Najə̄ kə́ Majə yā Jeju ń Luk ndang ní 24:50 - Bibəl ta Sar̄

⁵⁰ Gō tə́ anī, ni-ɔydə́ gōn tə́, ba aw̄n̄ kumdə́ kə́ Betani. Loo ń noō tə́ ni-ɔy jīn kə̄ dɔɔ́ ba tɔ́r̄ tan dɔdə́ tə́.

Bible sar

⁵⁰ Gō tə́ anī, ni-ɔydə́ gōn tə́, ba aw̄n̄ kumdə́ kə́ Betani. Loo ń noō tə́ ni-ɔy jīn kə̄ dɔɔ́ ba tɔ́r̄ tan dɔdə́ tə́.

Najə̄ kə́ Majə yā Jeju ń Luk ndang ní 24:50 Referans Kwoze

KƏLA RĀĀ 1:12

Loo ń noō tə́ ngámbang kəla gə̄ ḭḭn̄ dɔ ngán mbal̄ ń a ɓārə́n̄ na i ngōn̄ mbal̄ kāgə̄ olibə gə̄ ní tə́ ba tél aw̄n̄ gogə́ Jerusalem. Kḭḭ dɔ mbal̄ ní tə́ kaw̄ kə̄ kem ɓēé asə kilometər kógə̄ḿ beē ngóy.

MATIYE 21:17

Gō tə́ anī, əya̰də́ ba teē kɔ̄ɔ́ kem ɓēé aw̄ Betani, aw̄ ɓīī kə̄ tū tə́ noō.

TA KƏLA 49:28

I de gə̄ ń noō malang n ré ɓoon̄ naā anī, nin̄ i gír ɓē kə́ kutə gidə i jōó yā Israel ní. Bɔbə̄də́ tɔ́r̄ tan dɔdə́ tə́ i tītə̄ ń noō. Kum najə̄ gə̄ ń bɔbə̄də́ tɔ́rəń tan dɔdə́ tə́ kógə̄ḿ kógə̄ḿ ní tītə̄ ń naā alé.

MARK 11:1

Dan ń Jeju nin̄ kə ngé ndóō yá̰a̰ yān gēé əndān̄ dɔ ɓē kə́ Jerusalem, adə̄ nin̄ i ngɔr kə̄ kadə ɓē kə́ Betpaje tə́ o, Betani tə́ ō, kum kə̄ mbal̄ kāgə̄ olibə gə̄ tə́ ní anī,

MARK 10:16

Gō tə́ anī ni-ɓir̄də́ kə̄ rɔ̄n tə́ dagə, ba əndā jīn dɔdə́ tə́ ō, tɔ́r̄ tan dɔdə́ tə́ ō.

TA KƏLA 48:9

Anī Jəjep tél əda bɔbə̄n na i ngán gə̄ ń Nə́ɓā na adə̄n dɔ nang kə́ Ejiptə tə́ ní. Israel əda na kə reē sedə́ kə̄ rɔ̄n tə́ kadə̄ kə n-tɔ́r̄ tan dɔdə́ tə́.

TA KƏLA 27:4

Ī-ndīr̄ yá̰á̰ kə́ nel̄ taḿ ī-reēń ādə̄ m-ə́sa, ādə̄ m̄-tɔ́rəń taḿ dɔí tə́ pá tá m-óý ɓáý.

LEBI GƏ̄ 9:22

Dan ń Aaro̰ tun̄ yá̰á̰ kə́ tām̄ yā majaĺ tə́ ō, róō yá̰a̰ horoó adə̄ Kɔ́ɔ̄ɓē ō, tun̄ yá̰á̰ kə́ tām̄ yā kem kógə̄ḿ tə́ ō, oy anī ni ɔy jīn kə̄ dɔɔ́ ō, tɔ́r̄ tan dɔ ngán Israel gə̄ tə́ ō, ba ɔtə ta loo tun̄ yá̰á̰ tə́.

JOJUE 22:6

Gō tə́ anī tɔ́r̄ tan dɔdə́ tə́ ba mērdə́ tél kaw̄ gogə́ ɓēé.

Najə̄ kə́ Majə yā Jeju ń Luk ndang ní 24:51

Ba dan ń ni a tɔ́r̄ tan dɔdə́ tə́ tītə̄ ń noō ní anī, ɔr̄ rɔ̄n rɔ̄də́ tə́ ba aw̄n̄ seneé dɔ rā̰ tə́.

KƏLA RĀĀ 1:9

Dan ń ni-ədadə́ yá̰a̰ gə̄ ń toō oy anī, ḭḭ ta kumdə́ tə́ ɗil ta kaw̄ kə̄ dɔ rā̰ tə́. Gō tə́ anī kil̄ man̄ kógə̄ḿ reē utə̄ dɔn kɔ̄ɔ́ ɔgə̄də́ ka̰a̰n.

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.