Najə̄ kə́ Majə yā Jeju ń Luk ndang ní 23:5 - Bibəl ta Sar̄

⁵ Ba nin̄-əhɔn̄ tadə́ ngan̄g ɓáý, ədan̄ na: Ni sə̄lā de gə̄ kə ta kūl̄ ndóōdə́ yá̰a̰ gō nang kə́ Jude tə́ malang, əla gír i Galile tə́ nú bátə́ gāngəń laā.

Bible sar

⁵ Ba nin̄-əhɔn̄ tadə́ ngan̄g ɓáý, ədan̄ na: Ni sə̄lā de gə̄ kə ta kūl̄ ndóōdə́ yá̰a̰ gō nang kə́ Jude tə́ malang, əla gír i Galile tə́ nú bátə́ gāngəń laā.

Najə̄ kə́ Majə yā Jeju ń Luk ndang ní 23:5 Referans Kwoze

JA̰A̰ 2:11

Nge ń toō i yá̰á̰ kə́ yáā kə́ ta kəga dɔ ń Jeju rāā ní. Ni-rāā i Kana, gō nang kə́ Galile tə́. Ni ɔjə kɔsə gɔn yān kə̄ ndágá, adə̄ ngé ndóō yá̰a̰ yān gə̄ taān̄ kemən.

JA̰A̰ 1:43

Teē kə ndɔ̄ kə́ noō anī, Jeju gḛy kaw̄ Galile. Ni-ənge Pilipə róbó, anī ədan na kə un gōn.

MARK 1:14

Kutə̄ gō ń əlan̄ Ja̰a̰ jī de gə̄ tə́ ní, Jeju reē Galile.

MATIYE 4:23

Jeju un gō nang kə́ Galile malang, a ndóō de gə̄ yá̰a̰ kem kújə́ kán̄ naā yādə́ gə̄ tə́ ō, a ənī mbēr̄ Najə̄ kə́ Majə kə́ dɔ Ɓē ko̰o̰ tə́ ō, rāā adə̄ rɔ̄ ngé mo̰y kə́ tayā tayā gə̄ malang ngáā ō, rāā adə̄ rɔ̄ de kə́ nujə gə̄ malang tél majə gogə́ ō, dan ngán Israel gə̄ tə́.

KƏLA RĀĀ 23:10

Dan ń najə̄ a majaĺ i kum kə̄ kété kété ō, ngol áskar gə̄ kə́ bo ɓōĺ najə̄ kadə̄ a rə́yā̰n̄ Pol naā tə́ ō ní anī, ni-adə̄ ndūn ɓūtə̄ áskar gə̄ kadə̄ aw̄ teēn̄ kə Poló kɔ̄ɔ́ dan de gə̄ tə́, ba kə aw̄n̄ seneé kem gérgereé.

KƏLA RĀĀ 10:37

Yá̰á̰ ń rāā yá̰a̰ gō batém ń Ja̰a̰ ɔjə najə̄n tə́ ní sḭḭ̄ ī-gerī. Yá̰á̰ ní əla gíŕ Galile, ba gō tə́ anī taā gō nang kə́ Jude malang.

KƏLA RĀĀ 7:57

Loo ń noō tə́ nin̄-əgan̄ kɔŕ ngá̰ý ba əlan̄ jīdə́ mbīdə́ tə́ utə̄n̄neé kɔ̄ɔ́. Ba malangdə́ gə̄ ní əlan̄ ngɔ̄də̄ dɔn tə́ gidə kógə̄ḿ,

KƏLA RĀĀ 7:54

Najə̄ ní adə̄də́ wōn̄g ngá̰ý, adə̄ tadə́ ndebə mimis ō, do̰o̰n̄ tadə́ dɔ Etiyen tə́ ō.

KƏLA RĀĀ 5:33

Dan ń nin̄-oōn̄ najə̄ gə̄ ń noō ní anī wōn̄g asədə́ nák, adə̄ sāān̄ tɔ̄l̄ ngámbang kəla gə̄ kɔ̄ɔ́.

JA̰A̰ 19:15

Banī nin̄-unən̄ ndūdə́ kə̄ dɔɔ́ ngá̰ý ədanə̄ń na: Ādə̄ oy! Ādə̄ oy! Əndan kə máyá̰ tū kāgə̄ kə́ dēsə́ tə́! Pilatə tél ədadə́ na: Kə m-ə́nda mban̄g yāsí kə máyá̰ tū kāgə̄ kə́ dēsə́ tə́ a? Anī Ngol gə̄ kə́ dɔ ngé tun̄ yá̰a̰ gə̄ tə́ tél ədan̄ na: Jḭḭ j-aw̄ kə mban̄g kə́ rang alé, i Sejar ngóy!

