Najə̄ kə́ Majə yā Jeju ń Luk ndang ní 23:7 - Bibəl ta Sar̄

⁷ Loo ń ni-ger̄ kadə̄ i deē yā Herod anī, əla seneé rɔ̄ Herod tə́. Kem ndɔ̄ gə̄ nəkɔ́ ń noō tə́ ní Herod nəkɔ́ i Jerusalem noó ō.

Bible sar

⁷ Loo ń ni-ger̄ kadə̄ i deē yā Herod anī, əla seneé rɔ̄ Herod tə́. Kem ndɔ̄ gə̄ nəkɔ́ ń noō tə́ ní Herod nəkɔ́ i *Jerusalem noó ō.

Najə̄ kə́ Majə yā Jeju ń Luk ndang ní 23:7 Referans Kwoze

Najə̄ kə́ Majə yā Jeju ń Luk ndang ní 3:1

Kem ɓāl̄ kə́ nge ko̰ kutə gidə i mí ń Tiber Sejar o̰o̰ń ɓē tə́ ní, Po̰sə Pilatə i nge ko̰o̰ ɓē kə́ Jude ō, Herod i nge ko̰o̰ ɓē kə́ Galile ō, ngōkó̰o̰ Herod ń rīn na i Pilipə ní i nge ko̰o̰ ɓē kə́ Iture ō kə́ Tərakonitidə ō, Lijanias i nge ko̰o̰ ɓē kə́ Abilen ō,

Najə̄ kə́ Majə yā Jeju ń Luk ndang ní 13:31

Kum mbang nəkɔ́ ń noō tə́ Parijiyḛ kə́rēý gə̄ ndɔ́tə̄n̄ kə̄ ngɔr ba ədanən̄ na: Ɔ́tə kɔ̄ɔ́ laā ba āw̄, tɔdɔ̄ Herod a sāā tɔ̄lī.

MATIYE 14:1

Dan ngeé ń noō tə́ ní, rī Jeju ɓāŕ ngá̰ý, adə̄ əsō mbī Herod nge ko̰o̰ ɓē tə́.

MATIYE 14:3

Tɔdɔ̄ kété ní Herod adə̄ əhɔn̄ Ja̰a̰ ənīn̄ súĺ njan tə́, ba ənīnən̄ dəngáyá najə̄ yā Herodiad nə̄yá̰ ngōkó̰o̰n Pilipə tə́.

MATIYE 14:6

Banī ndɔ̄ ń Herod a rāań nāā kojən tə́ ní anī, ngōn̄ Herodiad kə́ dəyá̰ ndām̄ no ngé reē rāā nāā gə̄ tə́ malang. Ndām̄ yān ní nel̄ Herod ngá̰ý,

MARK 6:14

Mban̄g Herod oō kōō Jeju, tɔdɔ̄ rīn asə gō loo gə̄ ngá̰ý, adə̄ de gə̄ ədan̄ na i Ja̰a̰ Batistə n ndól̄ dan de kə́ koy gə̄ tə́ kɔ̄ɔ́ ní, adə̄ na i tām̄ ń noō tə́ n aw̄ kə tɔ́gə yā rāā yá̰á̰ kə́ yáā gə̄ ń noō ní.

Najə̄ kə́ Majə yā Jeju ń Luk ndang ní 9:7

Yá̰a̰ gə̄ malang ń rāān̄ yá̰á̰ ní Herod nge ko̰o̰ ɓē oō, banī ni-ger̄ najə̄ mandang kə́ yā ra dɔ tə́ alé, tām̄ de kə́rēý gə̄ ədan̄ na Jeju na i Ja̰a̰ ń oy ní n na ndól̄ dan de kə́ koy gə̄ tə́ ní ō,

Najə̄ kə́ Majə yā Jeju ń Luk ndang ní 23:6

Dan ń Pilatə oō beé ní a, dəje ké deē ní i de kə́ Galile wa.

KƏLA RĀĀ 4:27

Najə̄ ní i rɔ̄kum, tɔdɔ̄ Herod ō, Po̰sə Pilatə ō, nápar de kə́ rang gə̄ ō, Israel gə̄ ō, ɓoon̄ naā kem ɓē ń toō tə́ dɔ Jeju nge kəla yāí kə́ táĺ tə́, ni ń úr yibə̄ ngār dɔn tə́ ní.