Najə̄ kə́ Majə yā Jeju ń Luk ndang ní 24:19 - Bibəl ta Sar̄

¹⁹ Jeju tél dəjedə́ ké i yá̰á̰ rí gə̄ wa. Anī nin̄-tél ədanən̄ na: Yá̰a̰ gə̄ ń reēn̄ dɔ Jeju kə́ Najaret kə́ nge koō ta, kə́ rāā kəla kə tɔ́gɔ́ ō, ɔr̄ najə̄ kə tɔ́gɔ́ ō, ta kum Nə́ɓā tə́ ō, ta kum ngán Israel gə̄ tə́ malang ō ní, ḭ̄ ōō aĺ a?

Bible sar

¹⁹ Jeju tél dəjedə́ ké i yá̰á̰ rí gə̄ wa. Anī nin̄-tél ədanən̄ na: Yá̰a̰ gə̄ ń reēn̄ dɔ Jeju kə́ *Najaret kə́ *nge koō ta, kə́ rāā kəla kə tɔ́gɔ́ ō, ɔr̄ najə̄ kə tɔ́gɔ́ ō, ta kum Nə́ɓā tə́ ō, ta kum ngán *Israel gə̄ tə́ malang ō ní, ḭ̄ ōō aĺ a?

Najə̄ kə́ Majə yā Jeju ń Luk ndang ní 24:19 Referans Kwoze

MATIYE 21:11

Anī kósə de gə̄ tūr̄ ədan̄də́ na: I Jeju nge koō ta kə́ ḭḭ Najaret, gō nang kə́ Galile tə́.

KƏLA RĀĀ 7:22

Ndóōn̄ Moijə yá̰a̰ malang ń de kə́ Ejiptə tə́ gə̄ gerə̄n̄ ní. Adə̄ ni-tél de kə́ tɔ́gən i ngá̰ý tū najə̄ kɔrə̄n tə́ ō, tū kəla rāān gə̄ tə́ ō.

KƏLA RĀĀ 2:22

Israel gə̄, ōōī najə̄ ń m-ā m-ə́dásí toō: Sḭḭ̄ malang ī-gerī kadə̄ Jeju kə́ Najaret ní, Nə́ɓā ndigə najə̄ gōn tə́. Tām̄ ni-unən rāań yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, yá̰á̰ kə́ yā kɔjəń yá̰a̰ gə̄ ō dɔ dáńsí tə́.

JA̰A̰ 6:14

Loo ń de gə̄ a̰ā̰n̄ yá̰á̰ kə́ yáā ń Jeju rāā ní anī, ədan̄ na: Nge koō ta ń kadə̄ reē dɔ nang tə́ ní i deē ń toō rɔ̄kum.

JA̰A̰ 4:19

Dəyá̰ ədan na: Kɔ́ɔ̄ɓē, m-á̰a̰ kadə̄ ḭ̄ i nge koō ta kógə̄ḿ.

JA̰A̰ 3:2

Ni-reē rɔ̄ Jeju tə́ ndɔ̄ɔ́, ba ədan na: Ngoljí, ḭ̄ i nge kɔjə yá̰á̰ ń Nə́ɓā əlaī tāmən tə́ ní, adə̄ jə-ger̄ majə. Deē kógə̄ḿ kə́ yā rāā yá̰á̰ kə́ yáā gə̄ ń ī-rāā ní gətóo, ré i Nə́ɓā n i seneé tá.

Najə̄ kə́ Majə yā Jeju ń Luk ndang ní 7:16

Ɓōĺ rāā de gə̄ malang, adə̄ a ɔsən̄ gɔn Nə́ɓā, ədan̄ na: Nge koō ta kə́ bo teē danjí tə́, adə̄ Nə́ɓā reē go̰ō̰ gír deē yān gə̄ tə́.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

JA̰A̰ 7:52

Nin̄-tél ədanən̄ na: Ī-ndəle gír najə̄ kə́ kem makətūbə̄ yā Nə́ɓā tə́, anī ā á̰a̰ā̰ kadə̄ nge koō ta kógə̄ḿ kə́ teē i Galile tə́ gətóo.

MARK 1:24

Jeju kə́ Najaret, yāí i rí sejí? Ī-reē i nujəjí tə́ a? m̄-ger̄ majə kadə̄ ḭ̄ i nge kə́ táĺ yā Nə́ɓā.

NDŪ NAJƏ̄ 18:15

I nge koō ta yā Nə́ɓā kə́ tītə̄ḿ mā Moijə n Kɔ́ɔ̄ɓē Nə́ɓā yāí a əla seneé yā kadī ní. Deē ní i de kə́ gír yāí tə́, i ni n ā ōō najə̄ yān ní.

Najə̄ kə́ Majə yā Jeju ń Luk ndang ní 24:18

Nge kógə̄ḿ kə́ dandə́ tə́ kə́ rīn na i Kəleopas tél ədan na: Ḭ̄ ngóy n i de kə́ Jerusalem kə́ ger̄ gō yá̰a̰ gə̄ ń rāān̄ yá̰a̰ kemeé kem ndɔ̄ gə̄ ń toō tə́ aĺ ní? De kə́ rang kə́ ger̄ gō yá̰a̰ gə̄ ń toō aĺ bátə́ gətóo.