Najə̄ kə́ Majə yā Jeju ń Luk ndang ní 24:39 - Bibəl ta Sar̄

³⁹ Á̰a̰ī jīḿ gə̄ kə njaḿ gə̄. I mā nəkɔ́ n m̄-ra toó. Ɔ́dəmī, á̰a̰ī tɔdɔ̄ ndíl aw̄ kə dā̰ rɔ̄neé ō, kə kə̄ngāneé ō tītə̄ ń mā m-āwń toō alé.

Bible sar

³⁹ Á̰a̰ī jīḿ gə̄ kə njaḿ gə̄. I mā nəkɔ́ n m̄-ra toó. Ɔ́dəmī, á̰a̰ī tɔdɔ̄ ndíl aw̄ kə dā̰ rɔ̄neé ō, kə kə̄ngāneé ō tītə̄ ń mā m-āwń toō alé.

Najə̄ kə́ Majə yā Jeju ń Luk ndang ní 24:39 Referans Kwoze

JA̰A̰ 20:27

Gō tə́ anī ni-tél əda Toma na: Əla ta ngōn̄ jīí kə̄ laā ō, á̰a̰ jīḿ gə̄ ō. Ī-reē kə jīí kə̄ kété laā ə́la kadəḿ tə́. Ī-lōō gír taā kem aĺ tə́ ba ī-taā kem.

1 JA̰A̰ 1:1

Yá̰á̰ ń to kété pá tá kadə̄ Nə́ɓā əla gír rāā yá̰a̰ gə̄ ō, yá̰á̰ ń j-oō ō, j-a̰ā̰ kə kumjí ō, j-a̰a̰ majən ō, jījí ɔdə rɔ̄n ō ní, i najə̄ ń i nge rāā deē kadə̄ ndi kə kumneé ní.

JA̰A̰ 20:20

Dan ń ni-ədadə́ najə̄ ń noō oy anī, ɔjədə́ jīn gə̄ ō, kadən ō. Dan ń ngé ndóō yá̰a̰ gə̄ a̰ā̰n̄ Kɔ́ɔ̄ɓē ní, rɔ̄də́ nel̄də́ ngá̰ý.

KOHELET 12:7

Loo ń noō tə́ ní dā̰ rɔ̄ deē téĺ nán̄g gogə́ tām̄ rāānən̄ i kə nángāá ō, koō deē tél kə̄ rɔ̄ Nə́ɓā tə́ gogə́, tām̄ i Nə́ɓā n i nge kəla koō kem deē tə́ ní ō.

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju Kərist tə́ anī, najə̄ gətóo dɔsí tə́.

TƏ́DA 16:22

Moijə nin̄ kə Aaro̰ əsō sébən̄ kumdə́ nang tə́ ba ədan̄ na: Á Nə́ɓā, ḭ̄ ń ī-rāā adə̄ de gə̄ malang ndin̄ kə kumdə́ ní, de kə́ kógə̄ḿ beē rāā yá̰á̰ kə́ majanī, ā ī-rāā wōn̄g kə gotə de gə̄ malang a?

HEBƏRO 12:9

Ī-gírī dɔ bɔbə̄jí kə́ dɔ nang tə́ laā gə̄ tə́. Əndan̄jí yā tūrəńjí, anī jə-ɓōlíī ndíĺdə́. Majə kadə̄ j-əlaī dɔjí gíŕ tɔ́gə Bɔbə̄jí kə́ dɔ rā̰ tə́ kadə̄ tɔȳ yādə́, yā kadə̄ jə-ndiīń kə kumjí aĺ a?

JA̰A̰ 20:25

Anī ngé ndóō yá̰a̰ kə́rēý gə̄ ədanən̄ na n-a̰a̰n̄ Kɔ́ɔ̄ɓē. Banī ni ədadə́ na ré n-a̰a̰ tə́re do máyá̰ kə́ da jīn tə́ aĺ ō, ré n-əla ta ngōn̄ jīn gotə bəlo máyá̰ ní tə́ aĺ ō, ré n-əla jīn kadən tə́ aĺ ō anī, n-a n-taā kem alé.

KƏLA RĀĀ 1:3

I nin̄ ngeé ń toō ɓáý to̰ n ni ɔjədə́ rɔ̄n ní ō, rāā yá̰a̰ gə̄ ngá̰ý gō koy ń ni-oy tə́ ní, ɔjəńdə́ kadə̄ na n-ndi kə kumneé ní ō, ni-rāā adə̄ a̰a̰nən̄ ō, ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō dɔ ndɔ̄ kutə sɔ́.

Najə̄ kə́ Majə yā Jeju ń Luk ndang ní 23:46

Anī Jeju əga kɔŕ ngá̰ý əda na: Bɔbə́ḿ, m-ə́yá̰ ndílə́ḿ kem jīí tə́. Dan ń əda najə̄ ń noō oy anī, əhɔ tan kə̄ naā tə́.

Najə̄ kə́ Majə yā Jeju ń Luk ndang ní 24:38

Ba Jeju ədadə́ na: Ángalsí ndi kə gōó to̰ alé i najə̄ rí tə́? Kemsí a tɔ́sə̄sí i tām̄ rí tə́?

Najə̄ kə́ Majə yā Jeju ń Luk ndang ní 24:40

Dan ń ni a əda tītə̄ ń noō ní anī, ɔjədə́ jīn gə̄ kə njan gə̄.