Najə̄ kə́ Majə yā Jeju ń Luk ndang ní 3:17 - Bibəl ta Sar̄

¹⁷ Ni-əhɔ yá̰á̰ tóó yá̰a̰ jīn tə́. Ni a ɔy njár̄ kōō kə́ kem ngárāá kə̄ kem mō̰ȳ yān tə́, ba təsán tá a róō kum hor kə́ a oy aĺ bátə́ tə́.

Bible sar

¹⁷ Ni-əhɔ yá̰á̰ tóó yá̰a̰ jīn tə́. Ni a ɔy njár̄ kōō kə́ kem ngárāá kə̄ kem mō̰ȳ yān tə́, ba təsán tá a róō kum hor kə́ a oy aĺ bátə́ tə́.

Najə̄ kə́ Majə yā Jeju ń Luk ndang ní 3:17 Referans Kwoze

MATIYE 13:30

Ní, kə əya̰n̄də́ kadə̄ tɔgən̄ naā tə́ mbak, ré na i ndɔ̄ kəja kōō tə́ pá tá. Ndɔ̄ n noō tə́ tā anī n-a n-əda ngé kəja kōō gə̄ kadə̄ tə́gān̄ bar̄ gə̄ kété, kə tṵ́ṵ̄n̄ yā róōdə́ horó, ba kōō gə̄ tá kə ɓōkə́n̄də́ kem mō̰ȳ yān tə́.

MISE 4:12

De gə̄ ngeé ń noō ní, nin̄ gerə̄n̄ yá̰a̰ gə̄ ń Kɔ́ɔ̄ɓē ɔjə rāā ní alé. Yá̰a̰ gə̄ ń ni gír̄ rāā ní, nin̄ gerə̄n̄ kum alé. Ni gḛy kɔsə njadə́ kə̄ naā tə́ tītə̄ loo kɔsə dɔ do̰ō̰ kōō gémē kə̄ naā tə́ beē, ndágə loo kənda kōō gémē tə́ tə́.

JEREMI 15:7

M-ún keē kógə̄ḿ kadə̄ m̄-tə̄ndā m̄-tḭ̄ḭń de kə́ kem ɓēé gə̄ kə̄ loo gə̄ tə́. m̄-tɔ̄l̄ ngán kem gír deē yāḿ gə̄ kɔ̄ɔ́. m̄-nujə kə gír deē yāḿ gēé sák sák kɔ̄ɔ́, banī tūrə̄n̄ háĺdə́ alé.

PĀ GƏ̄ 1:4

Banī yā ngé kem ndul gə̄ i tītə̄ ń noō alé, nin̄ ton̄ i tītə̄ təsá kə́ nél tə̄ndā tḭ̄ḭ̄ kə̄ loo gə̄ tə́ beē.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

IJAI 30:24

Man̄g gə̄ kə kərō gə̄ ń a ndɔrə̄n̄ dɔ nang ní, a əsan̄ mu kə́ nel̄ tadə́. A selə́n̄ mu ní nang tə́ i kə pélé ō, kə yá̰a̰ rāā kəla kə́ laan gar gajə ō.

Najə̄ kə́ Majə yā Jeju ń Luk ndang ní 3:18

Ja̰a̰ ɔjə ngán Israel gə̄ najə̄ dɔ yá̰á̰ kə́ rang gə̄ tə́ ngá̰ý ɓáý to̰. Ni ɔjədə́ Najə̄ kə́ Majə i tītə̄ ń noō.