Biblia Todo Logo
Bib sou entènèt

- Piblisite -




Najə̄ kə́ Majə yā Jeju ń Luk ndang ní 24:44 - Bibəl ta Sar̄

44 Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

Gade chapit la Kopi

Bible sar

44 Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ *ndū najə̄ yā Moijə tə́ ō, yā *ngé koō ta gə̄ tə́ ō, kem makətūbə̄ Pā gə̄ tə́ ō ní.

Gade chapit la Kopi




Najə̄ kə́ Majə yā Jeju ń Luk ndang ní 24:44
88 Referans Kwoze  

M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.


Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.


ni-rāā yá̰á̰ ní ngɔlaā adə̄jí jḭḭ̄ ngán kaadə́ gə̄. Tɔdɔ̄ Jeju ń oy ní, ni-ndólən dan de kə́ koy gə̄ tə́, tītə̄ ń ndangən̄ kem makətūbə̄ Pā gə̄ tə́ dɔ ninə̄n i jōó ní. Ndangən̄ na: I ḭ̄ n i Ngōnə̄ḿ ní, əla gír ɓōólaā ní mā i Bɔbí.


Ba ədadə́ to̰ na: I gáŕ kadə̄ Ngōn̄ Deē a̰a̰ tápə̄ ngá̰ý ō, kadə̄ kum kɔɔ̄ gə̄, kə ngol gə̄ kə́ dɔ ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄ mbātə́nən̄ ō, i gáŕ kadə̄ tɔ̄l̄nən̄ ō, ba kə ndɔ̄ kə́ nge ko̰ mətá anī i gáŕ kadə̄ ni a ndól̄.


I beé ɓá ní, Kɔ́ɔ̄ɓē nəkɔ́ a adə̄sí yá̰a̰ kɔjə kógə̄ḿ: Ngōmandə a ndān̄ ngōn̄, ba a ojə ngōn̄ kə́ dəngam. A ɓārə́n na i Emanuel, kumən na i Nə́ɓā i sejí.


Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.


Ndū najə̄ yā Moijə ɔjə kɔ̄r̄ kum yá̰a̰ kə gōgēé alé. Ni i ndíĺ yá̰á̰ kə́ majə gə̄ ń ndɔ̄ń tə́ a adə̄n̄ ní. Ni-dəje kadə̄ adə̄n̄ yá̰a̰ tun̄ kə́ kógə̄ḿ beē kə̄ nja naā tə́ kə dɔ ɓāl̄ gə̄ kanjə̄ dəba. I yá̰á̰ ń noō n ngé gə̄ ń ndɔ́tə̄n̄ kə̄ rɔ̄ Nə́ɓā tə́ ní, ni asə rāādə́ kadə̄ majə ɔtə̄n̄ kə taá alé ní.


Tɔdɔ̄ ré ī-taāī kem Moijə anī, ā ī-taāī kemḿ mā ō, tām̄ i najə̄ kə́ dɔḿ mā tə́ n ni-ndang kem makətūbūú ní.


Ā ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: De kógə̄ḿ i laā, rīn na i Nge ń sɔɔ̄ kadə̄ əɓa ní. Ndi kə kumuú a əɓa loo ń ni i tū tə́ ní tə́ ō, i ni n a tél yā rāā kújə yāḿ gogə́ ní ō.


Ni a teē kem ko̰o̰ ɓē yān kə̄ gogə́ ō, a rāā kadə̄ lɔm kə́ dan gān̄g aĺ to ngándáńg ō. Ni a ndi dɔ kōr̄ kāgə̄ mbang yā Dabid tə́ ō, a ɔr no de gə̄ kə́ kem ɓē ko̰o̰ yān tə́ ō. Ni a əndā ɓē ko̰o̰ yān ní ō, a mbūsə̄ gírən kadə̄ ra gan̄g ō, i kə ta kūl̄ rāā kadə̄ de gə̄ ɓōlə́n̄ gidə yá̰á̰ kə́ súmūú ō, yá̰a̰ rāā kə́ gōtə́ ō, a əla gír i ngɔr ń toō tə́ ō, i kə́ njɔ́ḿ gə̄ tə́ ō. Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý a rāā tām̄ tár yān kə́ təngā piling tə́ ní n noō.


