Najə̄ kə́ Majə yā Jeju ń Luk ndang ní 4:18 - Bibəl ta Sar̄

¹⁸ Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

Bible sar

¹⁸ Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

Najə̄ kə́ Majə yā Jeju ń Luk ndang ní 4:18 Referans Kwoze

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

Najə̄ kə́ Majə yā Jeju ń Luk ndang ní 7:22

Gō tə́ anī ni-tūr̄ əda de gə̄ ń Ja̰a̰ əladə́ ní na: Yá̰á̰ ń sḭḭ̄ á̰a̰ī ō, ōōī ō ní āw̄ ɔ́jiī Ja̰a̰ gotə: Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

KƏLA RĀĀ 26:18

M-ə́laī i kadə̄ āw̄ i teē kumdə́, kadə̄ āw̄ ī-teē sedə́ kɔ̄ɔ́ kum til tə́ ba ī-reē sedə́ kum loo kə́ unjə̄ kow tə́, i kadə̄ āw̄ ī-teē sedə́ kɔ̄ɔ́ gíŕ tɔ́gə yā Sətan tə́ ba ī-reē sedə́ rɔ̄ Nə́ɓā tə́, yā kadə̄ taān̄ kemḿ anī əngen̄neé mā̰ȳ rɔ̄ dɔ majaĺ yādə́ gə̄ tə́ ō, kadə̄ əngen̄neé loo dan de gə̄ yā Nə́ɓā tə́ ō.

IJAI 42:7

De gə̄ ń kumdə́ a̰a̰ loo aĺ ní ā ī-teē kumdə́, ā ī-teē kə dəngáy gēé kɔ̄ɔ́ kem kújə dəngáy yādə́ tə́, ngé gə̄ ń ndin̄ kum til tə́ a ngóōn̄ ní, ā ī-teē sedə́ kɔ̄ɔ́ kem kújə yādə́ tə́.

JA̰A̰ 12:46

m̄-reē dɔ nang tə́ i kə́ loo kə́ unjə̄ kow tə́, yā kadə̄ náā nəkɔ́ ń taā kemḿ anī, ndi kum til tə́ alé.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

KOLOSƏ 1:13

Nə́ɓā ɔr̄jí kɔ̄ɔ́ gíŕ tɔ́gə yā til tə́, ba əndājí kem Ɓē ko̰o̰ yā Ngōn̄ kó tár yān tə́.

MATIYE 4:16

gír de gə̄ ń ndin̄ kum til tə́ ní, a̰a̰n̄ loo kə́ unjə̄ kow ngá̰ý. Ngé gə̄ ń ndin̄ ɓē ń yo o̰o̰ ɓē dɔ tə́, adə̄ loo kə́ tū tə́ risə til nding ní, loo a unjə̄ kow dɔdə́ tə́.

IJAI 32:3

Ngé gə̄ ń majə kadə̄ a̰a̰n̄ loo ní, a utə̄n̄ kumdə́ to̰ alé, ngé gə̄ ń majə kadə̄ oon̄ loo ní, mbīdə́ a oō loo majə.

PĀ GƏ̄ 147:3

I ni n i nge sɔl̄ kem ngé gə̄ ń kemdə́ nujə sá sák kɔ̄ɔ́ ní ō, nge kun rɔ̄ tōr̄ yādə́ gə̄ ō ní.

IJAI 35:5

Loo ń noō tə́ kum məndō gə̄ a a̰a̰ loo unjə̄ wáńg wáńg ō, mbī mbíkī gə̄ a oō loo ō.

MATIYE 5:3

Rɔ̄nel̄ i kə ngé gə̄ ń kemdə́ i kem de kə́ nge ndoō ní, tɔdɔ̄ Ɓē ko̰o̰ kə́ dɔ rā̰ tə́ i yādə́.

Najə̄ kə́ Majə yā Jeju ń Luk ndang ní 6:20

Loo ń noō tə́ Jeju ɔr̄ dɔn dɔɔ́ a̰a̰ ngé ndóō yá̰a̰ yān gə̄ ba əda na: Rɔ̄nel̄ i yāsí sḭḭ̄ ngé ndoō gə̄, tɔdɔ̄ Ɓē ko̰o̰ yā Nə́ɓā i yāsí!

