Najə̄ kə́ Majə yā Jeju ń Luk ndang ní 24:36 - Bibəl ta Sar̄

³⁶ Nin̄ a ɔrə̄n̄ najə̄ kə tadə́ tə́ ɓáý anī, Jeju nəkɔ́ teē ra dandə́ tə́, ba ədadə́ na: Ādə̄ lɔm i sesí!

Bible sar

³⁶ Nin̄ a ɔrə̄n̄ najə̄ kə tadə́ tə́ ɓáý anī, Jeju nəkɔ́ teē ra dandə́ tə́, ba ədadə́ na: Ādə̄ lɔm i sesí!

Najə̄ kə́ Majə yā Jeju ń Luk ndang ní 24:36 Referans Kwoze

2 TESALONIK 3:16

Ādə̄ Kɔ́ɔ̄ɓē kə́ nge kem sɔl̄ lɔm sɔl̄ kemsí ngándáńg ō, kə ta róbə́ kə́ tayā tayā gə̄ ō. Ādə̄ Kɔ́ɔ̄ɓē i naā tə́ sesí malang.

Najə̄ kə́ Majə yā Jeju ń Luk ndang ní 10:5

Ré ā ī-rāāī yā kudə kə̄ kem kújə́ kə́rēý tə́ anī, ə́daī na kadə̄ kem sɔl̄ kə i kem kújə́ ń noō tə́, pá tá údiī ɓáý.

MARK 16:14

Gō tə́ anī, ni-teē hɔy kə̄ rɔ̄ ngé kə́ kutə gidə i kógə̄ḿ gə̄ tə́, dan ń ndi a əsan̄ yá̰á̰ ní. Ni ibədə́ tām̄ taā kem najə̄ aĺ yādə́ tə́ ō, tām̄ kem ngan̄g yādə́ tə́ ō.

IJAI 57:18

Hálən ń rāā ní, m-á̰a̰ā̰ majə ngá̰ý, banī m-ā m̄-rāān kadə̄ a ngáā. M-ā m-ɔ́jən ta róbə, m-ā m-ə́la go̰ kemən tə́. ngé gə̄ ń yo i dɔdə́ tə́ adə̄ nin̄ əhɔn̄ ndoō ní,

JEJU TEĒ KUM JA̰A̰ 1:4

I mā Ja̰a̰ n m̄-ndang makətūbə̄ ń toō m-ə́lań m-ādə̄ Egəlijə kə́ sīrí gə̄ kə́ gō nang kə́ Aji tə́ ní. Ādə̄ nge ń ndi ngɔlaā ō, ndi kété ō, a reē ɓáý ní ō, ādə̄ ndíĺ kə́ sīrí gə̄ ń ran̄ ta kōr̄ kāgə̄ mbang yān tə́ ní ō, rajən̄sí ō, sɔlə̄n̄ kemsí ō. Ādə̄ Jeju Kərist ń i nge kəda najə̄ kə́ kum tə́ kə́ ni i nge ra dɔ ndūn tə́ ō, ni i ngōn̄ hágə́ kə́ ndól̄ kété no de kə́ koy gə̄ tə́ ō, ni i de kə́ bo kə́ dɔ mban̄g gə̄ kə́ dɔ nang tə́ ō ní, Kərist ń táŕjí ō, gān̄g dɔjí kə mósəneé najə̄ majaĺ yājí tə́ ō,

1 KORḚNTƏ 15:5

Ni-teē hɔy kə̄ rɔ̄ Piyer tə́ ō, gō tə́ anī teē hɔy kə̄ rɔ̄ ngámbang kəla gə̄ kə́ kutə gidə i jōó tə́ ō.

JA̰A̰ 20:26

Ndɔ̄ sɔ́sɔ́ gō tə́ anī, ngé ndóō yá̰a̰ gə̄ ndin̄ kújú ɓáý to̰, banī Toma i sedə́. Nin̄ utə̄n̄ ta kújə kɔ̄ɔ́, banī Jeju reē ra dandə́ tə́ ədadə́ na: Ādī kemsí sɔl̄ lɔm.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

MATIYE 10:13

Ré de kə́ kem kújə́ ní tə́ gə̄ asən̄ kənge kem sɔl̄ lɔm anī, kem sɔl̄ lɔm yāsí ní to tām̄ yādə́ tə́. Ba ré nin̄-asən̄ aĺ anī ādə̄ kem sɔl̄ lɔm yāsí tél to tām̄ yāsí tə́ gogə́.

KƏLA RĀĀ 1:3

I nin̄ ngeé ń toō ɓáý to̰ n ni ɔjədə́ rɔ̄n ní ō, rāā yá̰a̰ gə̄ ngá̰ý gō koy ń ni-oy tə́ ní, ɔjəńdə́ kadə̄ na n-ndi kə kumneé ní ō, ni-rāā adə̄ a̰a̰nən̄ ō, ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō dɔ ndɔ̄ kutə sɔ́.

1 KORḚNTƏ 15:7

Gō tə́ anī ni-teē hɔy kə̄ rɔ̄ Jakə tə́. Kutə gō anī ni-teē hɔy kə̄ rɔ̄ ngámbang kəla gə̄ tə́ malang.