Najə̄ kə́ Majə yā Jeju ń Luk ndang ní 24:46 - Bibəl ta Sar̄

⁴⁶ ba ədadə́ na: Ndangən̄ kem makətūbūú tītə̄ ń toō beé na Kərist a̰a̰ tápə̄ ō, a ndól̄ dan de kə́ koy gə̄ tə́ ndɔ̄ kə́ nge ko̰ mətá tə́ ō,

Bible sar

⁴⁶ ba ədadə́ na: Ndangən̄ kem makətūbūú tītə̄ ń toō beé na *Kərist a̰a̰ tápə̄ ō, a ndól̄ dan de kə́ koy gə̄ tə́ ndɔ̄ kə́ nge ko̰ mətá tə́ ō,

Najə̄ kə́ Majə yā Jeju ń Luk ndang ní 24:46 Referans Kwoze

IJAI 50:6

m̄-tūr̄ gidəḿ m-ādə̄ ngé kəndaḿ gə̄, m̄-tūr̄ mbɔ́rə́ḿ m-ādə̄ ngé ró̰ȳ mbāýḿ gə̄. M-ūtə̄ gidə kumḿ kɔ̄ɔ́ najə̄ yā ngé tájə̄ḿ gə̄ tə́ aĺ ō, najə̄ yā ngé tībə̄ hōr̄ rɔ̄ḿ tə́ gə̄ tə́ aĺ ō.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

Najə̄ kə́ Majə yā Jeju ń Luk ndang ní 24:7

Ni-əda na i gáŕ kadə̄ əlan̄ Ngōn̄ Deē jī ngé rāā majaĺ gə̄ tə́ ō, kadə̄ a əndanən̄ kə máyá̰ tū kāgə̄ kə́ dēsə́ tə́ ō, i gáŕ kadə̄ a ndól̄ ndɔ̄ kə́ nge ko̰ mətá tə́ ō.

KƏLA RĀĀ 17:3

Ni ɔjədə́ kum najə̄ kə́ ndang kem makətūbə̄ yā Nə́ɓā tə́ ō, ɔjədə́ kadə̄ kə gō ń ndangən̄neé ní, i gáŕ kadə̄ Kərist ní a̰a̰ tápə̄ ō, oy ba ndól̄ dan de kə́ koy gə̄ tə́ ō. Ni ədadə́ na: Jeju ń m-ɔ́jə́sí najə̄ yān toó, i ni n i Kərist ní.

1 PIYER 1:3

Jə-tɔ̄yī Bɔbə̄ Kɔ́ɔ̄ɓē yājí Jeju Kərist, tām̄ ni-rāā kem majə sejí ngá̰ý! Ni-rāā adə̄ tél ojən̄jí gogə́ rang kə ta kūl̄ Jeju Kərist ń oy á ni ndólə̄n dan de kə́ koy gə̄ tə́ ní. I beé n jḭḭ̄ j-awīneé kə kəndā kem dɔ tə́ kə́ ndi kə kumneé ō,

KƏLA RĀĀ 4:12

Loo kə́ rang kə́ kadə̄ deē ənge kajə tū tə́ gətóo, deē a ajə i kə ta kūlən ni ngóy. Tɔdɔ̄ rī kə́ rang kə́ adə̄n̄ de gə̄ dɔ nang tə́ laā kadə̄ j-ajiī kə ta kūlənneé ní gətóo.

MATIYE 26:24

Ngōn̄ Deē a oy yā kaw̄ tītə̄ ń ndangən̄neé dɔn tə́ kem makətūbə̄ tə́ ní. Banī deē ń a əlan jī de gə̄ tə́ ní, yá̰á̰ kə́ majaĺ ngá̰ý a teē dɔn tə́! Kojə deē ń noō aĺ i só tə́.

JA̰A̰ 20:9

Tɔdɔ̄ najə̄ ń ndangən̄ na i kadə̄ Jeju a ḭḭ kɔ̄ɔ́ dan de kə́ koy gə̄ tə́ ní, ngé ndóō yá̰a̰ gə̄ gerə̄n̄ kum aĺ ɓáý.