Najə̄ kə́ Majə yā Jeju ń Luk ndang ní 4:1 - Bibəl ta Sar̄

¹ Jeju ń Ndíĺ kə́ Táĺ rosə kemən ní tél bā Jurdḛ tə́, anī Ndíĺ kə́ Táĺ ɔrən ta róbə aw̄ seneé kem dəla loo tə́. Ni-ndi noó ndɔ̄ kutə sɔ́,

Bible sar

¹ Jeju ń *Ndíĺ kə́ Táĺ rosə kemən ní tél bā Jurdḛ tə́, anī Ndíĺ kə́ Táĺ ɔrən ta róbə aw̄ seneé kem dəla loo tə́. Ni-ndi noó ndɔ̄ kutə sɔ́,

Najə̄ kə́ Majə yā Jeju ń Luk ndang ní 4:1 Referans Kwoze

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

JA̰A̰ 1:32

Gō tə́ anī, Ja̰a̰ ɔr̄ najə̄ kə́ kum tə́ ɓáý to̰ əda na: M-á̰á̰ Ndíĺ ḭḭ dɔ rā̰ tə́ tītə̄ dér beé ba ndi dɔn tə́.

MATIYE 3:16

Dan ń rāān̄ Jeju batém oy anī, ni-teē kum man̄ tə́. Ta dɔ rā̰ teē, anī ni-a̰a̰ Ndíĺ Nə́ɓā ḭḭ dɔ rā̰ tə́ jə̄ngā tītə̄ dér ndaa ba reē ndi dɔn tə́.

EJEKIEL 3:14

Ndíĺ unəm̄ nang tə́ kum kə̄ dɔɔ́ ní, aw̄ seḿ. Kɔ́ɔ̄ɓē əhɔm̄ kə tɔ́gəneé i kəhɔ kə́ m-ásə dum̄ tan aĺ ō, m-āw̄ i kə kemḿ kə́ nelə̄m̄ aĺ ō, wōn̄g rāām̄ ō.

Najə̄ kə́ Majə yā Jeju ń Luk ndang ní 4:14

Jeju tél dɔ tə́, aw̄ gogə́ dɔ nang kə́ Galile tə́ kə tɔ́gə yā Ndíĺ kə́ Táĺ ō, rīn ɓār̄ ngá̰ý gō nang ngeé ń noō tə́ malang ō.

KƏLA RĀĀ 8:39

Dan ń teēn̄ kum man̄ tə́ anī, Ndíĺ Kɔ́ɔ̄ɓē un Pilipə aw̄ seneé kɔ̄ɔ́. Áji mbang ní a̰a̰n to̰ alé, ba ni-un róbə yān kə rɔ̄nelēé.

1 MBAN̄G GƏ̄ 19:4

Nəkɔ́ njə̄rā ndɔ̄ kógə̄ḿ aw̄ń kem dəla loo tə́. Dan ń ugə̄ kem dəla loo tə́ anī, aw̄ ndi gír kāgə̄ jene kógə̄ḿ kə́ ra kə kérneé tə́. Ni ndə̄ngā yo əda na: Ngɔlaā m-ásə to̰ alé. Kɔ́ɔ̄ɓē, ī-taām̄ kə̄ rɔ̄í tə́, tɔdɔ̄ m̄-majə m̄-tɔȳ kaaḿ gə̄ alé.

KƏLA RĀĀ 1:2

bátə́ m-ūgəń dɔ ngé kə́ ndɔ̄ ń un aw̄n̄neé seneé dɔ rā̰ tə́ ní. Kété pá tá kadə̄ ni-aw̄ ní, ɔjə ngámbang kəla gə̄ ń ni-gə̄rādə́ ní yá̰a̰ gə̄ kə ta kūl̄ tɔ́gə yā Ndíĺ kə́ Táĺ.

Najə̄ kə́ Majə yā Jeju ń Luk ndang ní 2:27

Ndíĺ kə́ Táĺ ɔsə seneé adə̄ aw̄ kem kújə yā Kɔ́ɔ̄ɓē tə́. Dan ń ngé kojə Jeju gə̄ reēn̄ kə kásə̄ Jeju yā rāā yá̰á̰ ń ndū najə̄ əda dɔn tə́ ní anī,

Najə̄ kə́ Majə yā Jeju ń Luk ndang ní 3:3

Ni un gō nang malang kə́ kə gō kadə bā Jurdḛ ənīń mbēr̄ batém kə́ yā kadə̄ de gə̄ tūrəń háĺdə́ ō, Nə́ɓā mā̰yń rɔ̄n dɔ majaĺ yādə́ gə̄ tə́.

1 MBAN̄G GƏ̄ 18:12

Ré m-ə́ya̰ī ba m-ɔ́tə kɔ̄ɔ́ anī, Ndíĺ Kɔ́ɔ̄ɓē a reē yā kuniī kaw̄ seí loo kə́ m-ā m̄-ger̄ aĺ tə́. Ré m-ə́da Akab kōōí ba əngeī aĺ anī a tɔ̄lə̄m̄. Tá mā m-ə́lá gír ɓōĺ Kɔ́ɔ̄ɓē i dan ń mā i balsáá ɓáý ní.

Najə̄ kə́ Majə yā Jeju ń Luk ndang ní 3:38

kə́ ngōn̄ Enos, kə́ ngōn̄ Set, kə́ ngōn̄ Adam, kə́ ngōn̄ Nə́ɓā.