Najə̄ kə́ Majə yā Jeju ń Luk ndang ní 24:52 - Bibəl ta Sar̄

⁵² Nin̄-ɔsən̄ nodə́ nang tə́ non tə́, ba télən̄ kə rɔ̄nelēé ngá̰ý aw̄n̄ Jerusalem gogə́.

Bible sar

⁵² Nin̄-ɔsən̄ nodə́ nang tə́ non tə́, ba télən̄ kə rɔ̄nelēé ngá̰ý aw̄n̄ *Jerusalem gogə́.

Najə̄ kə́ Majə yā Jeju ń Luk ndang ní 24:52 Referans Kwoze

MATIYE 28:9

Jeju tə́nī tadə́ ba ədadə́ na: m̄-rāāsí lápə́ya! Nin̄-reēn̄ rɔ̄n tə́ əhɔn̄ njan, ba ɔsən̄ nodə́ nang tə́ non tə́.

JA̰A̰ 16:22

I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

PĀ GƏ̄ 30:11

Kɔ́ɔ̄ɓē, ōō ndūḿ, á̰a̰ kum tō ndoō yāḿ! Kɔ́ɔ̄ɓē, ī-rāā seḿ!

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

JA̰A̰ 20:28

Toma tél ədan na: Kɔ́ɔ̄ɓē yāḿ ō, Nə́ɓā yāḿ ō.

JA̰A̰ 14:28

Sḭḭ̄ ōōī najə̄ ń m-ə́dásí ní. M-ə́da na: M-ā m-āw̄, ba m-ā m̄-tél yā reē rɔ̄sí tə́. Ré ī-tármī anī, rɔ̄sí a nel̄sí tām̄ kaw̄ḿ kə̄ rɔ̄ Bɔbə́ḿ tə́, tɔdɔ̄ Bɔbə́ḿ i kə́ bo tɔȳm̄.

MATIYE 28:17

Dan ń a̰a̰n̄ Jeju anī, ɔsən̄ nodə́ nang tə́ non tə́, banī kem ngé kə́rēý gə̄ tɔ́sə̄də́.

JA̰A̰ 16:7

Banī m-ə́dásí najə̄ kə́ rɔ̄kum: I só tə́ tām̄ yāsí tə́ kadə̄ m-āw̄. Tɔdɔ̄ ré m-āw̄ aĺ anī, nge dḭḭ̄sí a reē rɔ̄sí tə́ alé. Ba ré m-āw̄ anī, m-ā m-ə́la seneé yā kadə̄sí.

Najə̄ kə́ Majə yā Jeju ń Luk ndang ní 24:51

Ba dan ń ni a tɔ́r̄ tan dɔdə́ tə́ tītə̄ ń noō ní anī, ɔr̄ rɔ̄n rɔ̄də́ tə́ ba aw̄n̄ seneé dɔ rā̰ tə́.

Najə̄ kə́ Majə yā Jeju ń Luk ndang ní 24:53

Nin̄-ndin̄ kem kújə yā Kɔ́ɔ̄ɓē tə́ kə dɔ ndɔ̄ gə̄ yā kɔr ta Nə́ɓā.

KƏLA RĀĀ 1:12

Loo ń noō tə́ ngámbang kəla gə̄ ḭḭn̄ dɔ ngán mbal̄ ń a ɓārə́n̄ na i ngōn̄ mbal̄ kāgə̄ olibə gə̄ ní tə́ ba tél aw̄n̄ gogə́ Jerusalem. Kḭḭ dɔ mbal̄ ní tə́ kaw̄ kə̄ kem ɓēé asə kilometər kógə̄ḿ beē ngóy.