ Majə yā Jeju ń Luk ndang ní 5:13

Jeju əla jīn ɔdənəń ba əda na: m̄-ndigə, ādə̄ rɔ̄í unjə̄ njáý njáý! Anī kə̄ ta jī tə́ noō bānjə̄ ur̄ rɔ̄ deē ní tə́ kɔ̄ɔ́.