I tām̄ najə̄ ń toō tə́ n najə̄ yā Kɔ́ɔ̄ɓē Nə́ɓā n toó ní: M-ə̄ndā mbal̄ nja kújə́ kógə̄ḿ kə́ ngan̄g ngá̰ý Siyo̰ tə́, i mbal̄ kógə̄ḿ kə́ kəla rāān bo tɔȳ yā madə̄ gə̄ malang, əndān̄ mbal̄ ní adə̄ ndi ngan̄g. Deē ń a ndə̄nā rɔ̄n kadə tə́ ní, a əsō alé.


Mbal̄ ń ngé kəndā kújə gə̄ mbátə́n̄ kɔ̄ɔ́ ní, tél mbal̄ kə́ kíĺ kújə́ tə́.


Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda wáńg ní n toó: Kaskar, ī-ndól̄ dɔ ɓīī tə́, ba ī-rɔ̄ɔ̄ nge kul̄ yá̰a̰ yāḿ, ī-rɔ̄ɔ̄ madə̄ taḿ ń əhɔ rɔ̄n tɔgə ngá̰ý ní. Ī-tɔ̄l̄ nge kul̄ yá̰a̰, loo ń noō tə́ batə̄ gə̄ a aw̄n̄ kə̄ loo gə̄ tə́ ō, yá̰a̰ kul̄ kə́ dūú gə̄ kə́ dan ɓūtə̄ yá̰a̰ kul̄ tə́ ní, m-ā m-ə̄nīdə́ rɔ̄ɔ̄ ō.


Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.


I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.


Kɔ́ɔ̄ɓē əda na: Nge kəla yāḿ a rāā kəla yān kadə̄ udə gírí majə. Ni a al̄ dɔɔ́, a əndānən̄ dɔɔ́ ō, a rɔȳnən̄ ngá̰ý ō.


M-ā m̄-rāā majə kə nápar de gə̄ kə́ dɔ nang tə́ gə̄ malang sɔɔ̄ń ngán kaaí gə̄, tɔdɔ̄ ḭ̄ ōō taḿ.


I tītə̄ ń toō n Ndíĺ kə́ Táĺ ɔjəjí kadə̄ dan ń kújə́ kə́ kété to ɓáý ní, róbə́ kə́ loo kə́ táĺ ngá̰ý ta teē aĺ ɓáý.


Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.


Ndɔ̄ ngeé ń noō tə́ ní, ni a ra dɔ ngōn̄ mbal̄ kāgə̄ olibə gə̄ tə́, kadə ɓē kə́ Jerusalem tə́ ngɔr, dām̄ kə́ gír ɓē tə́. Ngōn̄ mbal̄ kāgə̄ olibə gə̄ ní a njar danaá bang ō, wól loo kə́ bo a to ō, a ḭḭ dām̄ kə́ gír ɓē tə́ bátə́ dām̄ kə́ no ɓē tə́. Ngōn̄ mbal̄ ní núsən kógə̄ḿ a aw̄ kum kə̄ dām̄ mbɔ́r ɓē kə́ ko̰ó̰ tə́, ba núsən kə́rēý a aw̄ kum kə̄ dām̄ mbɔ́r ɓē kə́ geleé tə́.


m̄-na̰y kə̄ loo ka̰a̰ yá̰a̰ gə̄ tə́ kem nī tə́ ndɔ̄ɔ́: M-á̰á̰ yá̰á̰ kógə̄ḿ a reē naā tə́ kə kil̄ man̄ gēé tītə̄ ngōn̄ deē ndul beé. Reē bátə́ teē rɔ̄ de kə́ tɔgə ɓə́gá ní tə́, anī aw̄n̄ seneé rɔ̄n tə́.


Ɓāl̄ yā mban̄g gə̄ ngeé ń noō tə́ ní, Nə́ɓā kə́ dɔ rā̰ tə́ a əndā ɓē ko̰o̰ kógə̄ḿ kə́ deē a asə nujən aĺ ba tə́ ō, kə́ a əya̰n̄ kadə̄ gír de kə́ rang gə̄ ndin̄ dɔ tə́ aĺ ō. Ko̰o̰ ɓē ní a nujə ko̰o̰ ɓē gə̄ kə́ kété non tə́ kɔ̄ɔ́ malang ō, a rāā kadə̄ gətóon̄ kɔ̄ɔ́ malang ō. Ba gō tə́ anī, ko̰o̰ ɓē ní a to ngándáńg.


