Najə̄ kə́ Majə yā Jeju ń Luk ndang ní 4:7 - Bibəl ta Sar̄

⁷ Adə̄ ré ī-rɔȳm̄ anī, yá̰a̰ gə̄ ń noō malang i yāí tə́.

Bible sar

⁷ Adə̄ ré ī-rɔȳm̄ anī, yá̰a̰ gə̄ ń noō malang i yāí tə́.

Najə̄ kə́ Majə yā Jeju ń Luk ndang ní 4:7 Referans Kwoze

Najə̄ kə́ Majə yā Jeju ń Luk ndang ní 8:28

Dan ń a̰a̰ Jeju anī əga kɔŕ ngá̰ý ō, əsō kə̄ nang tə́ njan tə́ ō, ba un ndūn kə̄ dɔɔ́ ədań ngá̰ý ɓororo na: Jeju, Ngōn̄ Nə́ɓā kə́ dɔɔ́, yāí i rí seḿ? m̄-rāāī ɓɔ́ ba ī-lōō rāām̄ yá̰á̰ kə́ tōr̄.

JEJU TEĒ KUM JA̰A̰ 22:8

Deē ń oō najə̄ ń toō ō, a̰a̰ yá̰á̰ ń toō ō ní, i mā Ja̰a̰. Ba dan ń m-ōō ō, m-á̰a̰ā̰ ō anī, m-ə̄sō kə̄ nang tə́ nja de kə́ dɔ rā̰ tə́ ń ɔjəm̄ yá̰a̰ ngeé ń noō tə́ ní yā rɔȳn.

JEJU TEĒ KUM JA̰A̰ 5:8

Ba dan ń ni-taā makətūbə̄ ní oy anī, yá̰á̰ kə́ kə kumuú kə́ sɔ́ gə̄ ní ō, kum kɔɔ̄ kə́ kutə jōó gidə i sɔ́ gə̄ ní ō, əsōn̄ kə̄ nang tə́ non tə́. Kənde i jīdə́ gə̄ tə́ kógə̄ḿ kógə̄ḿ ō, kópə gə̄ kə́ rāā kə lɔ́rɔ́ kə́ ítər rosə kem gə̄ i jīdə́ gə̄ tə́ ō. Yá̰a̰ gə̄ ń noō i ndɔ̄ȳ yā de gə̄ kə́ ɔrə̄n̄ kam̄də́ tām̄ yā Nə́ɓā tə́.

JEJU TEĒ KUM JA̰A̰ 4:10

kum kɔɔ̄ kə́ kutə jōó gidə i sɔ́ gə̄ əsōn̄ kə̄ nang tə́ no nge ń ndi dɔ kōr̄ kāgə̄ mbang tə́ ní, nin̄-rɔȳn̄ nge ń ndi kə kumneé kə dɔ ɓāl̄ gə̄ ɓāl̄ gə̄ ní ō, nin̄-ɓōkə́n̄ jākā mbang yādə́ gə̄ nang tə́ no kōr̄ kāgə̄ mbang tə́ ō ba ədan̄ na:

Najə̄ kə́ Majə yā Jeju ń Luk ndang ní 17:16

reē ɔsə non nang tə́ nja Jeju tə́ ba ndadə̄n, ba deē ngeé ń noō i de kə́ Samari.

MATIYE 2:11

Nin̄-udən̄ kújú anī a̰a̰n̄ ngōn̄ ní nin̄ kə kó̰o̰n Mari. Nin̄-ɔsən̄ nodə́ nang tə́ non tə́ rɔȳnən̄neé. Gō tə́ anī teēn̄ ta sandúkə́ yá̰a̰ kənge yādə́ gə̄, ba ɔyn̄ lɔ́r ō, kajaja ō, nō kāgə̄ mír ō, ndējə̄n̄ ngōn̄ ní.

IJAI 46:6

Ngé kə́rēý gə̄ teēn̄ kə lɔ́ŕ kə́ ngá̰ý kem ngong yādə́ tə́. Nin̄ mbɔ̄jə́n̄ kɔȳ gində̄ arjā̰a̰ kə yá̰a̰ mbɔ̄jə́ kɔȳ yá̰á̰. Nin̄ dəjen̄ kɔdə̄ nge nōō yá̰a̰ kadə̄ rāā nə́ɓā kógə̄ḿ kə adə̄də́. Gō tə́ anī, nin̄ ɔsən̄ nodə́ nang tə́ no nə́ɓā ní tə́ ō, rɔȳnən̄ ō.

IJAI 45:14

Yá̰á̰ ń Kɔ́ɔ̄ɓē əda ní n toó: Israel, kan̄ kəla yā de gə̄ kə́ Ejiptə ō, nar yā de gə̄ kə́ Etiopi kə́ ngé rāā gātə̄ gə̄ ō, de kə́ Seba gə̄ ń nin̄ i de kə́ ngāl̄ ngá̰ý gə̄ ní ō, yá̰a̰ gə̄ ń noō malang ní, a aw̄n̄ looí ō, nin̄ i yá̰a̰ yāí gə̄ ō. Gír de gə̄ ń noō a unən̄ gōí, tṵ́ṵ̄n̄də́ i kə súĺ gēé. Nin̄ a ɔsən̄ kejədə́ nang tə́ noí tə́ ō, nin̄ a ədan̄ kə tɔ́gɔ́ noí tə́ na: Nə́ɓā i looí ngóy, nə́ɓā kə́ rang gətóo.

PĀ GƏ̄ 72:11

Mban̄g gə̄ malang a ɔsən̄ nodə́ nang tə́ non tə́. Nápar de gə̄ malang a rāān̄ kəla yān.

Najə̄ kə́ Majə yā Jeju ń Luk ndang ní 4:6

ba ədan na: M-ā m-ādī tɔ́gə dɔ ɓē ko̰o̰ gə̄ ń noō tə́ malang ō, kɔsə gɔn kə́ tū tə́ ō. Tɔdɔ̄ télən̄ kə yá̰a̰ gə̄ ń noō malang adə̄mə̄n̄ i mā adə̄ deē ń kemḿ ndigə anī m-ā m-ādə̄n.

Najə̄ kə́ Majə yā Jeju ń Luk ndang ní 4:8

Ba Jeju tūr̄ ədan na: I kə́ ndang kem makətūbūú na i Kɔ́ɔ̄ɓē Nə́ɓā yāí ngóy n ā rɔȳn ní ō, i ni ngóy n ā ī-rāā kəla yān ō ní.