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

IJAI 59:21

Kɔ́ɔ̄ɓē əda najə̄ kə́ rang dɔ tə́ ɓáý: Ba mā ɓáa, ndūḿ ń m-ə̄nī m-ādə̄ ngé gə̄ ń noō ní n toó: Ndílə́ḿ i dɔsí tə́ ō, m-ə̄ndā najə̄ yāḿ tasí tə́ ō. Nin̄ i tām̄ yāsí tə́ ō, tām̄ yā ngáńsí gə̄ tə́ ō, i tām̄ yā ngán kaasí gə̄ tə́ ō, ngɔlaā ō njɔ́ḿ kə̄ no tə́ ō. M-ā m̄-tél yā taādə́ jīsí tə́ kɔ̄ɔ́ aĺ i kə́ bátə́ gə̄ tə́. I mā Kɔ́ɔ̄ɓē n m-ə́da na najə̄ ń noō i rɔ̄kum ní.

IJAI 50:4

Kɔ́ɔ̄ɓē Nə́ɓā ndóōm̄ yá̰á̰ ń sɔɔ̄ kadə̄ m-ə́da yā kəlań go̰ kem deē ń tɔ́gən gətóo kɔ̄ɔ́ tə́ ní. Ni ndólə̄m̄ dɔ ɓīī tə́ dəloí kə dɔ ndɔ̄ gə̄, yā kadə̄ m-ōō loo tītə̄ ngōn̄ nge ndoō kə́ majə beé.

PĀ GƏ̄ 102:20

Kɔ́ɔ̄ɓē ndi dɔɔ́ kem kújə́ kə́ táĺ yān tə́ ba əga kumən kə̄ nang tə́ a̰a̰ń loo. Kɔ́ɔ̄ɓē ndi dɔ rā̰ tə́ a̰a̰ń loo kə̄ dɔ nang tə́,

DANIEL 9:24

Gāngə̄n̄ ɓāl̄ sīrí dɔ gír deē yāí gə̄ tə́ ō, dɔ ɓē yāí kə́ táĺ tə́ ō, yā rāań kadə̄ gír mbātə́ najə̄ gān̄g, kadə̄ gír rāā yá̰á̰ kə́ majaĺ gān̄g ō, kadə̄ Nə́ɓā mā̰yń rɔ̄n dɔ majaĺ gə̄ tə́ ō, kadə̄ yá̰á̰ kə́ gōtə́ kə́ ngándáńg ɔjəń rɔ̄n kə̄ ndágá ō, kadə̄ yá̰á̰ kə́ ka̰ā̰ ō najə̄ ń nge koō ta əda ní ō reē udən̄neé gíŕ kə́ rɔ̄ tə́ ō, kadə̄ urən̄neé yibə̄ dɔ loo kə́ táĺ ngá̰ý tə́ ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 49:9

M-ə́da dəngáy gə̄, m-ə́dá ngé gə̄ ń ndin̄ kum til tə́ ní na: Ī-teēī, ī-reēī kum loo kə́ unjə̄ kow tə́! Nin̄ a əngen̄ yá̰a̰ kəsa kə gō kadə róbó, a asən̄ kəsa yá̰a̰ dɔ ngán mbal̄ gə̄ tə́ malang.

IJAI 45:13

I mā n m̄-rāā kadə̄ dəngam ń noō ɔr̄ dɔɔ́ yā reē ní, i kə ta kūl̄ kun ndū kə́ gōtə́ ō, yá̰a̰ gə̄ ń dēsə́n̄ rɔ̄də́ non tə́ ɔgə̄nən̄ mān̄ ní, m-ā m̄-ró̰ȳdə́ kɔ̄ɔ́ ō. Jerusalem ń i ɓē yāḿ ní, i ni n i nge tél rāān gogə́ ní. De gə̄ yāḿ gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a rāā kadə̄ nin̄ tél reēn̄ gogə́. Nin̄ a əgān̄ yá̰á̰ kógə̄ḿ aĺ ō, a adə̄n̄ yá̰á̰ kógə̄ḿ aĺ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