JA̰A̰ 7:52

Nin̄-tél ədanən̄ na: Ī-ndəle gír najə̄ kə́ kem makətūbə̄ yā Nə́ɓā tə́, anī ā á̰a̰ā̰ kadə̄ nge koō ta kógə̄ḿ kə́ teē i Galile tə́ gətóo.

JA̰A̰ 7:41

De kə́ rang gə̄ ədan̄ na ni na i Kərist. Ba de kə́ rang gə̄ ɓáý to̰ tél dəjen̄də́ na ké Kərist a teē i Galile wa.

Najə̄ kə́ Majə yā Jeju ń Luk ndang ní 23:23

Ba nin̄-əhɔn̄ gír ngan̄g ngá̰ý kə̄ nodə́ tə́ kə kɔŕ gēé kə̄ dɔɔ́, ba dəjen̄ kadə̄ kə əndan̄ Jeju tū kāgə̄ kə́ dēsə́ tə́ kə máyá̰, ba kɔŕ yādə́ ní a ɓār̄ kə̄ dɔɔ́ ngan̄g ngá̰ý mān̄ kə̄ kété ɓáý to̰.

Najə̄ kə́ Majə yā Jeju ń Luk ndang ní 11:53

Dan ń Jeju teē kɔ̄ɔ́ ɓē Parijiyḛ ní anī ngé ndóō de gə̄ ndū najə̄ gə̄ ō, Parijiyḛ gə̄ ō, əhɔnən̄ kemdə́ tə́ ō, dəjenən̄ najə̄ dɔ yá̰a̰ gə̄ tə́ gír i kósə ngá̰ý ō.

MATIYE 27:24

Dan ń Pilatə a̰ā̰ kadə̄ najə̄ yān teē yá̰a̰ alé, ba de gə̄ a ənīn̄ i wúȳ jīn tə́ anī, un man̄ tə́goń jīn ta kum kósə de gə̄ tə́, ba əda na: Mósə deē ń toō a əsō dɔḿ mā tə́ alé, i najə̄ yāsí sḭḭ̄ kɔ́ gə̄!

PĀ GƏ̄ 69:4

m̄-túr̄ kɔĺ sétə́ kɔr asəm̄ nák kɔ̄ɔ́. Kem míndə́ḿ təngām̄ tólóló. Kumḿ ɔr kɔ̄ɔ́ loo ngóō Nə́ɓā tə́.

PĀ GƏ̄ 57:4

Ādə̄ ni ń ndi dɔ rā̰ tə́ ní əla kə kajaá adə̄m̄. Ādə̄ əla rɔ̄sɔl̄ dɔ nge ngɔ̄də̄ḿ tə́, ādə̄ Nə́ɓā əla kə yá̰á̰ kə́ ɔjə kadə̄ ni i nge kem majə ō, nge ra dɔ ndūn tə́ ō, adə̄m̄!

PĀ GƏ̄ 22:16

Kem kɔ́ɔ́ḿ tutə ká kákə́rá ō, Ndo̰ḿ tə́ya̰ kem nga̰ā̰ḿ tə́ ō. Ḭ̄ ə̄nīm̄ ta bāá yo tə́.

MATIYE 2:1

Ojən̄ Jeju i Betlehem, gō nang kə́ Jude tə́, ɓāl̄ yā mban̄g Herod tə́. Gō tə́ anī, ngé ka̰a̰ yá̰a̰ tū tə́yō̰ tə́ gə̄ ḭḭn̄ gír ɓē tə́ reē ugə̄n̄ Jerusalem,

MATIYE 11:1

Dan ń Jeju ɔjə ngé ndóō yá̰a̰ yān kə́ kutə gidə i jōó gə̄ yá̰a̰ gə̄ oy anī ndɔ́tə̄ kɔ̄ɔ́ loo ní tə́ ba aw̄ ndóō de gə̄ yá̰á̰ tə́ ō, kɔjə najə̄ yā Nə́ɓā tə́ ō, kem ɓē gə̄ kə́ gō nang ngeé ń noō tə́.

Najə̄ kə́ Majə yā Jeju ń Luk ndang ní 23:6

Dan ń Pilatə oō beé ní a, dəje ké deē ní i de kə́ Galile wa.