Najə̄ kə́ Majə yā Jeju ń Luk ndang ní 24:51 - Bibəl ta Sar̄

⁵¹ Ba dan ń ni a tɔ́r̄ tan dɔdə́ tə́ tītə̄ ń noō ní anī, ɔr̄ rɔ̄n rɔ̄də́ tə́ ba aw̄n̄ seneé dɔ rā̰ tə́.

Bible sar

⁵¹ Ba dan ń ni a tɔ́r̄ tan dɔdə́ tə́ tītə̄ ń noō ní anī, ɔr̄ rɔ̄n rɔ̄də́ tə́ ba aw̄n̄ seneé dɔ rā̰ tə́.

Najə̄ kə́ Majə yā Jeju ń Luk ndang ní 24:51 Referans Kwoze

KƏLA RĀĀ 1:9

Dan ń ni-ədadə́ yá̰a̰ gə̄ ń toō oy anī, ḭḭ ta kumdə́ tə́ ɗil ta kaw̄ kə̄ dɔ rā̰ tə́. Gō tə́ anī kil̄ man̄ kógə̄ḿ reē utə̄ dɔn kɔ̄ɔ́ ɔgə̄də́ ka̰a̰n.

JA̰A̰ 20:17

Jeju ədan na: Ɔ́dəm̄ alé, tɔdɔ̄ m-āw̄ rɔ̄ Bɔbə́ḿ tə́ aĺ ɓáý. Ba āw̄ ə́dá ngákó̰ó̰ḿ gə̄ na m-āw̄ kə̄ rɔ̄ Bɔbə́ḿ ń i Bɔbə̄sí ō, kə̄ rɔ̄ Nə́ɓā yāḿ ń i Nə́ɓā yāsí ō ní tə́.

2 MBAN̄G 2:11

Nin̄ wálə̄n̄ najə̄ dɔɔ́ dɔɔ́ a aw̄n̄neé anī, púsə hor kógə̄ḿ kə sə́nda hor gēé kēgə̄ndə́ naā tə́. Eli aw̄ dɔ rā̰ tə́ dan nél māĺ tə́.

HEBƏRO 4:14

I beé ní, adə̄ j-əhɔī taā kem ń j-ɔjiī najə̄n ní adə̄ ngan̄g, tɔdɔ̄ j-awī kə ngol ngé tun̄ yá̰a̰ gə̄ kə́ tɔ́gən i ngá̰ý, kə́ aw̄ bátə́ ugə̄ rɔ̄ Nə́ɓā tə́, adə̄ i Jeju, ni i Ngōn̄ Nə́ɓā.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

MARK 16:19

Gō tə́ dan ń Kɔ́ɔ̄ɓē Jeju ɔr̄ najə̄ sedə́ oy anī, un aw̄n̄ seneé dɔ rā̰ tə́, adə̄ ndi dɔ jī ko̰ Nə́ɓā tə́.

Najə̄ kə́ Majə yā Jeju ń Luk ndang ní 24:50

Gō tə́ anī, ni-ɔydə́ gōn tə́, ba aw̄n̄ kumdə́ kə́ Betani. Loo ń noō tə́ ni-ɔy jīn kə̄ dɔɔ́ ba tɔ́r̄ tan dɔdə́ tə́.

Najə̄ kə́ Majə yā Jeju ń Luk ndang ní 24:52

Nin̄-ɔsən̄ nodə́ nang tə́ non tə́, ba télən̄ kə rɔ̄nelēé ngá̰ý aw̄n̄ Jerusalem gogə́.