Najə̄ kə́ Majə yā Jeju ń Luk ndang ní 3:16 - Bibəl ta Sar̄

¹⁶ Anī Ja̰a̰ tūr̄ ədadə́ malang na: Mā m̄-rāāsí batém, banī deē kógə̄ḿ kə́ tɔ́gən tɔȳ yāḿ a reē noó, kəla sākə̄rā kə́ njan tə́ gə̄gē ní mā m-ásə́ tútə alé. Ni a rāāsí batém kə Ndíĺ kə́ Táĺ ō, kə horoó ō.

Bible sar

¹⁶ Anī Ja̰a̰ tūr̄ ədadə́ malang na: Mā m̄-rāāsí *batém, banī deē kógə̄ḿ kə́ tɔ́gən tɔȳ yāḿ a reē noó, kəla sākə̄rā kə́ njan tə́ gə̄gē ní mā m-ásə́ tútə alé. Ni a rāāsí batém kə *Ndíĺ kə́ Táĺ ō, kə horoó ō.

Najə̄ kə́ Majə yā Jeju ń Luk ndang ní 3:16 Referans Kwoze

KƏLA RĀĀ 1:5

Tɔdɔ̄ Ja̰a̰ rāā de gə̄ batém i kum man̄ tə́, banī na̰y ndɔ̄ i ngá̰ý aĺ kadə̄ a rāān̄sí batém kum Ndíĺ kə́ Táĺ tə́.

MATIYE 3:11

Mā m̄-rāāsí batém i kadə̄ ī-tūrīneé háĺsí. Ba nge ń a reē gōḿ tə́ ní, tɔ́gən tɔȳ yāḿ mā. Kɔr̄ sākə̄rā kə́ njan tə́ gə̄gē ngóý ní, mā m-ásə alé. Ni a rāāsí batém kum Ndíĺ kə́ Táĺ tə́ ō, kum hor tə́ ō.

JA̰A̰ 1:33

Kété m̄-gerə̄n alé, ba nge ń əlam̄ rāā de gə̄ batém tə́ kum man̄ tə́ ní ədam̄ na: Deē ń ā á̰á̰ Ndíĺ jə̄ngā dɔ rā̰ tə́ ndi dɔn tə́ ní, i nge ń a rāā de gə̄ batém kum Ndíĺ kə́ Táĺ tə́ ní.

JA̰A̰ 1:26

Ja̰a̰ tél ədadə́ na: Mā m̄-rāā de gə̄ batém i kə́ maná, ba deē kógə̄ḿ kə́ ī-ger̄niī alé i dansí tə́ laā.

1 KORḚNTƏ 12:13

Tām̄ jḭḭ̄ malang ní, Jipə gə̄ gə̄gē, de gə̄ kə́ nin̄ i Jipə aĺ gə̄ gə̄gē, ɓəlo gə̄ gə̄gē, de kə́ kɔ́ɔ̄ rɔ̄də́ gə̄ gə̄gē ní, rāān̄jí i batém Ndíĺ kə́ Táĺ kə́ kógə̄ḿ beé, i kadə̄ jə-téliī rɔ̄ de kə́ kal kógə̄ḿ beē. Tá jḭḭ̄ malang ní j-a̰yī i Ndíĺ kə́ kógə̄ḿ beē ō.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

IJAI 32:15

Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

IJAI 4:4

Kɔ́ɔ̄ɓē a rāā kadə̄ néĺ yá̰á̰ kə́ gōtə́ ō, néĺ kə́ a tə́go deē kadə̄ unjə̄ ō əla. Dan ń ni a tə́gó yá̰á̰ kə́ yḛr gə̄ kə́ rɔ̄ dəyá̰ kə́ Jerusalem tə́ gə̄ tītə̄ ń noō anī, dan ń ni a tə́gó mósə́ ń ɓē kə́ Siyo̰ ɓōkə́ nang tə́ ɓēé looneé ní,

Gōsə̄ najə̄ gə̄ 1:23

Ōōī gír kə́ kemḿ tə́. Á̰a̰ī, m-ā m̄-rāā kadə̄ ndílə́ḿ a risə dɔsí tə́, m-ā m-ə́dásí najə̄ yāḿ kadə̄ ī-gerī.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

JA̰A̰ 7:38

Deē ń taā kemḿ anī, tītə̄ ń ndangən̄neé kem makətūbə̄ tə́ ní, man̄ kə́ ngá̰ý kə́ a rāā kadə̄ deē ndi kə kumneé a kə̄rā kemən tə́ tiriri.

KƏLA RĀĀ 10:44

Piyer ɔr̄ gíŕ yá̰a̰ gə̄ ń toō təgā aĺ ɓáý anī, Ndíĺ kə́ Táĺ reē dɔ de gə̄ malang ń oōn̄ najə̄ kɔrə̄n ní tə́.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

JA̰A̰ 1:27

Ni a reē gōḿ tə́, ba mā tā a tútə kəlā sākə̄rā kə́ njan tə́ gə̄gē ngóý ní, m-ásə́ tútə alé.