PĀ GƏ̄ 34:18

De kə́ sew gə̄ əgan̄ kɔŕ anī Kɔ́ɔ̄ɓē oō ō, ɔr̄də́ kɔ̄ɔ́ kem wur kɔl yādə́ gə̄ tə́ malang ō.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

JA̰A̰ 1:41

Deē ń Andəre əngen kété ní i Simo̰, anī ni-əda ngōkó̰o̰n na n-əngen̄ Mesi. Mesi kə ta ɓē yādə́ ní kumən na i Kərist.

MATIYE 12:20

A tetə tə̄ɓā kə́ rugə aĺ ō, a tɔ̄l̄ hor ń a o̰o̰ njḛḛ tū lámbá tə́ ní aĺ ō, bátə́ kadə̄ ni-rāań kadə̄ yá̰á̰ kə́ gōtə́ tetə rɔ̄ɔ̄.

PĀ GƏ̄ 51:17

Kɔ́ɔ̄ɓē, ī-teē taḿ ādə̄ m̄-ɓōkíīneé tɔ̄ȳ.

JAKARI 11:11

Adə̄ kum mbang ngeé ń noō tə́ ní, madə̄ naā i kə́ ngān̄g kɔ̄ɔ́. Ngé kigə yá̰a̰ gə̄ ń nin̄ i de kə́ rɔ̄kum aĺ gə̄ á ra a̰a̰mə̄n̄ ní, gerə̄n̄ kadə̄ i Kɔ́ɔ̄ɓē n ɔr̄ najə̄ kə ta kūl̄ yá̰á̰ gə̄ ń m̄-rāā ní.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

TA KƏLA 3:15

M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.

KƏLA RĀĀ 4:27

Najə̄ ní i rɔ̄kum, tɔdɔ̄ Herod ō, Po̰sə Pilatə ō, nápar de kə́ rang gə̄ ō, Israel gə̄ ō, ɓoon̄ naā kem ɓē ń toō tə́ dɔ Jeju nge kəla yāí kə́ táĺ tə́, ni ń úr yibə̄ ngār dɔn tə́ ní.

PĀ GƏ̄ 45:7

Nə́ɓā, kōr̄ kāgə̄ mbang yāí ndi ngándáńg. Kāgə̄ mban̄g yāí i yá̰a̰ rāāí kə́ súmūú ō.

2 YÁ̰A̰ GƏ̄ 34:27

Najə̄ kə́ dɔ Jerusalem tə́ ō, dɔ de kə́ kemeé gə̄ tə́ ō ń m-ɔ̄r̄ kemeé ní ḭ̄ ī-nēl̄ mbīí majə ōoń, tɔdɔ̄ najə̄ ní tōr̄ kemií adə̄ ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ gə̄ kə́ rɔ̄í tə́ ō, ī-nōō kə man̄ kumií ō. Ní mā Kɔ́ɔ̄ɓē m-ə́daī na m-ōō ndūí.

MATIYE 12:18

Nge kəla yāḿ ń m̄-gə̄rān ní n toó, kó tár yāḿ ń nelə̄m̄ seneé adə̄ m̄-gə̄rān ní. M-ā m̄-rāā kadə̄ Ndílə́ḿ a ndi dɔn tə́, adə̄ a ɔjə nápar de gə̄ yá̰á̰ kə́ gōtə́ kə́ yā rāā.

Najə̄ kə́ Majə yā Jeju ń Luk ndang ní 4:17

Anī adə̄nən̄ makətūbə̄ yā Ijai nge koō ta. Ni-tútə gidə naā tə́ anī ənge loo ń ndangən̄ najə̄ ń toō tū tə́ ní:

KƏLA RĀĀ 4:26

Mban̄g kə́ dɔ nang tə́ gə̄ ḭḭn̄ kə rɔ̄ɔ́ ō, ngar̄ gə̄ ɓoon̄ naā dɔ Kɔ́ɔ̄ɓē tə́ ō, dɔ Kərist yān tə́ ō.