Najə̄ kə́ Majə yā Jeju ń Luk ndang ní 3:11 - Bibəl ta Sar̄

¹¹ Ni tūr̄ ədadə́ na: Deē ń kūbə̄ yān i jōó anī, ādə̄ adə̄ deē ń nal̄ ní kógə̄ḿ ō, deē ń i kə yá̰a̰ kəsaá ní ādə̄ rāā tītə̄ ń noō ō.

Bible sar

¹¹ Ni tūr̄ ədadə́ na: Deē ń kūbə̄ yān i jōó anī, ādə̄ adə̄ deē ń nal̄ ní kógə̄ḿ ō, deē ń i kə yá̰a̰ kəsaá ní ādə̄ rāā tītə̄ ń noō ō.

Najə̄ kə́ Majə yā Jeju ń Luk ndang ní 3:11 Referans Kwoze

1 JA̰A̰ 3:17

Ré deē kógə̄ḿ aw̄ kə yá̰a̰ kənge kə́ dɔ nang tə́ laā ō, a̰a̰ ngōkó̰o̰n kə́ yá̰a̰ tōr̄ rɔ̄n ō, ba kumən o̰o̰n tām̄ yān tə́ aĺ ní, ni-táŕ Nə́ɓā i ba̰ý?

1 TIMOTE 6:18

Ə́dádə́ kadə̄ rāān̄ majə kə de gēé ō, kadə̄ rāān̄ yá̰á̰ kə́ majə ngá̰ý ō, kadə̄ adə̄n̄ de gə̄ yá̰a̰ ngá̰ý ō, kadə̄ kēgə̄n̄ yá̰a̰ yādə́ gə̄ adə̄n̄ madə̄də́ gə̄ tə́ ō.

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

1 JA̰A̰ 4:20

Ré deē kógə̄ḿ əda na n-táŕ Nə́ɓā, banī ni-im̄ ngōkó̰o̰n anī, ni i nge sor̄. Tɔdɔ̄ ré deē tár ngōkó̰o̰n ń a̰a̰n kə kumneé ní aĺ anī, Nə́ɓā ń ni-a̰a̰n kə kumneé aĺ ní, loo kadə̄ a tárən i ba̰ý?

JAKƏ 1:27

Rɔȳ Nə́ɓā kə́ kə gō ń Bɔbə̄jí Nə́ɓā ndigə ní, i go̰ō̰ ngán hal gə̄, kə dəyá̰ kə́ ngaa koy gə̄, dan wur kɔl yādə́ tə́ ō, i ngɔ̄m̄ rɔ̄ najə̄ yá̰á̰ kə́ yḛr gə̄ malang kə́ dɔ nang tə́ ō.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

KƏLA RĀĀ 10:31

ba ədam̄ na: Kɔrney, Nə́ɓā oō ndɔ̄ȳ yāí ō, dɔn ndígə̄nal rāā ń ī-rāā kə ngé ndoō gēé ní aĺ ō.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

KƏLA RĀĀ 10:2

Ni i de kə́ nge rāā yá̰a̰ kə gō ń Nə́ɓā ndigə ní ō, tá ni ō de kə́ kem kújə yān tə́ gə̄ malang ō ní, rāān̄ kəla adə̄n̄ Nə́ɓā ō. Ni-rāā kə Jipə kə́ ngé ndoō gə̄ ngá̰ý ō, ndɔ̄ȳ Nə́ɓā kə kum mbang gə̄ malang ō.

JA̰A̰ 13:29

Dan ń Judas i nge ngɔ̄m̄ ngong nar ní, de kə́rēý gə̄ gírə̄n̄ kadə̄ Jeju ədan i najə̄ mang yá̰á̰ kə́ tām̄ yā nāā tə́, aláa na mērən i kadə̄ ngé ndoō gə̄ yá̰a̰.

Najə̄ kə́ Majə yā Jeju ń Luk ndang ní 19:8

Banī Jase ḭḭ ra no Jeju tə́, ba ədan na: Kɔ́ɔ̄ɓē kə́ rɔ̄kum tə́ ní, m-ā m-ādə̄ núsə yá̰a̰ kənge yāḿ gə̄ ngé ndoō gə̄. Tá ré m̄-rāā yá̰á̰ kə́ gōtə́ aĺ kə deē kógə̄ḿ anī, m-ā m̄-tél yā kadə̄ kɔ́ɔ̄ yá̰a̰ yān gogə́ kadə̄ mān̄ dɔɔ́ nja sɔ́.

EJEKIEL 18:7

Ni-əsa tətō deē aĺ ō, ɓogə yá̰a̰ yā deē aĺ ō. Yá̰á̰ ń deē adə̄n tə̄nań yá̰a̰ jīn tə́ ní, ni téləń adə̄ kɔ́ɔ̄ gogə́. Deē ń ɓō rāān ní, ni-adə̄n yá̰a̰ kəsa ō, deē ń rɔ̄n i karī ní, ni-adə̄n kūbə̄ ō.

EPEJƏ 4:28

Kadə̄ de kə́ ɓogə kété ɓogə to̰ alé, ba rāā kəla kə́ majə kə jīneé, yā kadə̄ ni-əngeń yá̰á̰ kə́ yā kadə̄ ngé gə̄ ń ndoō rāādə́ ní.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

JAKƏ 2:14

Ngákó̰ó̰ḿ gə̄, ré deē kógə̄ḿ əda na ni na n-taā kem Nə́ɓā, ba kəla rāān gə̄ gətóo anī, taā kem yān ní a teēn i rí? A asə kajən a?