Najə̄ ń Kɔ́ɔ̄ɓē Nə́ɓā ɔr̄ ní n toō, ni-əda na: Mə̄kɔ́ m-ā m̄-gān̄g ta jī kāgə̄ sedər kógə̄ḿ kə́ dūú ta télən tə́ dɔɔ́, ba m-ā m-ə̄ndān dɔ mbal̄ kógə̄ḿ kə́ ngāl̄ ngá̰ý tə́.


Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.


Ngán Israel gə̄ a taān̄ nge tɔ̄l̄ deē ní jī nge rāā ba̰ā̰ deē ń oy tə́ ní yā kəya̰n dɔɔ́. A télən̄ seneé yā kaw̄ seneé gogə́ kem ɓē ń a̰ȳ aw̄ ɓɔ̄ɔ̄ rɔ̄n tū tə́ kété tə́ ní. Ni a ndi noó bátə́ kadə̄ ngol ngé tun̄ yá̰á̰ ń urən̄ yibə̄ kə́ táĺ dɔn tə́ ní oy pá tá.


Anī Kɔ́ɔ̄ɓē tél ədan na: Ī-rāā lī gində̄ ə́la ta kāgə̄ kə́ ngāl̄ tə́, kadə̄ deē ń lī do̰o̰n ba a̰a̰ lī gində̄ ní anī, kɔ́ɔ̄ a ajə.


M-ā m-ə̄nī madə̄ ba̰ā̰ naā dɔ dáńsí tə́ kə dəyá̰ ō, dɔ dáń gír kaa yāí tə́ kə gír kaa yānneé ō. Ni a rējə̄ dɔí, ba ḭ̄ ā ī-tə́gā gíŕ gándən.


Tītə̄ ń Moijə əlań lī dɔɔ́ kem dəla loo tə́ ní, i gáŕ kadə̄ a əlan̄ Ngōn̄ Deē dɔɔ́ tītə̄ ń noō ō,


ba ədadə́ na: Ndangən̄ kem makətūbūú tītə̄ ń toō beé na Kərist a̰a̰ tápə̄ ō, a ndól̄ dan de kə́ koy gə̄ tə́ ndɔ̄ kə́ nge ko̰ mətá tə́ ō,


Ndɔ̄ gə̄ ń a reēn̄ noō tə́ ní, m-ā m̄-rāā yá̰á̰ ń m-ə̄nī ndūḿ yā rāā kadə̄ ngán Israel gə̄ ō, ngán Juda gə̄ ō ní. Najə̄ ń Kɔ́ɔ̄ɓē əda ní n noó.


Kāgə̄ mban̄g a teē jī Juda tə́ aĺ ō, kāgə̄ ngār a ɔr̄ gír njan tə́ aĺ ō, bátə́ kadə̄ deē ń i kɔ́ɔ̄n, kə́ gír de kə́ dɔ nang tə́ gə̄ malang a oōn tan ní reē ugə̄ń.


Mban̄g kə́ Salem ń rīn na i Melkisedek ní adə̄ reēn̄ kə mápa ō, kasə nduú ō. Ni i nge tun̄ yá̰a̰ yā Nə́ɓā kə́ dɔɔ́.


Melkisedek ngeé ń toō ni i mban̄g kə́ Salem tə́ ō, nge tun̄ yá̰a̰ yā Nə́ɓā kə́ dɔɔ́ ō. Dan ń Abəraham tetə mban̄g gə̄ rɔ̄ɔ̄ ba a tél a reē kə̄ ɓēé anī, Melkisedek ɔjə non ba tɔ́r̄ tan dɔn tə́.


Kə́ tām̄ yā Moijə tə́ ɓáa, ni-ra dɔ ndūn tə́ kem kújə yā Nə́ɓā tə́ kə taá malang. Ni i nge rāā kəla ō, ni i de kə́ kum tə́ yā najə̄ ń Nə́ɓā a rāā yā kəda ní ō.


I Moijə ngeé ɓáý to̰ n əda ngán Israel gə̄ najə̄ ń toō ní, ni-ədadə́ na: Nə́ɓā a teē kə nge koō ta kógə̄ḿ kə́ tītə̄ḿ beē dan ngákó̰ó̰sí gə̄ tə́ yā kadə̄sí.


Tɔdɔ̄ ādə̄ m-ə́dásí, i gáŕ kadə̄ najə̄ ń ndangən̄ kem makətūbūú na: Tə́danən̄ dan ngé rāā majaĺ gə̄ tə́ ní reē udə gírí dɔḿ tə́. Tām̄ najə̄ gə̄ ń ndangən̄ ɔjə dɔḿ ní a reē yā kudə gíŕ kə́ rɔ̄ tə́.


Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.


Najə̄ ń m-ā m-ə́dásí toō, ī-ngɔ̄mī dɔsí tə́ majə: A əlan̄ Ngōn̄ Deē jī de gə̄ tə́.


Banī yá̰a̰ gə̄ ń toō malang rāān̄ yá̰a̰ i yā kadə̄ najə̄ gə̄ ń ngé koō ta gə̄ ndangən̄ ní reē udəń gírí. Loo ń noō tə́ ngé ndóō yá̰a̰ yān gə̄ əya̰nən̄ ba a̰ȳn̄ naā malang kɔ̄ɔ́.


Ba ré i beé ní, loo kadə̄ najə̄ gə̄ ń ndangən̄ kem makətūbūú ní a udən̄ gírí i ba̰ý? Ndangən̄ na i gáŕ kadə̄ yá̰a̰ na a rāā yá̰a̰ na i tītə̄ ń noō.


Jeju əla gír kəda ngé ndóō yá̰a̰ yān gə̄ kum mbang nəkɔ́ ń noō tə́ wáńg na i gáŕ kadə̄ n-aw̄ Jerusalem kadə̄ n-a̰a̰ tápə̄ ngá̰ý jī kum kɔɔ̄ gə̄ tə́ ō, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ tə́ ō. Na a tɔ̄l̄nən̄, ba ndɔ̄ kə́ nge ko̰ mətá anī n-a n-ndól̄.


Ɓē yā Dabid to i tītə̄ kújə ngɔm̄ kə́ ra dɔɔ́ aĺ beē. Ndɔ̄ kógə̄ḿ tə́ anī, mā Kɔ́ɔ̄ɓē m-ā m-ūtə̄ kumən kə́ mbútə̄ gə̄ kɔ̄ɔ́. Mbal̄ kə́ tū tə́ gə̄ ń tə́sōn̄ nang tə́ ní, m-ā m-ɔ́ýdə́ dɔɔ́ gogə́. M-ā m̄-tél yā rāān kadə̄ a to tītə̄ kə́ kété.


Nin̄-əhɔn̄ rɔ̄də́ tɔgə sāān̄ ger̄ ɓāl̄ ń yá̰á̰ ń Ndíl Kərist əda najə̄n ní a rāā yā rāań yá̰á̰ ní ō, nin̄-sāān̄ ger̄ yá̰á̰ gə̄ ń a rāān̄ yá̰a̰ ndɔ̄ ngeé ń noō tə́ ní ō. Tɔdɔ̄ Ndíĺ Kərist ngeé ń toō ń ndi kemdə́ tə́ ní, ədadə́ najə̄ yā yá̰á̰ kə́ tōr̄ ń a rāā yā rāā Kərist ní kété ō, ədadə́ najə̄ yā kɔsə gɔn ń a dān̄ gō yá̰á̰ kə́ tōr̄ ngeé ń toō ní ō.


Nə́ɓā əda kété kə ta kūl̄ ngé koō ta gə̄ malang na Kərist yān na a a̰a̰ tápə̄. I yá̰á̰ ń toō n ni-rāā adə̄ reē udə gírí ní.


tɔdɔ̄ ni-ndóō ngé ndóō yá̰a̰ yān gə̄ yá̰a̰, ədadə́ na: A əlan̄ Ngōn̄ Deē jī de gə̄ tə́, a tɔ̄l̄nən̄. Ba ré tɔ̄l̄nən̄ oy anī, kə ndɔ̄ kə́ nge ko̰ mətá anī, ni a ndól̄.


Yá̰á̰ gə̄ ń noō malang a rāān̄ yá̰a̰ i yā kadə̄ najə̄ ń Kɔ́ɔ̄ɓē əndā ta nge koō ta tə́ adə̄ əda kété ní reē udəń gírí. Najə̄ ní n toó:


tɔdɔ̄ ā ə́ya̰m̄ ɓádá aĺ ō, ā ə́ya̰ de kə́ táĺ yāí kadə̄ ndum aĺ ō.


I beé ní ī-ngɔ̄mī rɔ̄sí tá ādī yá̰á̰ ń ngé koō ta gə̄ ədan̄ najə̄n ní rāāsí alé, nin̄-ədan̄ na:


Swiv nou:

Piblisite


Piblisite